Yeˬlaˬmiˇ 16:6 - Akha

⁶ Miˇ kʼahˬ heu kʼahˬ laꞈ kʼoeˇ jawˇ-eu smˇ muiˬ iˇ shaˬ dawˬ tawˆ luꞈ ya shiˇ-awˇ, baꞈ pahˬ nehˬ-eu gʼaˬ maˬ jawˇ-ehˇ, tsawˇ ngoeˇ ngoeˇ nehˬ-eu gʼaˬ kʼawꞈ maˬ jawˇ ni pyeuꞈ-iˇ tehꞈ-a. Yawˬ ha-euˬ gʼawˇ mawˇ laˆ tahˬ laˆ naˇ-eu jeˬ mˇ-eu laꞈ kʼoeˇ maˬ ehˇ, uˬ duˬ jehˆ dzeh-eu laꞈ kʼoeˇ maˬ ehˇ, noeˬ shaˬ dui dui-eu gaˇ kawˆ bi siˬ bi mawˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Yeˬlaˬmiˇ 16:6 ပူးပေါင်းရင်းမြစ်များ

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

Iˇsaˬyaˇ 22:12

Kʼoeˇ naˇ, nawˇ noeˬ shaˬ-awˇ ngoeˇ-eu laꞈ kʼoeˇ, uˬ jehˆ jehˆ-awˇ guˬ daˇ pehˇ zeuˇ mehˬ tsoeˬ dm-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, nawˬ-ahˇ kuˇ le tehꞈ-a.

Iˇsaˬyaˇ 24:2

Miˇ kʼahˬ zaˬ hawˇ-eu piˇ ma deuˬ maˬ ehˇ, zaˬ kʼaˆ hawˇ-eu baw leˬ maˬ ehˇ, zaˬ miˬ zaˬ zaˬ kʼaˆ hawˇ-eu meh leˬ maˬ ehˇ, zeuˇ-eu deuˬ hawˇ-eu ahˬ-eu deuˬ maˬ ehˇ, pyuˇ paˇ nehˬ-eu deuˬ hawˇ-eu shaˇ paˇ-eu deuˬ maˬ ehˇ, dziˇ dzoˆ daˆ-eu deuˬ hawˇ-eu dziˇ dzoˆ yaw sahˇ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ ya shaˬ tehꞈ-a.

Yeˬlaˬmiˇ 13:13

Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ yehꞈ-iˇ jiˇ ngeh keuˆ ni, Sahˬpaˬ Miˬyehˇ pyeuꞈ-eu ngaˇ aˬ gaꞈ dzaˇ uiˇ shehˆ ahˇ nehˬ ma. Daˬbiˇ-euˬ zaˬ deuˬ uˆ deuˬ pyeuꞈ-eu sahˬ paˬ deuˬ maˬ ehˇ, piˇ ma deuˬ maˬ ehˇ, Miˬyehˇ gʼaˇ duˬ ngehˬ dah-eu deuˬ maˬ ehˇ, Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ maˬ ehˇ, aˬ gaꞈ dzaˇ uiˇ yehꞈ-iˇ jiˇ ni ngaˇ shehˆ ahˇ nehˬ ma.

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 41:5

Sheˬkmˬ meuˬ, Shiˇloˬ meuˬ hawˇ-eu, Saˬmaˬliˆ meuˬ-ahˇ neh tsawˇ haˬ yehꞈ tseˇ gʼaˬ oe-euˬ meh. Aˬ yawꞈ maꞈ mehˬ mahˬ jehˆ dzeh-awˇ, mehˬ tsoeˬ cehˬ pyaˬ-awˇ, gʼawˇ mawˇ-ahˇ kahˬ naˇ taˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ lawˇ-eu gʼaˇ duˬ, dzaˬ la gʼo cehˇ lawˇ-eu jeˬ hawˇ-eu yaw saw jeˬ aˬ yawꞈ maꞈ yuˇ leꞈ-euˬ meh.

Yeˬlaˬmiˇ 47:5

Gaˬzaˬ tsawˇ haˬ shaˬ zahˬ naꞈ-awˇ, Aˬshaˇgaˬloˇ tsawˇ haˬ ciˬ cuˇ saˆ ni pyeuꞈ-iˇ tehꞈ-a. Buˬ-iˇ-euˬ Piˇliˇtiˆ tsawˇ haˬ nui deuˬ, aˬ myah tsawˇ ngoeˇ ngoeˇ taˬ nya nmˇ.

Yeˬlaˬmiˇ 48:37

Aˬ yawꞈ maꞈ dawˬ tawˆ luꞈ yawˬ ha-euˬ uˬ duˬ tsehˇ kahˇ hawˇ-eu mehˬ mahˬ jehˆ dzeh jiˇ-euˬ meh. Aˬ yawꞈ maꞈ yawˬ ha-euˬ aˬ laꞈ-ahˇ mi cehˇ neh deuˆ taˆ-awˇ, pehˇ zeuˇ neh mehˬ tsoeˬ guꞈ dm-eu meh.

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Uˬ duˬ 19:27

Uˬ duˬ-euˬ laꞈ oˆ paw jawˬ jawˬ-ehˇ, tsehˇ kahˇ maˬ ya tehˬ jawˬ-a. Mehˬ mahˬ mehˬ dzaˬ maˬ ya tehˬ cuˬ-a.

Uˬ duˬ 19:28

Sahˬ tsawˆ-awˇ, shaˬ jiˇ-ahˇ aˇ boꞈ maˬ ya boꞈ-a. Yawˬ ha-euˬ shaˬ jiˇ-ahˇ laˆ tahˬ laˆ naˇ gaˇ keuˆ ni, shiˇ-euˬ tsawˇ haˬ deuˬ gʼaˇ duˬ tsawˇ ngoeˇ maˬ ya ngoeˇ-a. Ngaˇ-aˬ, Sahˬpaˬ Miˬyehˇ pyeuꞈ-eu ma.

Aˬmoˆ 6:11

Sahˬpaˬ Miˬyehˇ dawˬ biꞈ ngeh, nymˇ yaw huiˬ yaw nyiˇ dawˬ tawˆ luꞈ pyaˆ-iˇ shaˆ-iˇ jiˇ tehꞈ-a.

Maꞈtehˬ 9:23

Yaw huiˬ yaw mahˇ kʼoeˇ gʼaˬ-euˬ nymˇ-ahˇ Yeˬsuˇ le keuˆ ngeh, tsawˇ shiˇ bawˬ law baw-eu deuˬ kʼawꞈ kʼoeˇ gaˇ jawˇ-awˇ, tsawˇ haˬ gʼawˬ mya ni lawꞈ gʼa luꞈ gaˇ ya mawˇ-euˬ meh.

Dawˬmehˬ 14:1

“Naw maꞈ-aˬ, naw maꞈ-euˬ Miˬ yehˇ pyeuꞈ-eu Sahˬ paˬ Miˬ yehˇ-euˬ tsawˇ haˬ meh. Kʼoeˇ miˇ neh, aˬ cawˬ tsawˇ jeuˬ deuˬ shiˇ-euˬ tsawˇ haˬ deuˬ gʼaˇ duˬ tsawˇ ngoeˇ ngoeˇ ngeh jahˇ-eu loꞈ-ehˇ, yawˬ ha-euˬ shaˬ jiˇ-ahˇ kahˬ naˇ-awˇ, naˇ kʼawˇ kʼoeˇ taˆ uˬ duˬ tsehˇ kahˇ jehˆ dzeh-eu jeˬ naw maꞈ taˬ mˇ.

Panmaeq 20:12

Kʼoeˇ naˇ, shiˇ-euˬ tsawˇ haˬ deuˬ huiˬ zaˬ nyiˇ zaˬ dawˬ tawˆ luꞈ, dzoeˬ dzaˬ nuiˇ mahˬ kʼoeˇ-euˬ mehˬ shi yawꞈ luꞈ gaˇ ngaˇ ya mawˇ-euˬ ma. Kʼoeˇ ngeh, sahˬ boꞈ pah-euˬ meh. Kʼoeˇ naˇ, dehꞈ-eu saꞈ laˇ sahˬ boꞈ pah-euˬ meh. Shiˇ-euˬ tsawˇ haˬ deuˬ-aˬ, sahˬ boꞈ kʼoeˇ deuˬ laꞈ kʼoeˇ kʼaˇ boꞈ ahˇ taˬ-euˬ loꞈ-ehˇ, yawˬ ha neh kʼaˇ mˇ yaꞈ-euˬ gaˇ geuˇ ni yaˇ kʼaˬ bi daˇ-euˬ meh.

Panmaeq 6:15

Kʼoeˇ naˇ, miˇ kʼahˬ sahˬ paˬ deuˬ maˬ ehˇ, uˆ lahˇ-eu sahˬ paˬ sahˬ ma deuˬ maˬ ehˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, smˇ muiˬ muiˬ-awˇ baoˬ ahˇ-eu tsawˇ haˬ deuˬ maˬ ehˇ, nui deuˬ maˬ ehˇ, zaˬ kʼaˆ deuˬ hawˇ-eu zaˬ kʼaˆ maˬ ngeuˇ-eu deuˬ maˬ ehˇ, gawˬ jawˬ kʼoeˇ taˆ jaˆ-eu lo kʼahˬ lo guˇ doe ni cehˆ zaꞈ jiˇ-euˬ meh.