Yeˬlaˬmiˇ 16:11 - Akha

¹¹ Kʼoeˇ naˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ ehˇ nehˬ-awˬ. Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ uˬ duˬ tahˬ-awˇ, miˬ yehˇ kʼoeˇ deuˬ-euˬ nui kʼahˇ mˇ-euˬ meh. Aˬ yawꞈ maꞈ ngaˬ-ahˇ byehˇ-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ maˬ naˇ haˬ geuꞈ-a.

Yeˬlaˬmiˇ 16:11 ပူးပေါင်းရင်းမြစ်များ

1 Sahˬpaˬ 9:9

Kʼoeˇ ngeh, aˬ yawꞈ maꞈ-ahˇ aˬ cawˬ heu loꞈ-ehˇ ehˇ kʼoꞈ nehˬ tehꞈ-a. ‘Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-euˬ miˇ neh, kʼoeˇ loꞈ-ehˇ jahˇ nehˬ-euˬ gaˇ ya daˬ-euˬ meh. Aˬ yawꞈ maꞈ miˬyehˇ nui deuˬ-ahˇ gʼoe-awˇ uˬ duˬ tahˬ-euˬ meh. Kʼoeˇ miˇ neh, heu loꞈ-ehˇ gʼeh-eu luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ Sahˬpaˬ Miˬyehˇ bi keuˆ le-euˬ meh’ lehˇ ehˇ kʼoꞈ nehˬ tehꞈ-a.”

2 Laˬsaˬbaˬ 7:22

Kʼoeˇ ngeh, aˬ yawꞈ maꞈ-ahˇ aˬ cawˬ heu loꞈ-ehˇ ehˇ kʼoꞈ nehˬ tehꞈ-a. ‘Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-euˬ miˇ neh, kʼoeˇ loꞈ-ehˇ jahˇ nehˬ gaˇ ya daˬ-euˬ meh. Aˬ yawꞈ maꞈ miˬ yehˇ nui deuˬ-ahˇ gʼoe-awˇ uˬ duˬ tahˬ-euˬ meh. Kʼoeˇ miˇ neh, heu loꞈ-ehˇ gʼeh-eu luˬ-iˇ seˇ-iˇ-euˬ jeˬ aˬ yawꞈ maꞈ kʼoeˇ taˆ bi keuˆ le-euˬ meh’ lehˇ ehˇ kʼoꞈ nehˬ tehꞈ-a.”

Yeˬlaˬmiˇ 13:22

Nawˬ-euˬ pi di bi gʼeu paˆ-awˇ, maˬ gʼeh kʼmˬ-eu jeˬ bi gʼeh gaˇ keuˆ ni, aˬ jeˬ miˇ neh nawˇ shaˬ zahˬ naꞈ-eu siˬ mawꞈ miˇ-a loˇ. Guˆ dui dui laˇ paˬ-ehˇ gʼeh-eu nawˬ-euˬ iˬ baˇ baˬ da, nawˇ kʼoeˇ loꞈ-ehˇ ya daˬ-eu meh lehˇ siˬ nya-awˬ.

Yeˬlaˬmiˇ 2:8

‘Sahˬpaˬ Miˬyehˇ aˬ geu gaˇ jawˇ ta’ lehˇ, piˇ ma deuˬ gʼeh naˇ haˬ-eu maˬ baw-ehˇ, ngaˬ-euˬ piˇ ma kʼoeˇ deuˬ ngaˬ-ahˇ maˬ siˬ nya gaˇ duˇ meh. Sahˬ paˬ sahˬ ma bi geuꞈ-euˬ deuˬ ngaˬ-ahˇ puiˬ-awˇ, ngaˬ-euˬ gʼaˇ duˬ bi ngehˬ dah-euˬ deuˬ kʼawꞈ, Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ, aˬ yawꞈ maꞈ uˬ duˬ tahˬ-eu meh.

Yeˬlaˬmiˇ 22:9

Kʼoeˇ ngeh, naw maꞈ-euˬ Miˬyehˇ pyeuꞈ-eu ngaˬ nehˬ-ehˇ dzaˬ taˬ-euˬ dawˬ ma saˇ jaˇ-ahˇ naw maꞈ byehˇ dzeh-awˇ, miˬ yehˇ nui deuˬ-ahˇ uˬ duˬ tahˬ-awˇ, miˬ yehˇ kʼoeˇ deuˬ-euˬ nui kʼahˇ mˇ-euˬ miˇ neh, kʼoeˇ loꞈ-ehˇ bi jahˇ nehˬ-euˬ nga lehˇ aˬ yawꞈ maꞈ ehˇ tehꞈ-a.”

Yeˬlaˬmiˇ 44:3

Aˬ jeˬ miˇ neh ehˇ naˇ, kʼoeˇ gaˇ jawˇ-euˬ tsawˇ haˬ deuˬ yaw haiˬ jeˬ mˇ-awˇ, ngaˬ-ahˇ nui ma bi pehˇ laꞈ-euˬ meh. Aˬ yawꞈ maꞈ maˬ ehˇ, naw maꞈ maˬ ehˇ, naw maꞈ-euˬ aˬ poeˬ aˬ bawˇ deuˬ maˬ ehˇ, tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ, aˬ yawꞈ maꞈ uˬ duˬ tahˬ-awˇ lawˇ nehˬ shehˇ nehˬ-euˬ meh.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Yeˬlaˬmiˇ 9:14

Aˬ yawꞈ maꞈ-euˬ aˬ poeˬ aˬ bawˇ deuˬ neh mehˬ nehˬ yaꞈ-euˬ loꞈ-ehˇ, aˬ yawꞈ maꞈ nui ma gʼahˇ-eu laꞈ kʼoeˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ deuˬ-ahˇ, uˬ duˬ tahˬ-euˬ meh.

Ngoeˇ dawˬ 5:7

Aˬ poeˬ ziˇ-ahˇ mˇ-euˬ iˬ baˇ, nga maꞈ kʼoeˇ taˆ keuˆ le-euˬ meh.

Yeˬsaˬgeˬlaˇ 11:21

Ehˇ kʼawꞈ, jawꞈ dui dui-awˇ nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ-ahˇ, ngaˇ kʼehˬ nehˬ kʼaˆ nehˬ ma. Aˬ yawꞈ maꞈ neh mˇ-euˬ shaˇ-euˬ loꞈ-ehˇ, aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Aˬmoˆ 2:4

Sahˬpaˬ Miˬyehˇ ehˇ-eu, “Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Ngaˬ neh mehˬ nehˬ tsoˆ nehˬ-euˬ jeˬ-ahˇ aˬ yawꞈ maꞈ yaw zeu maˬ baw-ehˇ, ngaˬ neh dawˬ biꞈ taˬ-euˬ gaˇ aˬ yawꞈ maꞈ maˬ caw teh geuꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ caw teh-euˬ miˬ yehˇ deuˬ pyeuꞈ-eu, maˬ ngeuˇ-eu miˬ yehˇ kʼoeˇ deuˬ neh aˬ yawꞈ maꞈ-ahˇ gaˇ ma bi sheuˬ bahˬ-euˬ meh.

Maˬlaˬkiˇ 3:7

Naw maꞈ-aˬ aˇ hu dehꞈ-euˬ naw maꞈ-euˬ aˬ poeˬ aˬ bawˇ deuˬ loꞈ-ehˇ, ngaˬ-euˬ zahˇ dawˬ kʼoꞈ dawˬ-ahˇ maˬ caw teh ni byehˇ-euˬ meh. Ngaˇ jawˇ gaˇ gʼoꞈ kʼoꞈ laˇ-awˬ. Ngaˇ naw maꞈ jawˇ paw ciˬ pyawˇ nehˬ ma. Ehˇ kʼawꞈ, ‘Nga maꞈ aˬ joˆ-ehˇ jahˇ-awˇ nawˇ jawˇ gaˇ ya gʼoꞈ kʼoꞈ laˇ ta’ lehˇ naw maꞈ ehˇ-eu meh.

1 Beˬtuˆluˆ 4:3

Miˬyehˇ-ahˇ maˬ siˬ nya-eu tsawˇ haˬ deuˬ mˇ-eu jeˬ-ahˇ , dzeuˇ laˇ ngeh naw maꞈ mˇ dehˆ shaˇ dehˆ gʼaˬ-euˬ meh. Kaˬ miˬ sheu-eu, shiˬ shaˬ jiˇ nui loˆ geuꞈ-eu, jiˇ baˬ yehꞈ-eu, byawˬ gʼaˬ mo gʼa-eu, dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, tahˬ paˬ aˬ ma mawˇ kawˇ-ahˇ uˬ duˬ tahˬ-eu, heu deuˬ laꞈ kʼoeˇ naw maꞈ dehꞈ dzeuˇ jawˇ dzeuˇ yaꞈ-euˬ meh.

Yaˇ kʼaˬ daˇ 2:11

Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ mehˬ shi iˬ baˇ mˇ-awˇ, Baˬlaˇ miˬyehˇ kʼoeˇ deuˬ-ahˇ uˬ duˬ tahˬ-euˬ meh.