Yeˬlaˬmiˇ 17:19 - Akha

¹⁹ Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yeˬlaˬmiˇ-oˇ, Yuˇdaˆ sahˬ paˬ deuˬ meuˬ-ahˇ iˇ doˆ laˇ doˆ ngeh cah tsehˆ duˬ pyeuꞈ-eu ‘Miˇ kʼahˬ zaˬ-euˬ lahˇ kʼehˬ’ lehˇ kuˇ-eu lahˇ kʼehˬ-ahˇ iˇ-awˇ, ngaˬ-euˬ dawˬ tsaꞈ gaˬ nehˬ-iˇ-awˬ. Kʼoeˇ naˇ, Yeˬluˇsaˬlehˬ meuˬ-euˬ lahˇ kʼehˬ yawˬ kʼehˬ na luꞈ-ahˇ iˇ doe-awˬ.

Yeˬlaˬmiˇ 17:19 ပူးပေါင်းရင်းမြစ်များ

Dawqdaq 8:1

Naˇ haˬ sheˇ. Zaˬ siˬ tsawˇ gahˇ aˬ dui-ahˇ kuˇ luꞈ meh. Noeˬ siˬ noeˬ mawˇ nya-eu jeˬ-euˬ teˇ saˇ gaˬ le luꞈ meh.

Dawqdaq 9:3

Aˬ yawꞈ-euˬ zaˬ miˬ zaˬ zaˬ kʼaˆ deuˬ-ahˇ meuˬ-ahˇ pyehˬ gʼeh-awˇ, jawˇ duˬ yaw goˇ-ahˇ daˆ-awˇ heu loꞈ-ehˇ bi guˇ-euˬ meh.

Yeˬlaˬmiˇ 17:18

Ngaˬ-ahˇ kʼehˬ-eu tsawˇ haˬ deuˬ kʼoeˇ taˆ shaꞈ dawˇ-eu jeˬ bi keuˆ le-awˬ. Ehˇ kʼawꞈ, ngaˬ-ahˇ daˬ taˬ bi ga laꞈ. Aˬ yawꞈ maꞈ-ahˇ laˆ guˆ nehˬ-awˬ. Ehˇ kʼawꞈ, ngaˬ-euˬ kʼoeˇ taˆ guˆ-eu jeˬ taˬ bi keuˆ le laꞈ. Aˬ yawꞈ-euˬ kʼoeˇ taˆ shaˬ zahˬ guˆ gaˆ bi keuˆ le-awˇ, laˆ piˬ laˆ byoˆ nehˬ-awˬ.

Yeˬlaˬmiˇ 17:20

Sahˬ paˬ deuˬ-ahˇ maˬ ehˇ, Yuˇdaˆ miˇ kʼahˬ zaˬ dawˬ tawˆ luꞈ-ahˇ maˬ ehˇ, Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-ahˇ maˬ ehˇ, lahˇ kʼehˬ kʼoeˇ deuˬ-ahˇ kʼaˇ uˇ laˇ-eu tsawˇ haˬ deuˬ-ahˇ maˬ ehˇ, ngaˬ neh ehˇ-euˬ dawˬ-ahˇ naˇ haˬ-awˬ lehˇ ehˇ nehˬ-awˬ.

Yeˬlaˬmiˇ 19:2

oeˬ lahˬ tehˆ duˬ lahˇ kʼehˬ-ahˇ neh, Hiˬnoˬ deh kʼawꞈ-ahˇ iˇ doˆ gʼeh-awˬ” lehˇ ehˇ-eu meh. Kʼoeˇ gaˇ, aˬ yawꞈ neh bi ngehˬ-euˬ dawˬ deuˬ ngaˇ ya ngehˬ-eu meh.

Yeˬlaˬmiˇ 26:2

Sahˬpaˬ Miˬyehˇ ngaˬ-ahˇ ehˇ-eu, “Uˬ duˬ tahˬ nymˇ nymˇ ma-euˬ pu ka yawꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-awˇ, kʼoeˇ gaˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ-ahˇ, ngaˬ neh nawˬ-ahˇ biꞈ taˬ-euˬ dawˬ deuˬ tiˬ dawˬ-iˬ maˬ dzeˇ ni dzawˇ mehˬ nehˬ-awˬ.

Yeˬlaˬmiˇ 36:10

Kʼoeˇ naˇ, tsawˇ haˬ dawˬ tawˆ luꞈ naˇ haˬ luꞈ ngeh, ngaˬ neh gui ka ka nehˬ-euˬ dawˬ deuˬ boꞈ ahˇ jiˇ taˬ-euˬ sahˬ boꞈ paˇ yoˆ kʼoeˇ yoˆ, Baˬluˆ gui mehˬ nehˬ-euˬ meh. Shaˇpaˬ-euˬ aˬ li pyeuꞈ-eu Uˬ duˬ tahˬ nymˇ nymˇ ma -euˬ saˇ naˇ gaˇ tuˆ tehˬ luꞈ-eu Geˬmaˬliˇyaˆ-euˬ aˇ lawˆ laꞈ kʼoeˇ uˇ-awˇ, aˬ yawꞈ gui mehˬ-euˬ meh. Aˇ lawˆ kʼoeˇ lawˆ-aˬ, Uˬ duˬ tahˬ nymˇ nymˇ ma-euˬ poˆ kaˬ laꞈ taˆ kaˬ-ahˇ, Gʼoˆ kʼehˬ yaw shuiꞈ lehˇ kuˇ-eu kʼoeˇ kʼehˬ dawˬ peh jaˆ-eu meh.

Yeˬlaˬmiˇ 36:6

Ehˇ kʼawꞈ, miˇ kʼahˬ zaˬ deuˬ maˬ dzaˬ maˬ dawˇ ni lah-eu aˇ nah paˇ keuˆ laˇ ngeh, nawˬ-ahˇ kʼoeˇ gaˇ bi uˇ leˇ-awˇ, ngaˬ neh nawˬ-ahˇ gui ka ka nehˬ-awˇ bi boꞈ-euˬ, Sahˬpaˬ Miˬyehˇ neh ehˇ taˬ-euˬ dawˬ kʼoeˇ deuˬ dawˬ tawˆ luꞈ-ahˇ, yawˬ gʼaˬ na luꞈ ya gaˬ ni, sahˬ boꞈ paˇ yoˆ kʼoeˇ bi gui nehˬ leˇ mawꞈ-eu ma. Yawˬ ha kʼaˇ jawˇ-eu meuˬ-ahˇ neh laˇ uiˬ taˬ-euˬ Yuˇdaˆ tsawˇ haˬ deuˬ ahˇ leˇ-ehˇ, tsawˇ haˬ yawˬ gʼaˬ na luꞈ gaˬ nya-eu tsahˇ-ahˇ jawˇ-awˇ, yaw kʼaˆ kʼaˆ-ehˇ guˇ-awˇ gui mehˬ nehˬ-awˬ.

Yeˬlaˬmiˇ 7:2

“Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ yawꞈ-awˇ, dawˬ heu deuˬ dzawˇ gaˬ nehˬ-awˬ. Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, gʼoˆ kʼehˬ heu kʼehˬ-ahˇ kʼaˇ uˇ laˇ-eu Yuˇdaˆ tsawˇ haˬ dawˬ tawˆ luꞈ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ.

Gʼaˬkʼehˇ 5:20

“Uˬ duˬ tahˬ nymˇ nymˇ ma laꞈ kʼoeˇ yawꞈ leˇ-awˇ, yaw shuiꞈ dehꞈ paˇ-euˬ gaˇ kawˆ heu tiˬ byah tiˬ loꞈ ja mehˬ leˇ-awˬ.”