Yeˬlaˬmiˇ 19:2 - Akha

² oeˬ lahˬ tehˆ duˬ lahˇ kʼehˬ-ahˇ neh, Hiˬnoˬ deh kʼawꞈ-ahˇ iˇ doˆ gʼeh-awˬ” lehˇ ehˇ-eu meh. Kʼoeˇ gaˇ, aˬ yawꞈ neh bi ngehˬ-euˬ dawˬ deuˬ ngaˇ ya ngehˬ-eu meh.

Yeˬlaˬmiˇ 19:2 ပူးပေါင်းရင်းမြစ်များ

2 Sahˬpaˬ 23:10

Tsawˇ haˬ tiˬ gʼaˬ-iˬ, Moˇlehˆ miˬyehˇ-ahˇ yawˬ ha-euˬ aˬ buˇ aˬ li maˬ ya lawˇ-eu gʼaˇ duˬ, Hiˬnoˬ deh kʼawꞈ-ahˇ jaˆ-eu Tawˇpehˆ lehˇ kuˇ-eu lawˇ ciꞈ zaˬ deuˬ-euˬ lawˇ duˬ kʼoeˇ tsahˇ kʼawꞈ, sahˬ paˬ Yawˇshiˆ neh laˆ cawˆ-euˬ meh.

2 Laˬsaˬbaˬ 28:3

Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ jawˇ uˇ leˇ ngeh, Sahˬpaˬ Miˬyehˇ neh bi teh doˆ-euˬ kʼoeˇ gaˇ jawˇ-eu tsawˇ oeˇ deuˬ-euˬ jawꞈ dui dui-eu zahˇ sahˇ kʼoꞈ-ahˇ aˬ yawꞈ dzaw geuꞈ-awˇ, Hiˬnoˬ deh kʼawꞈ-ahˇ yaw saw jeˬ doꞈ damˬ-awˇ, lawˇ-eu shehˇ-euˬ uˬ taꞈ, aˬ yawꞈ-euˬ aˬ li deuˬ-ahˇ miˬ dzaˬ dzah puiˆ-awˇ tahˬ pahˬ aˬ ma mawˇ kawˇ-ahˇ lawˇ nehˬ-euˬ meh.

2 Laˬsaˬbaˬ 33:6

Aˬ yawꞈ-euˬ aˬ li deuˬ-ahˇ Hiˬnoˬ deh kʼawꞈ laꞈ kʼoeˇ miˬ dzaˬ dzah puiˆ-awˇ lawˇ-euˬ meh. Ja maw maw-eu jeˬ hawˇ-eu mah loˬ loˬ-eu jeˬ aˬ yawꞈ mˇ-awˇ, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ Miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Neˬhaˬmiˇ 3:29

Iˇmeˬlaˇ-euˬ aˬ li Zaˬdoˆ-aˬ, aˬ yawꞈ-euˬ nymˇ mehˬ shi jaˆ-eu kʼoeˇ deuˆ gawˬ-awˇ, Nahˇ ma doˆ kʼehˬ paw-euˬ gʼoˆ kehˬ-ahˇ loꞈ-eu gʼaˬ pyeuꞈ-eu Sheˬkaˬniˇ-euˬ aˬ li Sheˬmaˇyaˬ gʼaˬ tiˬ deuˆ paˇ gawˬ tsaꞈ gʼeh-euˬ meh.

Yeˬlaˬmiˇ 1:7

Ehˇ kʼawꞈ, Sahˬpaˬ Miˬyehˇ ngaˬ-ahˇ ehˇ-eu, “Aˇ kʼoꞈ maˬ zeh nya siˬ lehˇ maˬ ehˇ ni, ngaˬ neh bi iˇ-euˬ tsawˇ haˬ deuˬ jawˇ gaˇ iˇ-awˇ, ngaˬ neh bi ngehˬ bi tmˇ-euˬ jeˬ, aˬ yawꞈ maꞈ-ahˇ ehˇ nehˬ-iˇ-awˬ.

Yeˬlaˬmiˇ 11:6

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-ahˇ gaˇ ma doe ni ngaˬ-euˬ dawˬ tsaꞈ gaˬ-iˇ-awˇ, dawˬ ma saˇ jaˇ-ahˇ taꞈ-eu dawˬ deuˬ-ahˇ naˇ haˬ-awˇ caw teh-awˬ lehˇ ehˇ nehˬ-awˬ.

Yeˬlaˬmiˇ 18:2

“Oeˬ lahˬ tehˆ-eu tsawˇ haˬ-euˬ nymˇ-ahˇ iˇ-awˬ. Kʼoeˇ gaˇ, ngaˇ nawˬ-ahˇ dawˬ biꞈ nehˬ le ma.”

Yeˬlaˬmiˇ 26:2

Sahˬpaˬ Miˬyehˇ ngaˬ-ahˇ ehˇ-eu, “Uˬ duˬ tahˬ nymˇ nymˇ ma-euˬ pu ka yawꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-awˇ, kʼoeˇ gaˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ-ahˇ, ngaˬ neh nawˬ-ahˇ biꞈ taˬ-euˬ dawˬ deuˬ tiˬ dawˬ-iˬ maˬ dzeˇ ni dzawˇ mehˬ nehˬ-awˬ.

Yeˬlaˬmiˇ 3:12

Iˇsaˬleˬlaˆ-ahˇ heu loꞈ-ehˇ ehˇ nehˬ leˇ-awˬ lehˇ aˬ yawꞈ ngaˬ-ahˇ ehˇ-eu meh. “Saˇ jaˇ maˬ ziꞈ-eu Iˇsaˬleˬlaˆ-oˇ, ngaˇ jawˇ gaˇ gʼoꞈ laˇ-awˬ. Ngaˇ gʼawˬ shaˬ gaˬ nya-awˇ nui ma maˬ pehˇ. Mˬ maˬ maˬ byaˆ zaˇ ziˇ nawˬ-ahˇ nui ma maˬ paˇ pehˇ ma.

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Yeˬlaˬmiˇ 7:2

“Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ yawꞈ-awˇ, dawˬ heu deuˬ dzawˇ gaˬ nehˬ-awˬ. Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, gʼoˆ kʼehˬ heu kʼehˬ-ahˇ kʼaˇ uˇ laˇ-eu Yuˇdaˆ tsawˇ haˬ dawˬ tawˆ luꞈ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ.

Yawˇnaˆ 3:2

“Huiˬ dui dui-eu Niˇnaˬbeˬ meuˬ kʼoeˇ meuˬ-ahˇ iˇ-awˇ, ngaˬ neh nawˬ-ahˇ bi ehˇ-euˬ dawˬ deuˬ tsawˇ haˬ kʼoeˇ deuˬ-ahˇ ehˇ nehˬ-iˇ-awˬ.”

Maꞈtehˬ 10:27

Ngaˬ neh naw maꞈ-ahˇ zahˇ tsui ni gʼeh gaˇ ehˇ nehˬ-euˬ dawˬ heu deuˬ, nah gʼahˇ paw bya cehˆ ni gʼeh gaˇ naw maꞈ paˇ ya ehˇ poˆ-awˇ, ngaˬ neh naw maꞈ-ahˇ kʼoeˬ saˆ nehˬ-euˬ dawˬ heu deuˬ, naw maꞈ nymˇ mˬ kʼoeˇ taˆ daˆ leˇ-awˇ ya guˇ gaˬ tehꞈ-a.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Gʼaˬkʼehˇ 5:20

“Uˬ duˬ tahˬ nymˇ nymˇ ma laꞈ kʼoeˇ yawꞈ leˇ-awˇ, yaw shuiꞈ dehꞈ paˇ-euˬ gaˇ kawˆ heu tiˬ byah tiˬ loꞈ ja mehˬ leˇ-awˬ.”

Yawˇshuˆ 15:8

Kʼoeˇ naˇ, Yeˬbuˇ tsawˇ jeuˬ-euˬ meuˬ pyeuꞈ-eu Yeˬluˇsaˬlehˬ meuˬ jaˆ-eu gawˬ duˇ-euˬ laꞈ oˆ paw, Hiˬnoˬ deh kʼawꞈ nyiˬ paˆ-ehˇ le gʼeh leꞈ-awˇ, deh kʼawꞈ kʼoeˇ kʼawꞈ-euˬ nahˇ ma doˆ kʼehˬ paw Leˬpeˬ deh kʼawꞈ-euˬ uˬ gʼmˬ-ahˇ jaˆ-eu gawˬ duˇ uˬ du-ahˇ le daˆ-euˬ meh.