Yeˬlaˬmiˇ 16:4 - Akha

⁴ Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 16:4 ပူးပေါင်းရင်းမြစ်များ

2 Sahˬpaˬ 9:10

Yeˬzaˬbeˬlaˇ-ahˇ baꞈ pahˬ nehˬ-eu gʼaˬ maˬ jawˇ ni, Yeˬzaˬleˬlaˇ meuˬ dawˬ peh aˬ kuiˬ neh bi dzaˬ jiˇ tehꞈ-a’ lehˇ ehˇ-eu meh.” Miˬyehˇ gʼaˇ duˬ ngehˬ dah-eu zaˬ guˬ kʼoeˇ gʼaˬ-aˬ, kʼoeˇ loꞈ-ehˇ ehˇ gʼaˬ naˇ doˆ-iˇ-awˇ, cehˆ byoˆ-euˬ meh.

Jaceuq 78:64

Piˇ ma deuˬ shaˆ shiˇ shiˇ-awˇ, aˬ yawꞈ maꞈ-euˬ miˬ zaˬ deuˬ tsawˇ ngoeˇ maˬ ya ngoeˇ-a.

Jaceuq 83:10

Eˬdawˇlaˆ meuˬ dawˬ peh aˬ yawꞈ maꞈ-ahˇ nawˇ deuˆ gʼaˬ-awˇ, aˬ yawꞈ maꞈ-euˬ gʼawˇ mawˇ miˇ tsa ga buꞈ-euˬ meh.

Iˇsaˬyaˇ 18:6

Shiˇ taˬ-awˇ ga-eu aˬ yawꞈ maꞈ-euˬ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ gʼaˇ duˬ pyeuꞈ-awˇ, aˇ jiˇ deuˬ tiˬ jawˇ la dzaˬ-eu uˬ taꞈ, tsahˬ gaˆ yamˬ-ahˇ jeˬ zaˬ deuˬ bui tehꞈ-a.”

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Yeˬlaˬmiˇ 19:7

Jawˇ duˬ heu tsahˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-euˬ nui kʼahˇ dawˬ tawˆ luꞈ, ngaˇ laˆ cawˆ nehˬ jiˇ ma. Muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, bi deuˆ sehꞈ jiˇ ma. Aˬ yawꞈ maꞈ-ahˇ, aˇ jiˇ hawˇ-eu bawˇ tsahˬ jeˬ zaˬ deuˬ-euˬ dzaˇ bi pyeuꞈ-iˇ ma.

Yeˬlaˬmiˇ 21:6

Meuˬ heu meuˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ ngaˇ sehꞈ ma. Tsawˇ haˬ maˬ ehˇ, jeˬ zaˬ maˬ ehˇ, guˆ dui dui laˇ paˬ-ehˇ gʼeh-eu naˇ gawˇ baˬ da neh ya shiˇ tehꞈ-a.

Yeˬlaˬmiˇ 25:33

Aˇ yamˬ kʼoeˇ keuˆ le ngeh, Sahˬpaˬ Miˬyehˇ neh sehꞈ dzeh taˬ-euˬ tsawˇ haˬ deuˬ, miˇ tsaˬ tahˬ kʼawˇ kʼoeˇ dzeˇ heu dzeˇ doˆ ni, tiˬ byah ni ga tehꞈ-a. Aˬ yawꞈ maꞈ-ahˇ tsawˇ ngoeˇ ngoeˇ-awˇ baꞈ pahˬ nehˬ-eu gʼaˬ maˬ jawˇ-ehˇ, mawˇ neˇ keˬ loꞈ-ehˇ ga tehꞈ-a.

Yeˬlaˬmiˇ 34:17

Kʼoeˇ miˇ neh, naw maꞈ ngaˬ-euˬ ehˇ dawˬ maˬ naˇ haˬ nga lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ pyehˬ nehˬ-a. Muiˬ tehꞈ-a. Ngaˇ naw maꞈ-ahˇ pyehˬ-awˇ, naw maꞈ-euˬ nui noeˬ bi dehꞈ ma. Ngaˇ naw maꞈ-ahˇ pyehˬ nehˬ-awˇ, guiˇ deuˆ-eu jeˬ, naˇ-eu gawˇ-eu jeˬ hawˇ-eu, mehꞈ-eu shuꞈ-eu jeˬ laꞈ kʼoeˇ bi shiˇ jiˇ ma. Ngaˬ neh naw maꞈ-ahˇ jahˇ nehˬ-euˬ jeˬ-ahˇ tsawˇ jeuˬ yawˬ jeuˬ na luꞈ tsawˬ guˆ-iˇ ngeh keuˆ ni ngaˇ mˇ ma.

Yeˬlaˬmiˇ 34:20

Aˬ yawꞈ maꞈ-ahˇ sehꞈ mawꞈ-euˬ muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ngaˇ a nehˬ-awˇ aˬ yawꞈ maꞈ-euˬ gʼawˇ mawˇ-ahˇ, bawˇ tsahˬ jeˬ zaˬ hawˇ-eu aˇ jiˇ deuˬ neh bi dzaˬ jiˇ ma.

Yeˬlaˬmiˇ 36:30

Kʼoeˇ miˇ neh, sahˬ paˬ Yeˬhawˇyaˬkmˬ-oˇ, Sahˬpaˬ Miˬyehˇ pyeuꞈ-eu ngaˇ nymˬ-mˇ heu loꞈ-ehˇ ehˇ-eu ma. Nawˬ-euˬ zaˬ nawˬ-euˬ uˆ deuˬ laꞈ kʼoeˇ, Daˬbiˇ-euˬ miˇ kʼahˬ heu kʼoeˇ taˆ uˆ lahˇ-eu tiˬ gʼaˬ-iˬ maˬ paˇ bi doˆ laˇ ma. Nah gʼahˇ paw nahˇ tsaˇ kʼaˆ-awˇ uˬ ciꞈ paw ceuˬ ga gaˇ, nawˬ-ahˇ yaw shiˇ-ehˇ baꞈ dzeh-awˇ bi ga tehꞈ-a.

Yeˬlaˬmiˇ 44:12

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni dzeˇ yaꞈ-euˬ, Iˇjiˇtuˆ miˇ kʼahˬ-ahˇ jawˇ-iˇ ma lehˇ noeˬ tsehˆ taˬ-euˬ Yuˇdaˆ tsawˇ haˬ kʼoeˇ deuˬ dawˬ tawˆ luꞈ, ya luˬ ya seˇ-iˇ jiˇ tehꞈ-a. Aˬ yawꞈ maꞈ huiˬ zaˬ nyiˇ zaˬ dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ, guiˇ deuˆ-eu baˬ da neh maˬ ngeuˇ naˇ, mehꞈ-eu shuꞈ-eu baˬ da neh ya shiˇ jiˇ tehꞈ-a. Aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu jeˬ keuˆ le tehꞈ-a. Aˬ cawˬ tsawˇ jeuˬ aˬ yawꞈ maꞈ-ahˇ ja bu ja doeˇ-awˇ, aˬ yawꞈ maꞈ-euˬ tsawˇ myahˇ-ahˇ gʼoe gʼoe-ehˇ yaˬ kʼehˇ yaˬ tehꞈ-a.

Yeˬlaˬmiˇ 44:27

Naw maꞈ maˬ baw maˬ za le-eu uˬ taꞈ, ya luˬ ya seˇ-iˇ gaˇ ngaˇ haw ma. Naw maꞈ tiˬ gʼaˬ-iˬ maˬ dzeuˇ-iˇ nya ni, guiˇ deuˆ-eu baˬ da neh maˬ ngeuˇ naˇ, naˇ-eu gawˇ-eu baˬ da neh ya shiˇ jiˇ tehꞈ-a.

Yeˬlaˬmiˇ 7:33

Tsawˇ haˬ zaˬ shiˇ taˬ-awˇ ga gaˇ, bawˇ tsahˬ jeˬ zaˬ hawˇ-eu aˇ jiˇ deuˬ dzaˬ le-awˇ, teh piˇ nehˬ-eu gʼaˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 9:22

Deh ga-ahˇ mawˇ neˇ ceˬ ga-eu loꞈ-ehˇ, cehˇ yehˬ dzeh-awˇ cehˇ diꞈ maˬ ya uiˬ-euˬ loꞈ-ehˇ, yawˬ gaˇ na luꞈ tsawˇ haˬ yaw shiˇ ga tehꞈ-a lehˇ, Sahˬpaˬ Miˬyehˇ ngaˬ-ahˇ bi ngehˬ laꞈ-euˬ meh.”

Ngoeˇ dawˬ 4:9

Guiˇ deuˆ gaˇ shiˇ-euˬ deuˬ maˬ tseˇ, mehꞈ-awˇ shiˇ-euˬ deuˬ doeˇ dzehˬ meh. Dzaˬ-eu tiˬ jeˬ-iˬ maˬ jaˆ-ehˇ, liˬ-iˇ koˆ-iˇ-awˇ shiˇ-euˬ meh.

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Zeˬpaˬniˇ 1:17

Sahˬpaˬ Miˬyehˇ ehˇ-eu, “Ngaˬ-ahˇ mˇ bahˬ taˬ-euˬ miˇ neh, aˬ yawꞈ maꞈ-ahˇ bi noeˬ shaˬ-awˇ, myaˆ behꞈ maˬ cah nya-eu loꞈ-ehˇ, kuiˇ toꞈ ciˬ zaˇ bi saˇ sawˇ ma. Iˇ cuꞈ loꞈ-ehˇ shiˬ bi yoeˇ-awˇ, miˇ tsa shiˇ buꞈ-awˇ bi ga ma.”

Dawˬmehˬ 28:22

Nyawˬ leˇ nya-eu naˇ gawˇ maˬ ehˇ, maˇ cuˬ maˇ lu lu-awˇ pyaˬ-eu jeˬ maˬ ehˇ, Sahˬpaˬ Miˬyehˇ nawˬ-euˬ kʼoeˇ taˆ bi keuˆ le tehꞈ-a. Nawˬ-euˬ dzaˬ la gʼo cehˇ-ahˇ bi laˆ cawˆ-eu gʼaˇ duˬ, uˬ yehˇ maˬ bi yehˇ le-eu uˬ taꞈ, lahˇ dui dui-eu jaˬ lehˇ bi baw tehꞈ-a.

Dawˬmehˬ 28:26

Naw maꞈ shiˇ ngeh, aˇ jiˇ deuˬ hawˇ-eu bawˇ tsahˬ jeˬ zaˬ deuˬ naw maꞈ shiˇ taˬ-awˇ ga gaˇ, naw maꞈ-euˬ shaˬ jiˇ dzaˬ le tehꞈ-a. Ehˇ kʼawꞈ, jeˬ zaˬ hawˇ-eu aˇ jiˇ kʼoeˇ deuˬ-ahˇ teh piˇ-eu tsawˇ haˬ maˬ jawˇ-aˇ.