Yeˬlaˬmiˇ 14:3 - Akha

³ Smˇ muiˬ aˬ da deuˬ zaˬ kʼaˆ deuˬ-ahˇ kʼehˇ gʼeh-awˇ, iˇ cuꞈ bi kʼawꞈ laˬ-iˇ-euˬ kʼawꞈ, lah duˬ-ahˇ iˇ cuꞈ maˬ dahˬ-eu miˇ neh, iˇ puˬ yawꞈ ngehꞈ-ehˇ gʼoꞈ laˇ-euˬ meh. Aˬ yawꞈ maꞈ nui ma cawˆ-awˇ zahˬ leˇ-euˬ miˇ neh, myaˆ pyawˬ ciˬ zaꞈ-eu meh.

Yeˬlaˬmiˇ 14:3 ပူးပေါင်းရင်းမြစ်များ

2 Saˬmeuˬlaˆ 15:30

Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

2 Saˬmeuˬlaˆ 19:4

Sahˬ paˬ-aˬ, aˬ yawꞈ-euˬ myaˆ pyawˬ-ahˇ dehˬ kaˬ-awˇ, “Ngaˬ li-oˇ. Ngaˬ li Aˬbaˇsaˬloˬ-oˇ. Ngaˬ li Aˬbaˇsaˬloˬ-oˇ” lehˇ guˇ guˇ-ehˇ ngoeˇ-eu meh.

1 Sahˬpaˬ 17:7

Aˇ yamˬ ui cuiˆ myahˇ laˇ ngeh jawˇ, uˬ yehˇ maˬ yehˇ le-eu baˬ da neh, lawˇ gawˆ kʼoeˇ gawˆ iˇ cuꞈ gui-iˇ-euˬ meh.

2 Sahˬpaˬ 18:31

Heˬsaˬgiˇ-euˬ dawˬ-ahˇ naw maꞈ naˬ bawˇ taˬ ciˬ kʼmˇ. Meuˬ laꞈ kʼoeˇ neh doˆ le-awˇ, Aˬshuˇliˆ sahˬ paˬ-euˬ zaˬ lahˇ geuꞈ le-awˬ lehˇ, aˬ yawꞈ naw maꞈ-ahˇ ehˇ luꞈ meh. Naw maꞈ yawˬ ha-euˬ aˬ gaꞈ yaˇ kmˇ-ahˇ yawˬ ha ya pyaˆ dzaˬ-awˇ, yawˬ ha-euˬ siˬ guˬ aˇ bawˇ-ahˇ yawˬ ha ya pyaˆ dzaˬ-eu uˬ taꞈ, yawˬ ha-euˬ lah duˬ-ahˇ yaw ha ya kʼawꞈ dawˇ tehꞈ-a.

Iˇsaˬtaˆ 6:12

Kʼoeˇ loꞈ-ehˇ cah gʼaˬ-awˇ, Haˬmaˬ gʼaˬ myaˆ pyawˬ dehˬ kaˬ-awˇ toˇ toˇ-ehˇ iˇ kahˇ-ahˇ yaw kawˇ-ehˇ gʼoꞈ-iˇ ngeh, Mawˬdaˬkehˇ gʼaˬ sahˬ paˬ-euˬ nymˇ gʼoˆ kʼehˬ-ahˇ gʼoꞈ leˇ-euˬ meh.

Yawˇbaˆ 6:20

Ehˇ kʼawꞈ, gui coˇ ni jaˆ-eu lawˇ gawˆ kʼoeˇ deuˬ-ahˇ mawˇ ngeh, noeˬ tmˬ duˬ byoˆ-awˇ nui ma cawˆ dui dui-eu meh.

Jaceuq 109:29

Ngaˬ-ahˇ muiˇ-eu deuˬ daˬ ga-eu jeˬ neh bi pymˬ tehˬ-awˇ, shaꞈ dawˇ-eu jeˬ dm-awˇ jawˇ luꞈ-uˇ.

Jaceuq 40:14

Ngaˬ-euˬuˬkʼawˇpoˆ-eu kʼoeˇdeuˬ, daˬya ga-awˇ zahˬleˇluꞈ-uˇ. Ngaˇshaˬgaˇnui kʼahˇshiˇ-eu deuˬ, ya shaꞈdawˇ-awˇzeuˆpyawˇluꞈ-uˇ.

Yeˬlaˬmiˇ 14:4

Uˬ yehˇ maˬ jaˆ-ehˇ miˇ tsaˬ koˆ-iˇ-euˬ miˇ neh, mˇ dzaˬ-eu tsawˇ haˬ deuˬ nui ma cawˆ dui dui-awˇ, myaˆ pyawˬ ciꞈ zaꞈ-euˬ meh.

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Yeˬlaˬmiˇ 2:37

Shaꞈ dawˇ-eu miˇ neh myaˆ pyawˬ maˬ ciˬ diˇ coeˇ ni, Iˇjiˇtuˆ miˇ kʼahˬ-ahˇ naw maꞈ ya doˆ-iˇ tehꞈ-a. Nawˇ nui kʼaˬ tsmˬ luꞈ-eu deuˬ-ahˇ, Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, aˬ yawꞈ maꞈ nawˬ-ahˇ maˬ paˇ caw ba nehˬ nya meh.”

Yeˬlaˬmiˇ 20:11

Ehˇ kʼawꞈ, baoˬ huiˬ-awˇ gʼaˬ kʼaˆ-eu Sahˬpaˬ Miˬyehˇ nawˇ-aˬ, ngaˇ jawˇ paw pyawˬ luꞈ-eu miˇ neh, ngaˬ-ahˇ kʼehˬ-eu tsawˇ haˬ deuˬ sahˬ tiꞈ tiꞈ coˬ-awˇ, ngaˬ-ahˇ maˬ gʼaˬ laˇ ni smˬ-iˇ tehꞈ-a. Aˬ yawꞈ maꞈ smˬ-iˇ-euˬ miˇ neh, mˬ maˬ maˬ byaˆ zaˇ ziˇ ya shaꞈ dawˇ-awˇ, maˬ ngehˇ leˇ coeˇ gaˇ keuˆ tsawˇ myahˇ ya cawˆ tehꞈ-a.

Yeˬlaˬmiˇ 3:3

Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Ngoeˇ dawˬ 4:4

Iˇ cuꞈ mehꞈ-awˇ kuˬ byahˬ gui-eu, mehˬ laˇ kʼoeˇ taˆ paw myahˬ leˇ-awˇ, hawˬ mehꞈ mehꞈ-eu kaˬ muˇ shaˇ kʼawꞈ, zaˬ-ahˇ haw cawˬ-eu maˬ jawˇ-a.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Yawˇlaˆ 1:20

Iˇ cuꞈ lawˇ gawˆ gui-iˇ jiˇ-awˇ, gaˆ kʼahˬ puiˆ dzaˬ jiˇ-euˬ miˇ neh, bawˇtsahˬ jeˬzaˬ nawˬ-ahˇ guˇmeh.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Aˬmoˆ 4:8

Meuˬ gʼawˬ mya meuˬ-ahˇ jawˇ-eu tsawˇ haˬ deuˬ iˇ cuꞈ mehꞈ-eu laꞈ kʼoeˇ gʼaˬ baˬ laˇ taˬ-awˇ, iˇ cuꞈ ya mawˇ tehꞈ-a lehˇ noeˬ-eu meuˬ tiˬ meuˬ-ahˇ aˬ yawꞈ maꞈ le-eu meh. Ehˇ kʼawꞈ, kʼoeˇ gaˇ iˇ cuꞈ tiˬ dehˆ maˬ ya dawˇ-a. Kʼoeˇ naˆ naˆ-ehˇ pyeuꞈ laˇ taˬ-euˬ kʼawꞈ, ngaˇ jawˇ gaˇ naw maꞈ maˬ gʼoꞈ poˆ laˇ-a.

Zaˬkaˬliˇ 14:17

Kʼoeˇ gaˇ maˬ le-ehˇ, Baoˬ huiˬ-eu Sahˬpaˬ Miˬyehˇ pyeuꞈ-eu sahˬ paˬ-ahˇ uˬ duˬ maˬ tahˬ leˇ-eu miˇ kʼahˬ kʼoeˇ taˆ, uˬ yehˇ maˬ yehˇ ni mˬ gʼmˇ gʼmˇ tehꞈ-a.