Yeˬlaˬmiˇ 18:7 - Akha

⁷ Tsawˇ jeuˬ tiˬ jeuˬ-ahˇ ngaˇ puˇ ngawˬ ngawˬ lehˆ doˆ-awˇ, ngawˬ kʼehꞈ ngawˬ kʼoeˆ nehˬ-eu laꞈ kʼoeˇ laˆ luˬ laˆ seˇ nehˬ ma lehˇ ngaˇ ehˇ-euˬ kʼawꞈ,

Yeˬlaˬmiˇ 18:7 ပူးပေါင်းရင်းမြစ်များ

Aˇ dahˬ 6:6

Kʼoeˇ ngeh, Miˇ tsaˬ kʼoeˇ taˆ tsawˇ haˬ zaˬ-ahˇ maˬ beh taˬ law nmˇ-aˬ, gʼaˬ law hawˇ miˇ-a lehˇ, aˬ yawˇ yawꞈ noeˬ poˆ leˇ dui dui-euˬ meh.

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 26:3

Tsawˇ haˬ kʼoeˇ deuˬ ngaˬ-euˬ dawˬ-ahˇ naˇ haˬ geuꞈ-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ-ahˇ byehˇ dzeh-eu baw le. Aˬ yawꞈ maꞈ kʼoeˇ loꞈ-ehˇ dehꞈ paˇ naˇ, aˬ yawꞈ maꞈ neh mˇ-euˬ yaw haiˬ jeˬ baˬ da neh, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-eu luˬ-iˇ seˇ-iˇ-eu jeˬ, maˬ paˇ bi keuˆ le ni byehˇ ma.”

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Yeˬlaˬmiˇ 42:10

Sahˬpaˬ Miˬyehˇ heu loꞈ-ehˇ ehˇ-eu meh. ‘Miˇ kʼahˬ heu kʼahˬ laꞈ kʼoeˇ naw maꞈ jawˇ daˆ leꞈ mawꞈ naˇ, naw maꞈ-ahˇ ngaˇ maˬ laˆ pyaˆ ni ciˬ tuˇ nehˬ ma. Naw maꞈ-ahˇ ngaˇ maˬ gʼawˇ lehˆ ni, tsoˆ ziꞈ nehˬ ma. Naw maꞈ-ahˇ ngaˬ neh laˆ luˬ laˆ seˇ nehˬ-euˬ gaˇ ngaˇ nui ma tiˬ pawꞈ-iˬ maˬ saˇ nya.

Yeˬlaˬmiˇ 45:4

“Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh tsoˆ doˆ taˬ-euˬ jeˬ deh pyaˆ-awˇ, ngaˬ neh ka dehꞈ taˬ-euˬ jeˬ gʼawˇ lehˆ-eu ma. Miˇ kʼahˬ kʼahˬ lah ni ngaˇ kʼoeˇ loꞈ-ehˇ jahˇ nehˬ ma.

Yeˬsaˬgeˬlaˇ 33:14

Haiˬ-eu tsawˇ haˬ ya shiˇ tehꞈ-a lehˇ ngaˇ ehˇ-euˬ ma. Ehˇ kʼawꞈ iˬ baˇ mˇ-eu jeˬ-ahˇ aˬ yawꞈ byehˇ dzeh-awˇ, yaw tsaˬ yaw dawˇ jeˬ hawˇ-eu yaw muiˬ jeˬ mˇ dahˬ beh-eu ehˇ-awˬ.

Daˬyeˬlaˇ 11:4

Ehˇ kʼawꞈ, aˬ yawꞈ baoˬ huiˬ dui dui luꞈ ngeh, aˬ yawꞈ-euˬ miˇ kʼahˬ kʼahˬ maˬ kʼoeˇ kʼahˬ, oeˬ paˆ paˆ-iˇ tehꞈ-a. Aˬ yawꞈ nehˬ-ehˇ aˇ jeuˬ aˇ ca maˬ taꞈ-eu deuˬ aˬ yawꞈ-euˬ jawˇ duˬ-ahˇ sahˬ paˬ geuꞈ tehꞈ-a. Ehˇ kʼawꞈ, aˬ yawꞈ maꞈ aˬ yawꞈ loꞈ-ehˇ baoˬ maˬ huiˬ-a.

Aˬmoˆ 9:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, iˬ baˇ ahˇ dui dui-eu Iˇsaˬleˬlaˆ miˇ kʼahˬ-ahˇ haw luꞈ-awˇ, miˇ kʼahˬ heu kʼahˬ miˇ tsaˬ kʼoeˇ taˆ maˬ jaˆ-ehˇ pyeuꞈ-iˇ ni ngaˇ laˆ cawˆ ma. Ehˇ kʼawꞈ, Yaˬkoˆ-euˬ zaˬ deuˬ uˆ deuˬ dawˬ tawˆ luꞈ-ahˇ ngaˇ maˬ laˆ cawˆ nehˬ.”

Yawˇnaˆ 3:10

Aˬ yawꞈ maꞈ kʼoeˇ loꞈ-ehˇ jahˇ luꞈ-awˇ, aˬ yawꞈ maꞈ neh mˇ-euˬ yaw haiˬ jeˬ-ahˇ byehˇ dzeh-euˬ gaˇ Miˬyehˇ ya mawˇ ngeh, nui ma paˇ laˇ-awˇ, aˬ yawꞈ maꞈ-ahˇ kʼehˬ nehˬ kʼaˆ nehˬ ma lehˇ ehˇ taˬ gʼaˬ-euˬ kʼawꞈ, maˬ kʼehˬ nehˬ ni byehˇ-euˬ meh.

Yawˇnaˆ 3:4

Meuˬ kʼoeˇ meuˬ-ahˇ Yawˇnaˆ cah-iˇ-awˇ, tiˬ nah nah ga ni cah gʼaˬ ngeh, “Oeˬ tseˇ nah laꞈ kʼoeˇ Niˇnaˬbeˬ meuˬ ya luˬ ya seˇ-iˇ tehꞈ-a” lehˇ guˇ-euˬ meh.