Yeˬlaˬmiˇ 17:11 - Akha

¹¹ Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.

Yeˬlaˬmiˇ 17:11 ပူးပေါင်းရင်းမြစ်များ

Yawˇbaˆ 20:21

Aˬ yawꞈ dzaˬ ngeh dawˇ ngeh, tiˬ jeˬ-iˬ maˬ bi dzeˇ yaꞈ-a. Kʼoeˇ miˇ neh aˬ yawꞈ-euˬ myawˬ gahˬ maˬ gmˬ-a.

Jaceuq 49:13

Yawˬ haˇ yawˬ ha nui kʼaˬ tsmˬ-eu tsawˇ haˬ deuˬ, aˬ joˆ-ehˇ pyeuꞈ laˇ nga lehˇ haw sheˇ. Pyuˇ shuiˇ myawˬ gahˬ-ahˇ nui ma huiˬ-eu deuˬ kʼoeˇ taˆ, aˬ jeˬ keuˆ le nga lehˇ haw sheˇ.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Dawqdaq 13:11

Yehˬ bawˬ-ehˇ laˆ za-euˬ pyuˇ shuiˇ yaw kawˇ-ehˇ byoˆ le-awˇ, aw lawˆ-ehˇ mˇ jaˆ-euˬ jeˬ lahˬ laˇ-eu meh.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Dawqdaq 21:6

Maˬ tsaˬ maˬ dawˇ-eu laꞈ kʼoeˇ za-euˬ pyuˇ shuiˇ myawˬ gahˬ, tiˬ kʼehˇ laˇ kʼehˬ laꞈ kʼoeˇ byoˆ le-eu uˬ taꞈ, shiˇ-eu jeˬ-euˬ kʼaˬ meh laꞈ kʼoeˇ, 4 nawˬ-ahˇ sheuˬ uˇ yaꞈ tehꞈ-a.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawqdaq 28:16

Nui ma-ahˇ maˬ noeˬ-eu sahˬ paˬ-aˬ, gʼawˬ shaˬ maˬ gaˬ ni kʼehˬ-eu kʼaˆ-euˬ meh. Maˬ sui maˬ dawˇ-eu jeˬ-ahˇ bye-eu sahˬ paˬ ziˇ baw-eu meh.

Dawqdaq 28:20

Yaw sui yaw dawˇ tsawˇ haˬ ya dzaˬ ya dawˇ dehˆ-awˇ, nui saˇ oꞈ gaˇ ya dehꞈ keuˆ tehꞈ-a. Ehˇ kʼawꞈ, tiˬ kʼehˇ kʼehˬ tehꞈ-ehˇ smˇ muiˬ muiˬ laˇ-eu jeˬ-ahˇ poˆ-eu tsawˇ haˬ shaˬ zahˬ maˬ dehꞈ dzeuˇ nya-a.

Dawqdaq 28:22

Nui kʼahˇ huiˬ-eu tsawˇ haˬ smˇ muiˬ muiˬ laˇ ni leh jeh dui dui-awˇ, yawˬ ha shaˬ le zahˬ le-eu gaˇ kawˆ-ahˇ maˬ noeˬ mawˇ nya-a.

Dawqdaq 28:8

Nawˇ aˬ cawˬ-ahˇ jiˇ jeuˬ sawˇ-awˇ, yawˬ ha-ahˇ taꞈ-eu jeˬ tehꞈ-ehˇ shaˇ noeˬ-eu miˇ neh, smˇ muiˬ smˇ baw pyeuꞈ laˇ-eu meh. Ehˇ kʼawꞈ ni, nawˇ kʼoeˇ loꞈ-ehˇ mˇ naˇ, nawˬ-euˬ pyuˇ shuiˇ myawˬ gahˬ kʼoeˇ deuˬ, shaˬ zaˬ zahˬ zaˬ-ahˇ gʼawˬ shaˬ gaˬ nya-eu tsawˇ haˬ tiˬ gʼaˬ-euˬ laꞈ-ahˇ ahˇ leˇ jiˇ tehꞈ-a.

Yeˬlaˬmiˇ 22:13

Maˬ tsaˬ maˬ dawˇ-eu laꞈ kʼoeˇ nymˇ tsoˆ-awˇ, maˬ sui maˬ dawˇ-eu laꞈ kʼoeˇ nymˇ paˇ tsoˆ jeˇ-eu, yawˬ ha miˇ kʼahˬ zaˬ-ahˇ yawˬ ngehꞈ-ehˇ kʼehˇ dzaˬ-awˇ, gʼaˬ gaˇ aˇ poeˬ maˬ biꞈ nehˬ-eu tsawˇ haˬ, shaˬ zahˬ ya mˇ dui dui tehꞈ-a.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬlaˬmiˇ 6:13

Huiˬ zaˬ nyiˇ zaˬ dawˬ tawˆ luꞈ kʼawꞈ, maˬ dawˇ-eu laꞈ kʼoeˇ pyuˇ poˆ-awˇ, Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ mehˇ shuiˇ shuiˇ dzaˬ-eu meh.

Yeˬlaˬmiˇ 8:10

Kʼoeˇ miˇ neh aˬ yawꞈ maꞈ-euˬ deh yaˇ aˬ cawˬ-ahˇ biꞈ-awˇ, aˬ yawꞈ maꞈ-euˬ miˬ zaˬ aˬ cawˬ-ahˇ biꞈ nehˬ ma. Huiˬ zaˬ nyiˇ zaˬ maˬ tseˇ paˆ ni, maˬ sui maˬ dawˇ-eu laꞈ kʼoeˇ pyuˇ shuiˇ poˆ-euˬ meh. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ myawꞈ dzaˬ-eu meh.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Miˇkaˬ 2:9

Ngaˬ-euˬ tsawˇ jeuˬ zaˬ miˬ zaˬ deuˬ-ahˇ aˬ yawꞈ maꞈ gaˬ-eu nymˇ jiˇ laꞈ kʼoeˇ neh naw maꞈ teh dzeh-awˇ, ngaˬ neh aˬ yawꞈ maꞈ-ahˇ laꞈ sawˬ biꞈ taˬ-euˬ aˬ buˇ aˬ li deuˬ-ahˇ naw maꞈ maˬ shiˇ tiˬ ziˇ tahˇ joe joe-euˬ meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Zeˬpaˬniˇ 1:9

Ngaˇ kʼehˬ nehˬ kʼaˆ nehˬ le ngeh nah, lawˇ ciꞈ zahˇ tawˬ-eu deuˬ hawˇ-eu, yawˬ ha sahˬ paˬ pyuˇ shuiˇ jaˆ ni, aˬ cawˬ-ahˇ nawˬ dzaˬ-eu deuˬ-ahˇ, ngaˇ yaw kʼaˆ kʼaˆ-ehˇ kʼehˬ nehˬ ma.”

Zaˬkaˬliˇ 5:4

Baoˬ huiˬ-eu Sahˬpaˬ Miˬyehˇ neh yaˬ kʼehˇ yaˬ-euˬ heu pyehˬ kʼawˬ gʼeh-awˇ, smˇ kʼoeˬ yawˬ gʼaˬ na luꞈ-euˬ nymˇ hawˇ-eu, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ-euˬ nymˇ-ahˇ uˇ keuˆ-iˇ-eu uˬ taꞈ, nymˇ kʼoeˇ deuˬ-euˬ laꞈ kʼoeˇ jawˇ-awˇ, luˬ-iˇ seˇ-iˇ-eu jeˬ bi keuˆ le tehꞈ-a lehˇ, Sahˬpaˬ Miˬyehˇ ehˇ-eu meh.”

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

1 Tiˆmoˇseˬ 6:9

Ehˇ kʼawꞈ, smˇ muiˬ muiˬ laˇ mawꞈ-eu tsawˇ haˬ deuˬ-aˬ, muˇ juˇ juˇ-eu jeˬ laꞈ kʼoeˇ ga ahˇ-awˇ, luꞈ-iˇ seˇ-iˇ-eu jeˬ laꞈ kʼoeˇ aˬ yawꞈ maꞈ-ahˇ gʼeu ahˇ-eu jeˬ pyeuꞈ-eu, luˬ-eu seˇ-eu lahˇ ju-ahˇ paꞈ leˇ-eu meh.

Tiˇtuˆ 1:11

Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.