Yeˬlaˬmiˇ 2:10 - Akha

¹⁰ Nahˇ ma ga kʼehˬ paw jaˆ luꞈ-eu, Guˇbaˬluˇ iˇ jaw lahˇ-ahˇ iˇ haw-awˬ. Nahˇ ma doˆ kʼehˬ paw jaˆ-eu Geˬdaˬ miˇ kʼahˬ-ahˇ, tsawˇ haˬ pyehˬ-awˇ bi iˇ haw-awˬ. Heu loꞈ-ehˇ gʼeh-eu jeˬ maˬ pyeuꞈ laˇ haw-euˬ gaˇ, naw maꞈ yaw duˬ duˬ-ehˇ ya siˬ tehꞈ-a.

Yeˬlaˬmiˇ 2:10 ပူးပေါင်းရင်းမြစ်များ

Aˇ dahˬ 25:13

Aˬ yawꞈ-euˬ aˬ li deuˬ-aˬ, Neˬbaˬyoˇ, Geˬdaˬ, Aˬdaˬbeˬlaˇ, Miˇbaˬsaˬ,

1 Sahˬpaˬ 9:9

Kʼoeˇ ngeh, aˬ yawꞈ maꞈ-ahˇ aˬ cawˬ heu loꞈ-ehˇ ehˇ kʼoꞈ nehˬ tehꞈ-a. ‘Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-euˬ miˇ neh, kʼoeˇ loꞈ-ehˇ jahˇ nehˬ-euˬ gaˇ ya daˬ-euˬ meh. Aˬ yawꞈ maꞈ miˬyehˇ nui deuˬ-ahˇ gʼoe-awˇ uˬ duˬ tahˬ-euˬ meh. Kʼoeˇ miˇ neh, heu loꞈ-ehˇ gʼeh-eu luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ Sahˬpaˬ Miˬyehˇ bi keuˆ le-euˬ meh’ lehˇ ehˇ kʼoꞈ nehˬ tehꞈ-a.”

1 Laˬsaˬbaˬ 1:7

Yaˬbaˬ-euˬ zaˬ deuˬ uˆ deuˬ-aˬ, Eˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˬ tsawˇ jeuˬ deuˬ meh.

1 Laˬsaˬbaˬ 23:1

Daˬbiˇ tsawˇ mawˬ mawˬ dui dui laˇ ngeh, aˬ yawꞈ-euˬ aˬ li Sawˇlaˬmoˬ-ahˇ Iˇsaˬleˬlaˆ sahˬ paˬ ka nehˬ-euˬ meh.

1 Laˬsaˬbaˬ 23:12

Kawˇhaˆ-aˬ, Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ lehˇ myahˇ-euˬ aˬ li oeˬ li jawˇ-eu meh.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Iˇsaˬyaˇ 21:16

Kʼoeˇ naˇ, Sahˬpaˬ Miˬyehˇ ngaˬ-ahˇ ehˇ-eu, “Tiˬ kʼoꞈ daw law ni byah laˇ ngeh, Geˬdaˬ tsawˇ jeuˬ-euˬ huiˬ-eu yaw shehꞈ kʼahˬ sehˇ, piˬ le byoˆ le tehꞈ-a.

Iˇsaˬyaˇ 23:1

Heu-aˬ, Duˇlu meuˬ-ahˇ taꞈ leˇ-eu Miˬyehˇ-euˬ dawˬ meh. Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ-awˬ. Duˇlu meuˬ luˬ-iˇ seˇ-iˇ jiˇ-awˇ, nymˇ hawˇ-eu saˇ baoˬ naˬ duˬ maˬ paˇ jaˆ meh. Guˇbaˬluˇ miˇ kʼahˬ-ahˇ neh, gaˇ kawˆ heu gaˬ keuˆ laˇ-euˬ meh.

Iˇsaˬyaˇ 23:12

Siˇdoˬ meuˬ-oˇ, nawˇ laˬ kʼaˬ cehˇ-eu aˇ yamˬ jiˇ le-awˇ, nawˬ-euˬ tsawˇ haˬ deuˬ-ahˇ aˬ cawˬ kʼehˬ tehꞈ-a. Guˇbaˬluˇ iˇ jaw lahˇ-ahˇ cehˆ-iˇ kʼawꞈ, cehˆ dzeuˇ kʼaˇ maˬ za-a.

Yeˬlaˬmiˇ 49:28

Geˬdaˬ tsawˇ jeuˬ gaˇ kawˆ hawˇ-eu Baˬbuˇloˬ sahˬ paˬ Neˬbuˬkaˬneˬzaˬ neh deuˆ gʼaˬ-euˬ miˇ kʼahˬ pyeuꞈ-eu, Haˬzawˇ meuˬ uˆ lahˇ-eu uˬ moˆ jawˇ-eu gahˬ kaˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Geˬdaˬ tsawˇ jeuˬ-ahˇ guiˇ deuˆ-awˇ. Nahˇ ma doˆ kʼehˬ paw jawˇ-eu tsawˇ jeuˬ kʼoeˇ jeuˬ-ahˇ laˆ cawˆ nehˬ-awˬ.

Yeˬsaˬgeˬlaˇ 16:16

Nawˬ-euˬ mehˬ tsoeˬ tiˬ paˆ na deuˬ nawˇ yuˇ-awˇ, nawˇ uˬ duˬ tahˬ-eu jawˇ duˬ-ahˇ laˆ muiˬ-awˇ, meh maˬ laˇ loꞈ-ehˇ kʼaˇ mawˇ le-eu gʼaˬ nehˬ-ehˇ joe-euˬ meh.

Yeˬsaˬgeˬlaˇ 27:21

Aˬleˬbyaˇ tsawˇ haˬ deuˬ hawˇ-eu, Geˬdaˬ miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ, yawˇ hawˇ-eu ciꞈ myehꞈ deuˬ teh leꞈ-awˇ, nawˬ-euˬ myawˬ paˇ geuꞈ le-eu meh.

Yeˬsaˬgeˬlaˇ 27:6

Baˬshaˬ-euˬ tsuiꞈ kʼaˆ aˇ bawˇ neh, saˇ baoˬ heu-eu daˇ laˆ jahˇ-awˇ, Guˇbaˬluˇ-euˬ miˬ shuˬ yuˇ-awˇ, ya ma juiˇ taꞈ-ahˇ-eu laꞈ kʼoeˇ, saˇ baoˬ guiˇ ga kʼawˬ taˬ-euˬ meh.

Yeˬsaˬgeˬlaˇ 5:7

Yeˬluˇsaˬlehˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ nymˬ-mˇ naˇ haˬ-awˬ. Ngaˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ maˬ caw teh ni byehˇ-eu laꞈ kʼoeˇ nawˬ-euˬ tiˬ jawˬ jaˆ-eu miˇ kʼahˬ deuˬ naˆ maˬ tseˇ, nawˇ ngaˬ-ahˇ laˆ shaˬ nehˬ laꞈ-euˬ meh. Aˬ cawˬ tsawˇ jeuˬ-euˬ zahˇ sahˇ kʼoꞈ-ahˇ nawˇ caw teh-euˬ meh.

Daˬyeˬlaˇ 11:18

Kʼoeˇ naˇ, iˬ ma laˆ shaˆ paw neh aˬ cawˬ miˇ kʼahˬ-ahˇ aˬ yawꞈ guiˇ deuˆ-awˇ, gʼawˬ mya kʼahˬ-ahˇ deuˆ gʼaˬ tehꞈ-a. Ehˇ kʼawꞈ, aˬ cawˬ tsawˇ jeuˬ-euˬ aˬ yuiꞈ aˬ tsu tiˬ gʼaˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ neh aˬ dzawˬ aˇ gah gah-euˬ jeˬ aˇ saˬ bi saˬ tehꞈ-a. Aˬ diˇ aˬ maˇ Suˇliˆ sahˬ paˬ neh mˇ-euˬ yaw doeˇ jeˬ, Suˇliˆ sahˬ paˬ kʼoeˇ taˆ paˇ keuˆ le ni aˬ yawꞈ jahˇ kʼoꞈ nehˬ tehꞈ-a.

Daˬyeˬlaˇ 11:30

Loˇmaˆ tsawˇ haˬ deuˬ saˇ baoˬ dziˬ-awˇ oe-awˇ, aˬ yawꞈ-ahˇ ciˬ daˬ le-eu miˇ neh, aˬ yawꞈ guˆ dui dui-iˇ tehꞈ-a. “Kʼoeˇ naˇ, aˬ yawꞈ nui ma pehˇ dui dui-eu laꞈ kʼoeˇ jeˬ nah paw gʼoꞈ kʼoꞈ laˇ-awˇ, Miˬyehˇ-euˬ tsawˇ haˬ deuˬ-euˬ uˬ duˬ tahˬ-eu zahˇ sahˇ kʼoꞈ-ahˇ laˆ cawˆ-eu lehˇ leh jeh tehꞈ-a. Uˬ duˬ tahˬ-eu zahˇ sahˇ kʼoꞈ kʼoeˇ hmˬ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ gʼaˬ baꞈ baꞈ tehꞈ-a.

Bawˇtsahˬ 24:24

Guˇbaˬluˇ paw neh aˬ cawˬ guiˇ deuˆ ahˇ laꞈ tehꞈ-a. 1 Aˬshuˇliˆ miˇ kʼahˬ hawˇ-eu Eˬbaˬ miˇ kʼahˬ-ahˇ aˬ yawꞈ maꞈ deuˆ gʼaˬ tehꞈ-a. Ehˇ kʼawꞈ, aˬ yawꞈ maꞈ gʼeh mˬ maˬ maˬ byaˆ zaˇ ziˇ ya luˬ ya seˇ-iˇ tehꞈ-a.”

1 Gawˇliˬtu 5:1

Zaˬ miˬ zaˬ hawˇ-eu kʼaˬ dzeˇ zaˬ yuꞈ taꞈ jawˇ taꞈ-eu gaˇ kawˆ-ahˇ taꞈ leˇ-awˇ, lawˇ ciꞈ zaˬ deuˬ maˬ mˇ peuˬ gaˇ keuˆ ni naw maꞈ mˇ keuˆ luꞈ meh lehˇ ngaˇ ya gaˬ duˬ taˬ-euˬ ma. Tsawˇ haˬ tiˬ gʼaˬ yawˬ ha-euˬ aˬ ma ma nyiˇ nehˬ-ehˇ joe-euˬ gaˇ kawˆ ngaˇ ya gaˬ-euˬ ma.

Yaˇ kʼaˬ daˇ 19:30

Kʼoeˇ gaˇ ya mawˇ-euˬ tsawˇ haˬ yawˬ gʼaˬ na luꞈ ehˇ-eu, “Heu loꞈ-ehˇ gʼeh-eu jeˬ nga maꞈ tiˬ jawˇ-iˬ maˬ ya mawˇ haw-aˬ. Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh tiˬ nah neh, heu loꞈ-ehˇ gʼeh-eu jeˬ tiˬ jawˇ-iˬ maˬ pyeuꞈ laˇ haw-aˬ. Aˬ joˆ-ehˇ jahˇ nmˇ lehˇ shaˇ noeˬ haw sheˇ.”