Yeˬlaˬmiˇ 17:6 - Akha

⁶ Aˬ yawꞈ-euˬ guiˬ lahˬ-aˬ, aˇ bawˇ baw duˆ tiˬ jeˬ-iˬ maˬ dehꞈ-eu, miˇ tsaˬ saˬ deuꞈ kuiˇ-awˇ, gui coˇ ni gʼeh-eu bawˇ tsahˬ bawˇ dahˇ-ahˇ, kʼaˇ shuiꞈ shuiꞈ yaˇ kʼoeˇ taˆ dehꞈ-eu baw duˆ-ahˇ duˇ-eu meh. Aˬ yawꞈ gʼaˇ duˬ yaw muiˬ tiˬ jeˬ-iˬ maˬ jaˆ-a.

Yeˬlaˬmiˇ 17:6 ပူးပေါင်းရင်းမြစ်များ

2 Sahˬpaˬ 7:2

Sahˬ paˬ-ahˇ loꞈ piˇ-eu gʼaˬ ehˇ-eu, “Kʼoeˇ loꞈ-ehˇ maˬ pyeuꞈ laˇ nya-aˇ. Sahˬpaˬ Miˬyehˇ neh cehˇ pyuˇ bi sha ha le law hawˇ kʼawꞈ, cehˇ pyuˇ aˇ poeˬ kʼoeˇ naˆ naˆ-ehˇ maˬ ga yaˇ le nya-aˇ.” Eˇliˇshehˇ ehˇ-eu, “Kʼoeˇ loꞈ-ehˇ ga yaˇ le-euˬ gaˇ nawˇ ya mawˇ tehꞈ-a. Ehˇ kʼawꞈ, nawˇ maˬ ya dzaˬ-aˇ.”

Yawˇbaˆ 20:17

Saˬ loˬ tsiˇ lawˇ baˬ loꞈ-ehˇ yoeˇ le-awˇ, mawˇ neˇ aˬ coeˇ hawˇ-eu byaˬ byaˬ uiˇ lawˇ gawˆ yoeˇ le-eu ya mawˇ gaˇ keuˆ ni, aˬ yawꞈ maˬ dehꞈ maˬ jawˇ keuˆ nya-a.

Yawˇbaˆ 39:6

Bawˇ tsahˬ bawˇ dahˇ-ahˇ aˬ yawꞈ maꞈ-euˬ nymˇ bi pyeuꞈ-awˇ, saˬ deuꞈ deh ga-ahˇ aˬ yawꞈ maꞈ-ahˇ bi jawˇ-euˬ ma.

Jaceuq 1:4

Maˬtsaˬmaˬdawˇ-eu tsawˇhaˬ-aˬ , jaˬlehˇ neh bi hehˇdzaˬgʼeh-euˬ gʼo yoeˬ jehˆbymˇ-ahˇduˇ-eu meh.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Jaceuq 92:7

Haiˬ-eu tsawˇ haˬ deuˬ yaˇ moꞈ mehˇ laˇ gaˇ duˇ-awˇ, maˬ tsaˬ maˬ dawˇ-eu tsawˇ haˬ deuˬ baw le za le kʼawꞈ, dawˬ tawˆ luꞈ ya luˬ ya seˇ-iˇ jiˇ tehꞈ-a.

Iˇsaˬyaˇ 1:30

Aˇ paꞈ ga-euˬ tsuiꞈ kaˆ aˇ bawˇ loꞈ-ehˇ, naw maꞈ ya nyoeˬ-iˇ-awˇ, iˇ cuꞈ maˬ jaˆ-eu yaˇ kmˇ loꞈ-ehˇ, naw maꞈ ya koˆ-iˇ tehꞈ-a.

Yeˬlaˬmiˇ 29:32

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Neˬheˬlamˬ meuˬ-ahˇ jawˇ-eu Sheˬmaˇyaˬ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Naw maꞈ laꞈ kʼoeˇ aˬ yawꞈ-euˬ zaˬ deuˬ uˆ deuˬ aˇ yoeˬ maˬ ceuˬ yaꞈ-ehˇ, ngaˬ-euˬ tsawˇ jeuˬ-ahˇ ngaˇ muiˬ-eu guiˬ lahˬ biꞈ nehˬ gaˇ aˬ yawꞈ maˬ ya haw mawˇ yaꞈ-aˇ. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ ni aˬ yawꞈ ngehˬ-euˬ tmˇ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 48:6

Uˬ kʼawˇ kʼaˇ buˬ maˬ buˬ cehˆ-awˬ. Bawˇ tsahˬ mahˬ tahˬ laˆ deuˬ loꞈ-ehˇ cehˆ-awˬ.

Yeˬsaˬgeˬlaˇ 47:11

Ehˇ kʼawꞈ, lawˇ deh caw caw-ehˇ jaˆ-eu lah yaˬ deuˬ hawˇ-eu lah deuˬ-ahˇ dahˬ-eu iˇ cuꞈ deuˬ maˬ shawˇ-ehˇ, aˬ myah luꞈ saˬ deuꞈ kuiˇ tehꞈ-a.

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Dawˬmehˬ 29:23

Naw maꞈ-euˬ miˇ kʼahˬ kʼahˬ lah ni, miˬ dzaˇ dzaˇ shuiˇ hawˇ-eu saˬ deuꞈ tehꞈ-ehˇ byah jiˇ-awˇ, gaˇ dahˇ maˬ tsoeˬ ni pyeuꞈ-iˇ tehꞈ-a. Tiˬ jeˬ-iˬ maˬ ka dzaˬ nya-eu uˬ taꞈ, yaˇ moꞈ kʼawꞈ maˬ dehꞈ ni pyeuꞈ-iˇ tehꞈ-a. Naw maꞈ-euˬ miˇ kʼahˬ-aˬ, Sahˬpaˬ Miˬyehˇ nui ma pehˇ dui dui-eu laꞈ kʼoeˇ laˆ luˬ laˆ seˇ nehˬ-euˬ Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ hawˇ-eu, Zeˬbaiˬ meuˬ heu deuˬ loꞈ-ehˇ pyeuꞈ-iˇ tehꞈ-a.

Yaˇ kʼaˬ daˇ 9:45

Nah ga-ehˇ guiˇ deuˆ-awˇ, meuˬ kʼoeˇ meuˬ-ahˇ Aˬbiˇmaˬlehˆ deuˆ gʼaˬ-euˬ meh. Kʼoeˇ gaˇ jawˇ-eu tsawˇ haˬ deuˬ-ahˇ sehꞈ-awˇ, meuˬ-ahˇ laˆ luˬ laˆ seˇ nehˬ-awˇ, saˬ deuꞈ sehˬ-euˬ meh.