Yeˬlaˬmiˇ 18:23 - Akha

²³ Ehˇ kʼawꞈ, aˬ yawꞈ maꞈ ngaˬ-ahˇ sehꞈ-eu lehˇ gʼeh-eu gaˇ kawˆ, Sahˬpaˬ Miˬyehˇ nawˇ mawˇ jiˇ luꞈ-eu meh. Aˬ yawꞈ maꞈ-ahˇ iˬ baˇ maˬ pyehˬ nehˬ-ehˇ, aˬ yawꞈ maꞈ-euˬ yaw lehˬ taˬ byehˇ byoˆ nehˬ. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, nawˇ nui ma pehˇ ngeh aˬ yawꞈ maꞈ-ahˇ kʼehˬ nehˬ-awˬ.

Yeˬlaˬmiˇ 18:23 ပူးပေါင်းရင်းမြစ်များ

Jaceuq 119:126

Sahˬpaˬ Miˬyehˇ-oˇ, tsawˇ haˬ zaˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, nawˬ-euˬ nui ma bi mawˇ yamˬ tsaˬ laˇ-euˬ meh.

Jaceuq 35:4

Ngaˬ-euˬuˬkʼawˇpoˆle-euˬdeuˬ, guiˇdeuˆsm-awˇdaˬga luꞈ-uˇ. Ngaˬ-ahˇyaw doeˇjahˇle-euˬdeuˬ, zeuˆpyawˇkʼoꞈ-awˇya shaˬluꞈ-uˇ.

Jaceuq 56:8

Ngaˇ aˇ naˆ ni shaˬ zahˬ naꞈ-eu nawˇ siˬ nya meh. Ngaˬ-euˬ myaˆ biˇ-ahˇ nawˇ maˇ tsaꞈ neh ciˬ kʼmˇ uiˬ taˬ-euˬ meh. Gaˇ kawˆ heu nawˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ maˬ ngeuˇ loˇ.

Jaceuq 59:5

Dawˬ tawˆ luꞈ mˇ nya-eu Miˬyehˇ pyeuꞈ-eu Sahˬpaˬ Miˬyehˇ-oˇ, tuˇ-awˇ ngaˬ-ahˇ caw ba le-awˬ. Nawˬ-euˬ mawˇ do oe-awˇ haw le-awˬ. Noeˬ laˇ-awˇ Miˬyehˇ maˬ baw-eu deuˬ-ahˇ kʼehˬ-awˬ. Saˇ jaˇ maˬ ziꞈ-eu haiˬ-eu tsawˇ haˬ deuˬ-ahˇ gʼawˬ shaˬ taˬ gaˬ nehˬ.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Iˇsaˬyaˇ 2:9

Kʼoeˇ miˇ neh yawˬ gʼaˬ na luꞈ daˬ ga-awˇ, myaˆ pyawˬ ciˬ zaꞈ kʼaˇ maˬ za ni ya shaˬ tehꞈ-a. Sahˬpaˬ Miˬyehˇ-oˇ, aˬ yawꞈ maꞈ-ahˇ iˬ baˇ taˬ pyehˬ nehˬ.

Yeˬlaˬmiˇ 11:23

Aˬnaˬtawˇ meuˬ-ahˇ jawˇ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ bi keuˆ le-eu gʼaˇ duˬ, ngaˇ aˇ nah aˇ yamˬ laˆ tsaˬ taˬ-euˬ ma. Aˇ nah aˇ yamˬ kʼoeˇ keuˆ laˇ ngeh, aˬ yawꞈ maꞈ tiˬ gʼaˬ-iˬ maˬ dzeuˇ-iˇ-aˇ.”

Yeˬlaˬmiˇ 15:15

Kʼoeˇ ngeh, ngaˇ heu loꞈ-ehˇ ehˇ-euˬ ma. “Sahˬpaˬ Miˬyehˇ-oˇ, nawˇ siˬ nya luꞈ meh. Ngaˬ-ahˇ noeˬ keuˆ-awˇ caw ba nehˬ laꞈ-awˬ. Ngaˬ-ahˇ kʼehˬ nehˬ kʼaˆ nehˬ laꞈ-euˬ tsawˇ haˬ deuˬ kʼoeˇ taˆ, laꞈ poˆ bi poˆ kʼoꞈ nehˬ laꞈ-awˬ. Ngaˬ-ahˇ bi sehꞈ laˇ gaˇ keuˆ ni, aˬ yawꞈ maꞈ-ahˇ nawˇ taˬ oˇ oꞈ nehˬ. Nawˬ-euˬ gʼaˇ duˬ ngaˇ dawˬ doeˇ ya daˬ luꞈ gaˇ taˬ ngehˇ nehˬ laꞈ.

Yeˬlaˬmiˇ 17:18

Ngaˬ-ahˇ kʼehˬ-eu tsawˇ haˬ deuˬ kʼoeˇ taˆ shaꞈ dawˇ-eu jeˬ bi keuˆ le-awˬ. Ehˇ kʼawꞈ, ngaˬ-ahˇ daˬ taˬ bi ga laꞈ. Aˬ yawꞈ maꞈ-ahˇ laˆ guˆ nehˬ-awˬ. Ehˇ kʼawꞈ, ngaˬ-euˬ kʼoeˇ taˆ guˆ-eu jeˬ taˬ bi keuˆ le laꞈ. Aˬ yawꞈ-euˬ kʼoeˇ taˆ shaˬ zahˬ guˆ gaˆ bi keuˆ le-awˇ, laˆ piˬ laˆ byoˆ nehˬ-awˬ.

Yeˬlaˬmiˇ 17:4

Ngaˬ neh naw maꞈ-ahˇ biꞈ taˬ-euˬ miˇ kʼahˬ naw maꞈ ya byehˇ dzeh-awˇ, maˬ siˬ maˬ suˇ-eu miˇ kʼahˬ laꞈ kʼoeˇ, naw maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ-ahˇ naw maꞈ ya mˇ tehꞈ-a. Aˬ jeˬ miˇ neh ehˇ naˇ, ngaˬ-euˬ nui pehˇ miˬ dzaˬ doꞈ gaˇ duˇ-awˇ, tiˬ jawˇ-iˬ maˬ miˆ-iˇ-a.”

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬlaˬmiˇ 26:11

Kʼoeˇ naˇ, sahˬ paˬ sahˬ ma kʼoeˇ deuˬ hawˇ-eu miˇ kʼahˬ zaˬ deuˬ-ahˇ, piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ heu loꞈ-ehˇ ehˇ nehˬ-euˬ meh. “Tsawˇ haˬ heu gʼaˬ-ahˇ sehꞈ-awˬ lehˇ yaˇ kʼaˬ daˇ-eu tsaˬ meh. Aˬ jeˬ miˇ neh ehˇ naˇ, naw maꞈ-euˬ naˬ bawˇ-ahˇ ya gaˬ duˬ taˬ-euˬ loꞈ-ehˇ, meuˬ heu meuˬ ya cawˆ-iˇ meh lehˇ aˬ yawꞈ dawˬ ngehˬ-eu meh.”

Yeˬlaˬmiˇ 26:8

Sahˬpaˬ Miˬyehˇ neh ngaˬ-ahˇ kʼaˇ bi ngehˬ kʼaˇ bi tmˇ laꞈ-euˬ jeˬ-ahˇ, ngaˇ ngehˬ gʼaˬ tmˇ gʼaˬ-eu nehˬ-ehˇ, aˬ yawꞈ maꞈ ngaˬ-ahˇ nyehꞈ-awˇ, heu loꞈ-ehˇ guˇ-eu meh.

Yeˬlaˬmiˇ 37:15

Aˬ yawꞈ maꞈ ngaˬ-ahˇ nui ma pehˇ dui dui-eu miˇ neh, ngaˬ-ahˇ diˬ-awˇ, Yawˇnaˆshaˬ-euˬ nymˇ-ahˇ nyehꞈ lahˇ taˬ-awˬ lehˇ dawˬ biꞈ-euˬ meh. Yawˇnaˆshaˬ-aˬ, saˇ naˇ gaˇ mˇ-eu paw aˬ yuiꞈ geuꞈ-awˇ, aˬ yawꞈ-euˬ nymˇ-ahˇ paꞈ kuˆ loꞈ-ehˇ laˆ pyeuꞈ taˬ-euˬ meh.

Yeˬlaˬmiˇ 38:4

Kʼoeˇ naˇ, yaw huiˬ yaw mahˇ kʼoeˇ deuˬ sahˬ paˬ-ahˇ heu loꞈ-ehˇ ehˇ nehˬ leˇ-euˬ meh. “Tsawˇ haˬ heu gʼaˬ-ahˇ maˬ sehꞈ-ehˇ maˬ gʼeh nya luꞈ-a. Aˬ yawꞈ kʼoeˇ loꞈ-ehˇ ja ja-ehˇ cah-eu laꞈ kʼoeˇ, meuˬ laꞈ kʼoeˇ jawˇ-eu yehˇ deuˬ nui ma baˬ-iˇ ni jahˇ luꞈ-eu meh. Meuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ dzawˇ nehˬ-euˬ meh. Aˬ yawꞈ-aˬ, miˇ kʼahˬ zaˬ deuˬ gʼaˇ duˬ yaw muiˬ jeˬ mˇ-eu maˬ ngeuˇ nga. Yaw cawˆ jeˬ mˇ-eu nga.”

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 6:21

Tsawˇ haˬ heu deuˬ sahˬ tiꞈ tiꞈ-awˇ coˬ-iˇ ni ngaˇ jahˇ ma. Aˬ da hawˇ-eu zaˬ tiˬ gaˇ ya shiˇ-awˇ, nymˇ kaˬ taꞈ-eu cawˬ deuˬ tiˬ kawˆ loꞈ-ehˇ ya shiˇ tehꞈ-a.”

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Yeˬlaˬmiˇ 8:12

Ngaˬ-euˬ tsawˇ haˬ deuˬ-oˇ, yaw jawꞈ jeˬ-ahˇ mˇ-euˬ miˇ neh shaꞈ dawˇ baw miˇ-a loˇ. Maˬ ngeuˇ-a. Nawˇ shaꞈ maˬ siˬ nya-ehˇ, baˬ ba neˇ laˇ-euˬ maˬ baw-a. Aˬ cawˬ coˬ dzeh-iˇ-euˬ loꞈ-ehˇ, naw maꞈ kʼawꞈ ya coˬ-iˇ tehꞈ-a. Naw maꞈ-ahˇ ngaˇ kʼehˬ ngeh, naw maꞈ gʼaˇ duˬ aˇ saˬ saˬ-eu jeˬ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Ngoeˇ dawˬ 3:60

Muiˇ-eu deuˬ neh ngaˬ-ahˇ bye-awˇ, yaw doeˇ jahˇ-euˬ nawˇ siˬ jiˇ meh.

Ngoeˇ dawˬ 3:61

“Yawꞈ maꞈ ngaˬ-ahˇ yaw doeˇ ngehˬ-euˬ, Sahˬpaˬ Miˬyehˇ nawˇ gaˬ jiˇ-awˇ, yawꞈ maꞈ bahˬ toˆ nawˇ siˬ jiˇ meh.

Luˇkaꞈ 21:22

Aˬ jeˬ miˇ neh ehˇ naˇ, kʼoeˇ-aˬ, Jaˇliꞈ laꞈ kʼoeˇ kʼaˇ ehˇ taˬ-euˬ jeˬ bi byah laˇ-eu gʼaˇ duˬ, kʼehˬ-eu kʼaˆ-eu aˇ nah deuˬ pyeuꞈ-eu meh.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.