Yeˬlaˬmiˇ 18:6 - Akha

⁶ “Iˇsaˬleˬlaˆ tsawˇ haˬ deuˬ-oˇ, oeˬ lahˬ tehˆ-eu tsawˇ haˬ oeˬ lahˬ tehˆ-eu shaˬ jehˆ yuˇ-awˇ, yawˬ ha kʼaˇ tehˆ mawꞈ-eu jeˬ tehˆ nya-eu loꞈ-ehˇ, naw maꞈ-ahˇ ngaˬ neh noeˬ-euˬ loꞈ-ehˇ maˬ jahˇ nya ta loˇ. Oeˬ lahˬ tehˆ-eu shaˬ jehˆ kʼoeˇ oeˬ lahˬ tehˆ-eu gʼaˬ-euˬ aˬ laꞈ laꞈ kʼoeˇ jaˆ-eu loꞈ-ehˇ, naw maꞈ kʼawꞈ ngaˬ-euˬ aˬ laꞈ laꞈ kʼoeˇ jaˆ-eu ma.

Yeˬlaˬmiˇ 18:6 ပူးပေါင်းရင်းမြစ်များ

Iˇsaˬyaˇ 45:9

Miˇ tsaˬ oeˬ lahˬ tsahˬ-ahˇ ga-eu miˇ tsaˬ oeˬ lahˬ, tehˆsahˇ-ahˇ dawˬ dziˇ dziˇ leˇ nya ta loˇ. Oeˬ lahˬ tehˆ gaˇ zmˬ-euˬ shaˬ jehˆ, tehˆ sahˇ-ahˇ teh ngehˬ leˇ nya ta loˇ. Tehˆ sahˇ gʼaˬ maˬ bym law nyaˬ lehˇ, shaˬ jehˆ oeˬ lahˬ ehˇ nya ta loˇ.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Yeˬlaˬmiˇ 18:4

Aˬ yawꞈ oeˬ lahˬ tehˆ-eu noeˬ-euˬ miˇ-ahˇ maˬ tsaˬ ngeh, aˬ yawꞈ kʼaˇ noeˬ-euˬ loꞈ-ehˇ yawˬ siˬ yawˬ paˇ tehˆ paˇ-eu meh.

Yeˬlaˬmiˇ 18:5

Kʼoeˇ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Daˬyeˬlaˇ 4:23

Sahˬ paˬ nawˇ haw luꞈ ngeh, mˬ kʼoeˇ taˆ neh mˬ taˆ gʼaˬ kʼehˇ tiˬ gʼaˬ zaꞈ ka le-awˇ, heu loꞈ-ehˇ ehˇ-eu meh. ‘Aˇ bawˇ heu bawˇ tuˇ dzeh-awˇ laˆ cawˆ-awˬ. Ehˇ kʼawꞈ, sahˬ nyiꞈ hawˇ-eu duˬ ciˇ-ahˇ shmˇ caˆ hawˇ-eu guiˬ caˆ neh lahˇ cuꞈ-awˇ, miˇ tsa bi pahˬ yaꞈ-awˇ, deh ga gʼahˇ ceh yaˇ moꞈ tsahˬ-ahˇ byehˇ dzeh yaꞈ-awˬ. Aˬ yawꞈ-ahˇ ceuˬ deh deh deh-ehˇ, shiꞈ kʼoꞈ byah ni bawˇ tsahˬ jeˬ zaˬ nehˬ-ehˇ kʼoeˇ gaˇ bi jawˇ-awˬ’ lehˇ ehˇ-eu meh.

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Lormav 11:34

Jaˇliꞈ laꞈ kʼoeˇ ehˇ taˬ-euˬ, “Sahˬpaˬ Miˬyehˇ-euˬ nui noeˬ-ahˇ, aˬ suˇ gʼaˬ siˬ nya-eu jawˇ ta. Aˬ yawꞈ-ahˇ ja noeˬ ja duˇ-eu, aˬ suˇ gʼaˬ mˇ nya-eu jawˇ ta.