Yeˬlaˬmiˇ 19:11 - Akha

¹¹ Kʼoeˇ naˇ, “Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ” lehˇ ehˇ-eu meh. “Tsawˇ haˬ heu deuˬ hawˇ-eu meuˬ heu meuˬ-ahˇ ngaˇ heu loꞈ-ehˇ bi ga paˆ ma. Ciˬ cuˇ heu siˬ paˆ-iˇ shaˆ-iˇ-euˬ loꞈ-ehˇ, maˬ paˇ tsoꞈ tsaꞈ leˇ nya ni pyeuꞈ-iˇ tehꞈ-a. Tawˇpehˆ lehˇ kuˇ-eu jawˇ duˬ kʼoeˇ tsahˇ-ahˇ kʼawꞈ, aˬ yawꞈ maꞈ tsawˇ shiˇ ya baꞈ pahˬ gaˇ keuˆ tehꞈ-a. Aˬ jeˬ miˇ neh ehˇ naˇ, nui gaˇ baꞈ pahˬ kʼaˇ maˬ za ni tsawˇ shiˇ myaˬ dui dui tehꞈ-a.

Yeˬlaˬmiˇ 19:11 ပူးပေါင်းရင်းမြစ်များ

Jaceuq 2:9

Yawꞈmaꞈ-ahˇ shmˇkahˬneh zuiˆ-awˇ, diˬkʼehꞈdiˬkʼoeˆnehˬ-eu uˬtaꞈ, mui deuˇ deh paˆdzeh-eu loꞈ-ehˇ, deh meuˇ deh loeˇ-awˇ bi ga-awˬ.’ ”

Dawqdaq 6:15

Kʼoeˇ miˇ neh, aˬ yawꞈ kʼoeˇ taˆ, guˆ-eu gaˆ-eu jeˬ ja pyuˬ ni keuˆ le-awˇ, tiˬ jawˇ-iˬ maˬ laˆ saˆ taˬ nya ni kʼehꞈ-iˇ kʼoeˆ-iˇ tehꞈ-a.

Iˇsaˬyaˇ 30:14

Mui duiˇ oeˬ lahˬ ga meuˇ jiˇ ngeh, miˬ jiˆ pehˆ ahˇ-eu kuˬ cuˇ luˇ pyehˬ maˬ dzeˇ-ehˇ, iˇ cuꞈ kuˬ-eu ni tseuˆ tseuˆ pyehˬ maˬ oꞈ-eu loꞈ-ehˇ, naw maꞈ guiˬ lahˬ doeˇ tehꞈ-a.”

Yeˬlaˬmiˇ 13:14

Kʼoeˇ naˇ, ciˬ cuˇ tiˬ siˬ tiˇ siˬ biˬ paˆ-eu loꞈ-ehˇ, zaˬ huiˬ zaˬ nyiˇ maˬ tsehˇ ni aˬ yawꞈ maꞈ-ahˇ ngaˇ jahˇ nehˬ ma. Aˬ yawꞈ maꞈ-ahˇ ngaˇ sehꞈ ngeh, gʼawˬ shaˬ gaˬ-eu jeˬ neh laˆ tsoeˬ le kʼawꞈ, maˬ laˆ tsoeˬ nya-aˇ.”

Yeˬlaˬmiˇ 19:12

Meuˬ heu meuˬ hawˇ-eu heu gaˇ jawˇ-eu tsawˇ haˬ deuˬ-ahˇ, Tawˇpehˆ lehˇ kuˇ-eu jawˇ duˬ kʼoeˇ tsahˇ loꞈ-ehˇ pyeuꞈ laˇ ni ngaˇ jahˇ nehˬ ma.

Yeˬlaˬmiˇ 19:6

Kʼoeˇ miˇ neh, jawˇ duˬ heu tsahˇ-ahˇ Tawˇpehˆ lehˇ maˬ ehˇ, Hiˬnoˬ deh kʼawꞈ lehˇ maˬ ehˇ, maˬ paˇ ya kuˇ haw-ehˇ, tsawˇ haˬ sehꞈ gahˬ-euˬ deh kʼawꞈ lehˇ ya kuˇ-eu aˇ nah aˇ yamˬ keuˆ le tehꞈ-a.

Yeˬlaˬmiˇ 25:34

Yawˇ yawˇ maꞈ-ahˇ haw-eu yawˇ bo-eu deuˬ loꞈ-ehˇ, ngaˬ-euˬ tsawˇ haˬ-ahˇ sheuˬ gʼeh luꞈ-eu aˬ yuiꞈ aˬ tsu deuˬ, kʼaˬ lehˇ tsahˬ-ahˇ mahˬ poˆ poˆ-awˇ tsawˇ ngoeˇ ngoeˇ-awˬ. Naw maꞈ-ahˇ aˬ cawˬ sehꞈ-eu aˇ yamˬ keuˆ le-awˇ, miˇ tsaˬ oeˬ lahˬ ga meuˇ-iˇ-eu loꞈ-ehˇ, naw maꞈ luˬ-iˇ seˇ-iˇ tehꞈ-a.

Yeˬlaˬmiˇ 48:38

Nymˇ mˬ kʼoeˇ taˆ hawˇ-eu pu kaˬ-ahˇ kʼaˇ jawˇ-eu tsawˇ haˬ dawˬ tawˆ luꞈ, tsawˇ ngoeˇ ngoeˇ-eu jeˬ oꞈ-eu tehꞈ meh. Aˬ jeˬ miˇ neh ehˇ naˇ, tiˬ gʼaˬ-iˬ maˬ geuꞈ mawꞈ-eu miˇ tsaˬ oeˬ lahˬ-ahˇ diˬ paˆ-eu loꞈ-ehˇ, ngaˇ Mawˇbaˆ tsawˇ haˬ-ahˇ laˆ cawˆ jiˇ-euˬ ma.

Yeˬlaˬmiˇ 51:63

Seˬlehˇyaˬ-oˇ, tsawˇ haˬ kʼoeˇ deuˬ-ahˇ sahˬ boꞈ heu nawˇ gui nehˬ gʼaˬ ngeh, kʼaˬ lo-ahˇ paꞈ tawꞈ-awˇ, Uˇpaˬlaˇ lawˇ baˬ-ahˇ biˬ puꞈ-awˬ.

Ngoeˇ dawˬ 4:2

Ziˇoˬ-euˬ aˬ li zaˬ guˬ deuˬ, shuiˇ loꞈ-ehˇ poeˬ-euˬ lawˬ-euˬ kʼawꞈ, shaˬ jehˆ tehˆ-euˬ miˇ tsaˬ oeˬ lahˬ, poeˬ sawˇ lawˬ maˬ baw gaˇ duˇ meh.

Gʼaˬkʼehˇ 21:11

Nga maꞈ jawˇ gaˇ aˬ yawꞈ oe-awˇ, Pawˇluˆ-euˬ joꞈ paꞈ yuˇ-awˇ, aˬ yawꞈ-euˬ aˬ kuiˇ hawˇ-eu aˬ laꞈ-ahˇ paꞈ-awˇ heu loꞈ-ehˇ ehˇ-eu meh. “Joꞈ paꞈ heu kahˇ-euˬ yaw sahˇ-ahˇ Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ deuˬ heu loꞈ-ehˇ paꞈ-awˇ, aˬ cawˬ tsawˇjeuˬ-euˬ laꞈ-ahˇ a ahˇ nehˬ tehꞈ-a lehˇ, Muiˬ-eu shawˇ-eu Yaw sahˇ Miˬyehˇ ehˇ-eu meh.”

Panmaeq 2:27

Ngaˬ Da neh ngaˬ-ahˇ baoˬ biꞈ laꞈ-euˬ loꞈ-ehˇ, tsawˇ jeuˬ dawˬ tawˆ luꞈ-ahˇ shmˇ gawˬ yoeˬ neh aˬ yawꞈ uˆ lahˇ-awˇ, miˇ tsaˬ oeˬ lahˬ deh paˆ-eu loꞈ-ehˇ deh paˆ deh shaˆ nehˬ tehꞈ-a.