Yeˬlaˬmiˇ 18:11 - Akha

¹¹ Nymˬ-mˇ poˆ jawˇ-aˬ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ-eu lehˇ lehˬ hmˬ taˬ-euˬ ma. Aˬ yawꞈ maꞈ-euˬ dehꞈ jeˬ dehꞈ kawˆ paˇ-awˇ, iˬ baˇ maˬ mˇ ni byehˇ-awˬ lehˇ ehˇ nehˬ-awˬ.

Yeˬlaˬmiˇ 18:11 ပူးပေါင်းရင်းမြစ်များ

Aˇ dahˬ 11:7

Aˬ yawꞈ maꞈ tiˬ gʼaˬ neh ngehˬ-euˬ dawˬ tiˬ gʼaˬ maˬ gʼoˆ siˬ nya-ehˇ bi pyeuꞈ-iˇ-eu gʼaˇ duˬ, aˬ dui zaꞈ ka-iˇ-awˇ, aˬ yawꞈ maꞈ-euˬ dawˬ-ahˇ laˆ bahˬ laˆ baˆ nehˬ kaˇ-euˇ.”

1 Sahˬpaˬ 22:23

Heu-aˬ, aˬ joˆ-ehˇ pyeuꞈ dzeuˇ yaꞈ-euˬ gaˇ kawˆ meh. Nawˬ-ahˇ Miˬyehˇ gʼaˇ duˬ ngehˬ dah nehˬ-eu deuˬ jaˬ myawꞈ myawꞈ ni, Sahˬpaˬ Miˬyehˇ neh jahˇ nehˬ gʼaˬ taˬ-euˬ meh. Luˬ-iˇ seˇ-iˇ-eu jeˬ-ahˇ nawˇ ya tahˬ puˬ tehꞈ-a lehˇ, Sahˬpaˬ Miˬyehˇ neh ehˇ tsehˆ gʼaˬ taˬ-euˬ meh.”

2 Sahˬpaˬ 17:13

Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ deuˬ hawˇ-eu aˬ yawꞈ-euˬ gʼaˇ duˬ ngehˬ dah-eu tsawˇ haˬ deuˬ pyehˬ gʼeh leꞈ-awˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ heu loꞈ-ehˇ bi ehˇ le-euˬ meh. “Naw maꞈ mˇ luꞈ-eu yaw haiˬ jeˬ-ahˇ byehˇ dzeh-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ zahˇ dawˬ kʼoꞈ dawˬ laꞈ kʼoeˇ ahˇ-eu dawˬ deuˬ hawˇ-eu, ngaˬ-euˬ zaˬ kʼaˆ deuˬ hawˇ-eu ngaˬ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, ngaˇ naw maꞈ-ahˇ biꞈ taˬ-euˬ dawˬ deuˬ-ahˇ naˇ haˬ geuꞈ-awˬ.”

2 Sahˬpaˬ 22:13

“Sahˬpaˬ Miˬyehˇ jawˇ gaˇ le-awˇ, ngaˇ hawˇ-eu Yuˇdaˆ miˇ kʼahˬ zaˬ deuˬ gʼaˇ duˬ, sahˬ boꞈ paˇ yoˆ heu yoˆ laꞈ kʼoeˇ boꞈ taˬ-euˬ gaˇ kawˆ deuˬ mehˬ bawˬ mˇ leˇ haw sheˇ. Sahˬ boꞈ paˇ yoˆ heu yoˆ laꞈ kʼoeˇ ya mˇ meh lehˇ ehˇ taˬ-euˬ jeˬ-ahˇ, aˬ dui-euˬ aˬ poeˬ aˬ bawˇ deuˬ maˬ mˇ ni byehˇ-euˬ miˇ neh, aˬ yawꞈ aˬ dui-ahˇ nui ma pehˇ luꞈ meh.”

2 Sahˬpaˬ 5:5

Kʼoeˇ ngeh, “Iˇsaˬleˬlaˆ sahˬ paˬ jawˇ gaˇ iˇ-awˇ, sahˬ boꞈ heu taꞈ yuˇ gʼeh nehˬ-awˬ” lehˇ, sahˬ paˬ ehˇ-eu meh. Kʼoeˇ naˇ, Neˬmaˬ-aˬ, pyuˇ maˇ byaˆ smˬ muiˇ byaˆ, shuiˇ maˇ byaˆ koꞈ heˇ byaˆ hawˇ-eu, muiˬ dui dui-eu mehˬ tsoeˬ tseˇ shehˆ yuˇ-awˇ iˇ-euˬ meh.

Iˇsaˬyaˇ 5:5

Ngaˬ-euˬ aˬ gaꞈ yaˇ kmˇ-ahˇ ngaˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ naw maꞈ-ahˇ ngaˇ ehˇ nehˬ nyaˇ. Aˬ gaꞈ baw duˆ mˇ lahˇ taˬ-euˬ pyaˆ dzeh nehˬ-awˇ, bawˇ tsahˬ jeˬ zaˬ neh bi dzaˬ jiˇ ma. Aˬ gaꞈ yaˇ kmˇ mˇ jawˬ taˬ-euˬ ngawˬ paˆ doˆ-awˇ, jeˬ zaˬ neh bi nawˬ byoˆ leꞈ ma.

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

Yeˬlaˬmiˇ 11:11

Kʼoeˇ miˇ neh, aˬ yawꞈ maꞈ maˬ cehˆ dzeuˇ nya-eu luˬ-iˇ seˇ-iˇ-eu jeˬ bi keuˆ le ma lehˇ nymˬ-mˇ aˬ yawꞈ maꞈ-ahˇ ngaˇ ehˇ-eu ma. Caw ba nehˬ laꞈ lehˇ aˬ yawꞈ maꞈ ngaˬ-ahˇ guˇ-awˇ shaˇ kʼawꞈ, ngaˇ maˬ naˇ haˬ nehˬ.

Yeˬlaˬmiˇ 11:19

Ngaˇ-aˬ aˬ cawˬ neh bi sehꞈ dzaˬ-eu lehˇ gʼeh-eu nahˬ jawˆ ni gʼeh-eu yawˇ zaˬ-ahˇ duˇ-eu ma. Aˬ yawꞈ maꞈ ngaˬ-ahˇ yaw doeˇ jahˇ mawꞈ law hawˇ ngaˬ lehˇ ngaˇ maˬ siˬ-aˬ. Aˬ yawꞈ maꞈ heu loꞈ-ehˇ ehˇ-eu meh. “Aˇ siˬ siˬ-eu aˇ bawˇ heu bawˇ tuˇ dzeh kaˇ-euˇ. Tsawˇ haˬ tiˬ gʼaˬ-iˬ maˬ noeˬ mawˇ coeˇ ni, bi ngehˇ jiˇ-eu gʼaˇ duˬ sehꞈ byoˆ kaˇ-euˇ.”

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬlaˬmiˇ 19:15

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ Miˬyehˇ-euˬ dawˬ heu deuˬ, aˬ yawꞈ maꞈ-ahˇ ngaˇ ehˇ nehˬ-euˬ ma. “Meuˬ heu meuˬ hawˇ-eu dawˬ peh jaˆ-eu meuˬ dawˬ tawˆ luꞈ kʼoeˇ taˆ, ngaˬ neh kʼaˇ ehˇ taˬ-euˬ kʼehˬ-eu kʼaˆ-eu jeˬ dawˬ tawˆ luꞈ ngaˇ bi keuˆ le ma. Aˬ jeˬ miˇ neh ehˇ naˇ, naw maꞈ nui ma gʼahˇ dui dui-awˇ, ngaˬ-euˬ dawˬ-ahˇ maˬ naˇ haˬ geuꞈ-a.”

Yeˬlaˬmiˇ 19:3

Sahˬpaˬ Miˬyehˇ ngaˬ-ahˇ heu loꞈ-ehˇ bi ngehˬ bi tmˇ laꞈ-euˬ meh. “Yuˇdaˆ sahˬ paˬ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ Iˇsaˬleˬlaˆ-euˬ Miˬyehˇ ehˇ gaˇ naˇ haˬ-awˬ. Kʼaˇ ya gaˬ-eu tsawˇ haˬ deuˬ myaꞈ leˇ jiˇ paˬ-ehˇ gʼeh-eu guˆ-eu gaˆ-eu jeˬ, jawˇ duˬ heu tsahˇ-ahˇ ngaˇ bi keuˆ le ma.

Yeˬlaˬmiˇ 25:2

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, ngaˇ heu loꞈ-ehˇ ehˇ nehˬ-euˬ ma.

Yeˬlaˬmiˇ 25:5

Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh biꞈ tsehˆ tsehˆ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ ya jawˇ daˆ leꞈ ni, maˬ tsaˬ maˬ dawˇ-eu naw maꞈ-euˬ dehꞈ jeˬ dehꞈ kawˆ hawˇ-eu, naw maꞈ mˇ luꞈ shaˇ luꞈ-eu yaw haiˬ jeˬ-ahˇ byehˇ dzeh-awˬ lehˇ, Miˬyehˇ gʼaˇ duˬ ngehˬ dah-euˬ kʼoeˇ deuˬ, naw maꞈ-ahˇ ehˇ nehˬ-euˬ meh.

Yeˬlaˬmiˇ 26:13

Naw maꞈ-euˬ dehꞈ jeˬ dehꞈ kawˆ hawˇ-eu, naw maꞈ mˇ luꞈ shaˇ luꞈ-eu jeˬ noeˬ paˇ jiˇ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ ya naˇ haˬ geuꞈ meh. Naw maꞈ kʼoeˇ loꞈ-ehˇ jahˇ naˇ, aˬ yawꞈ nui ma noeˬ paˇ-awˇ, naw maꞈ kʼoeˇ taˆ bi keuˆ le ma lehˇ aˬ yawꞈ neh ehˇ taˬ-euˬ jeˬ, maˬ bi keuˆ le ni byehˇ tehꞈ-a.

Yeˬlaˬmiˇ 26:3

Tsawˇ haˬ kʼoeˇ deuˬ ngaˬ-euˬ dawˬ-ahˇ naˇ haˬ geuꞈ-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ-ahˇ byehˇ dzeh-eu baw le. Aˬ yawꞈ maꞈ kʼoeˇ loꞈ-ehˇ dehꞈ paˇ naˇ, aˬ yawꞈ maꞈ neh mˇ-euˬ yaw haiˬ jeˬ baˬ da neh, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-eu luˬ-iˇ seˇ-iˇ-eu jeˬ, maˬ paˇ bi keuˆ le ni byehˇ ma.”

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Yeˬlaˬmiˇ 3:22

Sahˬpaˬ Miˬyehˇ-ahˇ kʼaˇ byehˇ dzeh yaꞈ-euˬ tsawˇ haˬ dawˬ tawˆ luꞈ gʼoꞈ laˇ-awˇ, naw maꞈ-euˬ naˇ gawˇ aˬ yawꞈ laˆ saˆ-awˇ, saˇ jaˇ ziꞈ-eu tsawˇ haˬ paˇ bi pyeuꞈ laˇ tehꞈ-a. Naw maꞈ heu loꞈ-ehˇ ehˇ-eu meh. “Sahˬpaˬ Miˬyehˇ-aˬ, nga maꞈ-euˬ Miˬyehˇ pyeuꞈ-eu miˇ neh, aˬ yawꞈ jawˇ gaˇ nga maꞈ gʼoꞈ laˇ-eu ma.

Yeˬlaˬmiˇ 35:15

Miˬyehˇ gʼaˇ duˬ ngehˬ dah-eu deuˬ pyeuꞈ-eu ngaˬ-euˬ zaˬ kʼaˆ deuˬ-ahˇ naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, yaw haiˬ jeˬ mˇ-eu byehˇ-awˇ, yaw tsaˬ yaw dawˇ jeˬ mˇ-awˬ lehˇ bi ehˇ le-euˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ dehꞈ daˆ jawˇ daˆ leꞈ nya ni, miˬ yehˇ nui deuˬ-ahˇ uˬ duˬ taˬ tahˬ lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ naw maꞈ-ahˇ yaw kʼaˆ kʼaˆ-ehˇ mehˬ nehˬ gʼaˬ-euˬ meh. Ehˇ kʼawꞈ, ngaˬ-euˬ dawˬ naw maꞈ-euˬ naˬ bawˇ-ahˇ maˬ ahˇ leˇ-a.

Yeˬlaˬmiˇ 36:3

Ngaˬ neh lehˬ hmˬ taˬ-euˬ luˬ-iˇ seˇ-iˇ-eu jeˬ dawˬ tawˆ luꞈ gaˇ kawˆ Yuˇdaˆ tsawˇ haˬ deuˬ ya gaˬ ngeh, aˬ yawꞈ maꞈ yaw haiˬ jeˬ maˬ mˇ ni byehˇ -eu baw le. Kʼoeˇ loꞈ-ehˇ byehˇ naˇ, aˬ yawꞈ maꞈ-euˬ yaw lehˬ hawˇ-eu iˬ baˇ-ahˇ ngaˇ pyehˬ nehˬ ma.”

Yeˬlaˬmiˇ 36:7

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ ehˇ taˬ-euˬ miˇ neh, aˬ yawꞈ maꞈ Sahˬpaˬ Miˬyehˇ-ahˇ guiˬ lahˬ shaˇ-awˇ, yaw haiˬ jeˬ maˬ paˇ mˇ ni byehˇ-eu baw le” lehˇ mehˬ nehˬ-euˬ ma.

Yeˬlaˬmiˇ 4:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-oˇ, gʼoꞈ laˇ mawꞈ naˇ ngaˇ jawˇ gaˇ gʼoꞈ laˇ-awˬ. Ngaˇ maˬ haw nahˇ-eu tahˬ pahˬ aˬ ma mawˇ kawˇ kʼoeˇ deuˬ-ahˇ, naw maꞈ byehˇ-awˇ ngaˬ-ahˇ saˇ jaˇ ziꞈ naˇ,

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Yeˬlaˬmiˇ 4:23

Miˇ tsaˬ-ahˇ ngaˇ haw ngeh, tiˬ jeˬ-iˬ maˬ baw ni awˬ kʼawꞈ tehꞈ meh. Mˬ-ahˇ ngaˇ haw leꞈ ngeh, yaw shehꞈ tiˬ pawꞈ-iˬ maˬ jaˆ-a.

Yeˬlaˬmiˇ 4:6

Ziˇoˬ meuˬ-ahˇ le-eu gaˇ ma toeˬ mehˬ nehˬ-awˬ. Maˬ nyi naˬ ni cehˆ dui dui-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh Sahˬpaˬ Miˬyehˇ pyehˬ gʼeh leꞈ meh.

Yeˬlaˬmiˇ 51:11

Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Yeˬlaˬmiˇ 7:3

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ-euˬ Miˬyehˇ heu loꞈ-ehˇ ehˇ-eu meh. ‘Naw maꞈ dehꞈ jeˬ dehꞈ kawˆ paˇ naˇ, miˇ kʼahˬ heu kʼahˬ laꞈ kʼoeˇ bi jawˇ daˆ leꞈ ma.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Yeˬsaˬgeˬlaˇ 18:23

Haiˬ-eu tsawˇ haˬ shiˇ gaˇ ngaˇ laˬ kʼaˬ cehˇ meh lehˇ naw maꞈ noeˬ te loˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma. Maˬ ngeuˇ. Aˬ yawꞈ noeˬ poˆ noeˬ paˇ-awˇ yaw dehꞈ ya dehꞈ gaˇ ngaˇ mawˇ mawꞈ-eu ma.

Yawˇnaˆ 3:8

Tsawˇ haˬ hawˇ-eu jeˬ zaˬ dawˬ tawˆ luꞈ guˬ daˇ pehˇ zeuˇ mehˬ tsoeˬ ya dm meh. Yawˬ gʼaˬ na luꞈ nui ma keuˆ-eu laꞈ kʼoeˇ Miˬyehˇ-ahˇ guiˬ lahˬ ya shaˇ-awˇ, yawˬ ha neh mˇ-euˬ yaw lehˬ yaw ca jeˬ hawˇ-eu yaw haiˬ jeˬ-ahˇ ya byehˇ dzeh jiˇ meh.

Miˇkaˬ 2:3

Kʼoeˇ miˇ neh, Sahˬpaˬ Miˬyehˇ ehˇ-eu, “Naw maꞈ kʼoeˇ taˆ luˬ-iˇ seˇ-iˇ-eu jeˬ keuˆ le ni ngaˇ lehˬ hmˬ luꞈ-awˇ, naw maꞈ maˬ cehˆ buˬ nya-a. Guˆ-eu gaˆ-eu jeˬ naw maꞈ-ahˇ tahˬ puˬ le-awˇ, naw maꞈ nui ma huiˬ huiˬ-ehˇ maˬ paˇ dehꞈ nya meh.

Zaˬkaˬliˇ 1:3

Ehˇ kʼawꞈ, nymˬ-mˇ naw maꞈ ngaˇ jawˇ gaˇ gʼoꞈ laˇ-awˬ. Ngaˇ kʼawꞈ naw maꞈ jawˇ gaˇ gʼoꞈ le ma lehˇ ngaˇ ehˇ-eu ma.

Gʼaˬkʼehˇ 26:20

Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.

Yaˬkoˆ 4:13

“Iˬ nah maˬ ngeuˇ naˇ ni shawˬ meuˬ tiˬ meuˬ-ahˇ iˇ-awˇ, tiˬ kʼoꞈ byah ni jeˬ gaꞈ gaꞈ-awˇ pyuˇ gʼawˬ mya ni poˆ za ma” lehˇ ehˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ.

Yaˬkoˆ 5:1

Smˇ muiˬ smˇ baw deuˬ-oˇ, ngaˇ ehˇ gaˇ naˇ haˬ sheˇ. Naw maꞈ kʼoeˇ taˆ shaˬ-eu zahˬ-eu jeˬ keuˆ le-eu lehˇ gʼeh-eu miˇ neh guˇ guˇ-ehˇ ngoeˇ-awˬ.