Yeˬlaˬmiˇ 15:1 - Akha

¹ Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 15:1 ပူးပေါင်းရင်းမြစ်များ

Aˇ dahˬ 19:27

Kʼoeˇ ngeh shawˬ yaw naꞈ-ehˇ, dzeuˇ laˇ ngeh Sahˬpaˬ Miˬyehˇ mehˬ shi aˬ yawꞈ gawˬ yawꞈ yawꞈ-awˇ dawˬ ngehˬ ngehˬ cawˬ haw-euˬ jawˇ duˬ kʼoeˇ tsahˇ-ahˇ, Aˬbyaˬhaˬ yaw kawˇ-ehˇ iˇ-euˬ meh.

2 Sahˬpaˬ 17:20

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma naˇ dui dui-awˇ, doeˇ dui dui-eu muiˇ-eu tsawˇ haˬ deuˬ neh bi kʼehˬ-eu laꞈ kʼoeˇ, maˬ mawˇ laˇ gaˇ bi iˇ byoˆ jiˇ-euˬ meh.

Jaceuq 106:23

Aˬ yawꞈ-euˬ tsawˇ jeuˬ-ahˇ laˆ cawˆ ma lehˇ Miˬyehˇ ehˇ ngeh, nui ma pehˇ-eu laꞈ kʼoeˇ tsawˇ haˬ kʼoeˇ deuˬ-ahˇ maˬ bi laˆ cawˆ-eu gʼaˇ duˬ, aˬ yawꞈ neh tseˇ doˆ-euˬ zaˬ kʼaˆ pyeuꞈ-eu Moˇseˬ, aˬ yawꞈ mehˬ shi yawꞈ daˬ leˇ-euˬ meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Dawqdaq 14:35

Tsawˇ gahˇ ahˇ-eu zaˬ kʼaˆ-ahˇ sahˬ paˬ laˬ kʼaˬ cehˇ-awˇ, daˬ ga-eu zaˬ kʼaˆ-ahˇ sahˬ paˬ kʼehˬ-eu meh.

Yeˬlaˬmiˇ 10:18

Naw maꞈ-ahˇ miˇ kʼahˬ heu kʼahˬ laꞈ kʼoeˇ neh biˬ doˆ-eu lehˇ, Sahˬpaˬ Miˬyehˇ lehˬ hmˬ luꞈ meh. Naw maꞈ tiˬ gʼaˬ-iˬ maˬ bi dzeuˇ-iˇ ni jahˇ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 11:14

Yeˬlaˬmiˇ-oˇ, tsawˇ haˬ heu deuˬ-euˬ dah zaˇ ngaˬ-ahˇ guiˬ lahˬ taˬ shaˇ. Aˬ yawꞈ maꞈ shaˬ le zahˬ le-awˇ, caw ba nehˬ laꞈ lehˇ ngaˬ-ahˇ shaˇ ngeh, ngaˇ maˬ naˇ haˬ nehˬ.”

Yeˬlaˬmiˇ 14:11

Sahˬpaˬ Miˬyehˇ ngaˬ-ahˇ ehˇ-eu, “Tsawˇ haˬ heu deuˬ-ahˇ caw ba nehˬ-awˬ lehˇ ngaˬ-ahˇ taˬ shaˇ.

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Yeˬlaˬmiˇ 15:19

Sahˬpaˬ Miˬyehˇ ngaˬ-ahˇ heu loꞈ-ehˇ paˇ ehˇ-eu meh. “Nawˇ ngaˇ jawˇ gaˇ gʼoꞈ kʼoꞈ laˇ naˇ, nawˬ-ahˇ ngaˇ paˇ ha geuꞈ-awˇ, ngaˬ-euˬ gaˇ paˇ bi mˇ ma. Gaˇ dahˇ maˬ tsoeˬ-eu dawˬ ngehˬ ngehˬ-ehˇ maˬ jawˇ ni, aˇ poeˬ kʼaˆ-eu dawˬ ngehˬ paˇ naˇ, ngaˬ-euˬ gʼaˇ duˬ ngehˬ dah-eu gʼaˬ paˇ bi geuꞈ ma. Kʼoeˇ loꞈ-ehˇ jahˇ naˇ, miˇ kʼahˬ zaˬ deuˬ nawˇ jawˇ gaˇ gʼoꞈ laˇ tehꞈ-a. Aˬ yawꞈ maꞈ jawˇ gaˇ nawˇ iˇ-eu maˬ loˬ-aˇ.

Yeˬlaˬmiˇ 16:13

Kʼoeˇ miˇ neh miˇ kʼahˬ heu kʼahˬ laꞈ kʼoeˇ neh naw maꞈ-ahˇ ngaˇ biˬ doˆ-awˇ, naw maꞈ-euˬ aˬ poeˬ aˬ bawˇ deuˬ kʼawꞈ maˬ gaˬ haw-ehˇ, naw maꞈ kʼawꞈ maˬ gaˬ haw-euˬ miˇ kʼahˬ laꞈ kʼoeˇ biˬ ahˇ nehˬ ma. Kʼoeˇ gaˇ uˬ ciꞈ nah gʼahˇ maˬ ehˇ miˬ yehˇ nui deuˬ-euˬ nui kʼahˇ naw maꞈ ya mˇ byah-awˇ, naw maꞈ-ahˇ ngaˇ gʼawˬ shaˬ maˬ gaˬ nehˬ lehˇ ehˇ-eu meh lehˇ ehˇ nehˬ-awˬ.”

Yeˬlaˬmiˇ 16:5

“Shiˇ-euˬ tsawˇ haˬ deuˬ gʼaˇ duˬ tsawˇ ngoeˇ ngoeˇ-eu nymˇ jiˇ laꞈ kʼoeˇ nawˇ taˬ uˇ leˇ. Aˬ cawˬ gʼaˇ duˬ nui ma shaˬ zahˬ taˬ mˇ. Ngaˬ-euˬ tsawˇ haˬ deuˬ-ahˇ ngaˇ nui saˇ oꞈ-eu guiˬ lahˬ maˬ paˇ biꞈ-ehˇ, gʼoeˇ-eu gaˬ-eu jeˬ hawˇ-eu gʼawˬ shaˬ gaˬ-eu jeˬ maˬ paˇ bi mawˇ ma.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Yeˬlaˬmiˇ 22:28

Aˬ cawˬ maˬ haw nahˇ-eu paˆ-iˇ taˬ-euˬ mui deuˇ oeˬ lahˬ, aˬ cawˬ maˬ geuꞈ nahˇ-eu mˇ myawˬ, Yeˬhawˇyaˬciˬ ehˇ-eu heu gʼaˬ meh loˇ. Aˬ jeˬ miˇ neh aˬ yawꞈ-euˬ zaˬ deuˬ-ahˇ, aˬ yawꞈ maˬ siˬ-eu miˇ kʼahˬ-ahˇ biˬ ahˇ nehˬ taˬ.

Yeˬlaˬmiˇ 23:39

Aˬ yawꞈ maꞈ-ahˇ maˬ ehˇ, aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ meuˬ-ahˇ maˬ ehˇ, ngaˇ tsuˆ-awˇ, ngaˬ-ahˇ maˬ mawˇ laˇ gaˇ biˬ byoˆ nehˬ-eu uˬ taꞈ,

Yeˬlaˬmiˇ 35:19

Kʼoeˇ miˇ neh, Leˬkaˆ-euˬ aˬ li Yawˇnaˬdehˇ-euˬ zaˬ deuˬ uˆ deuˬ laꞈ kʼoeˇ, ngaˬ-euˬ gaˇ mˇ-eu tsawˇ haˬ tiˬ gʼaˬ tiˬ ziˇ saˇ-i tiˬ ziˇ maˬ tsehˆ leˇ ni doˆ laˇ tehꞈ-a lehˇ, Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma” lehˇ ehˇ-eu meh.

Yeˬlaˬmiˇ 52:3

Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui-eu miˇ neh, aˬ yawꞈ-euˬ mehˬ shi maˬ bi jawˇ ni teh dzeh nehˬ-euˬ meh. Baˬbuˇloˬ sahˬ paˬ Neˬbuˬkaˬneˬzaˬ-ahˇ Zeˬdaˬkiˇ puiˬ-euˬ meh.

Yeˬlaˬmiˇ 9:19

Ziˇoˬ meuˬ-ahˇ tsawˇ ngoeˇ ngoeˇ luꞈ gaˇ naˇ haˬ sheˇ. “Nga maꞈ cawˆ-iˇ jiˇ-euˬ miˇ-a. Myaˆ pyawˬ maˬ ciˬ diˇ coeˇ miˇ-a. Nga maꞈ-euˬ nymˇ jiˇ bi laˆ byoˆ jiˇ-awˇ, yawˬ ha miˇ kʼahˬ-ahˇ ya byehˇ dzeh gaˇ keuˆ miˇ-a” lehˇ ngoeˇ luꞈ meh.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Hawˇseˬ 9:15

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ yaw haiˬ mˇ-eu jeˬ, Giˇlaˇgaˬlaˇ-ahˇ dahˬ beh-awˇ, aˬ yawꞈ maꞈ-ahˇ ngaˇ bye-eu jeˬ, Giˇlaˇgaˬlaˇ-ahˇ beh-euˬ ma. Aˬ yawꞈ maꞈ haiˬ-eu baˬ da neh, miˇ kʼahˬ laꞈ nyiˇ teh dzeh nehˬ-awˇ, aˬ yawꞈ maꞈ-ahˇ maˬ paˇ gaˬ ma. Aˬ yawꞈ maꞈ-euˬ sahˬ paˬ sahˬ ma, dawˬ tawˆ luꞈ ngaˬ-ahˇ puiˬ-euˬ meh.

Zaˬkaˬliˇ 3:3

Yawˇshuˆ-aˬ, mehˬ tsoeˬ yaw jawꞈ dm-awˇ kʼoeˇ gaˇ yawꞈ luꞈ-eu meh.

Dawˬmehˬ 9:26

Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. ‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ-euˬ huiˬ dui dui-eu baoˬ hawˇ-eu gʼaˬ-ahˇ gʼoe-awˇ, Iˇjiˇtuˆ miˇ kʼahˬ-ahˇ neh nawˬ neh ka kʼoꞈ doˆ laꞈ-euˬ tsawˇ jeuˬ pyeuꞈ-eu nawˬ-euˬ tsawˇ jeuˬ-ahˇ taˬ laˆ luˬ taˬ laˆ seˇ nehˬ laꞈ.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

Yaˇ kʼaˬ daˇ 5:9

Iˇsaˬleˬlaˆ yehˇ-euˬ aˬ yuiꞈ deuˬ hawˇ-eu, nui ma keuˆ-awˇ laˬ kʼaˬ tiˬ cehˇ guiˇ deuˆ-eu deuˬ nehˬ-ehˇ, ngaˇ nui ma taꞈ ma. Sahˬpaˬ Miˬyehˇ-ahˇ ja ceuˬ-awˬ.

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

1 Saˬmeuˬlaˆ 7:9

Saˬmeuˬlaˆ yawˇ zaˬ tiˬ mawˇ sehꞈ-awˇ, mawˇ lah-ehˇ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ bi caw ba-eu gʼaˇ duˬ Sahˬpaˬ Miˬyehˇ-ahˇ aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-euˬ meh.