Yeˬlaˬmiˇ 13:9 - Akha

⁹ “Joꞈ paꞈ kʼoeˇ kahˇ peuˬ-iˇ-euˬ gaˇ duˇ ni, Yuˇdaˆ miˇ kʼahˬ-euˬ nui ma huiˬ-eu mahˇ-eu jeˬ hawˇ-eu, Yeˬluˇsaˬlehˬ meuˬ-euˬ nui ma huiˬ dui mahˇ dui dui-eu jeˬ-ahˇ, ngaˇ laˆ cawˆ nehˬ ma.

Yeˬlaˬmiˇ 13:9 ပူးပေါင်းရင်းမြစ်များ

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Iˇsaˬyaˇ 16:6

Yuˇdaˆ tsawˇ haˬ deuˬ ehˇ-eu, “Mawˇbaˆ tsawˇ haˬ deuˬ jahˇ gʼeh-eu gaˇ kawˆ, nga maꞈ ya gaˬ gʼaˬ taˬ-euˬ ma. Aˬ yawꞈ maꞈ kʼahˬ sehˇ huiˬ-awˇ jahˇ gʼeh sehꞈ kʼawꞈ, aˬ yawꞈ maꞈ neh kʼahˬ sehˇ jehˆ-euˬ awˬ kʼawꞈ tehꞈ meh.”

Iˇsaˬyaˇ 23:9

Aˬ yawꞈ maꞈ-euˬ kʼahˬ sehˇ dawˬ tawˆ byoˆ le jiˇ-awˇ, myaˆ pyawˬ naˇ mehˇ jaˆ-eu deuˬ ya shaꞈ dawˇ ni, Baoˬ huiˬ-eu Sahˬpaˬ Miˬyehˇ neh jahˇ nehˬ-euˬ meh.

Yeˬlaˬmiˇ 13:8

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ paˇ ehˇ-eu meh.

Yeˬlaˬmiˇ 25:18

Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ dawˬ tawˆ luꞈ, aˬ yawꞈ maꞈ-euˬ sahˬ paˬ hawˇ-eu sahˬ paˬ sahˬ ma kʼaˇ geuꞈ luꞈ-eu deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, kʼmˬ maˬ kʼoeˇ kʼmˬ ya ciˬ dawˇ-euˬ meh. Meuˬ kʼoeˇ deuˬ dawˬ tawˆ luꞈ, kʼaˇ shuiꞈ deh yaˇ bawˇ tsahˬ bawˇ dahˇ loꞈ-ehˇ pyeuꞈ-iˇ-awˇ, tsawˬ guˆ-iˇ paˬ-ehˇ jaˆ ni maˬ ehˇ, nymˬ-mˇ aˬ yawꞈ maꞈ yaˬ kʼehˇ yaˬ ngeh ehˇ-eu loꞈ-ehˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ zmˬ-awˇ yaˬ kʼehˇ yaˬ ni maˬ ehˇ, aˬ yawꞈ maꞈ kʼmˬ maˬ kʼoeˇ kʼmˬ ya ciˬ dawˇ-euˬ jeˬ pyeuꞈ-eu meh.

Yeˬlaˬmiˇ 48:29

Mawˇbaˆ-aˬ, nui ma huiˬ dui mahˇ dui dui meh. Aˬ yawꞈ maꞈ nui ma aˇ naˆ ni huiˬ-eu gʼahˇ-eu gaˇ kawˆ, aˇ naˆ ni kʼahˬ sehˇ jehˆ-eu gaˇ kawˆ, aˇ naˆ ni jahˇ gʼeh-eu gaˇ kawˆ, ngaˇ ya gaˬ gʼaˬ-euˬ ma. Yawˬ haˇ yawˬ ha maˬ gaˇ dui dui ma lehˇ noeˬ luꞈ meh.

Yeˬsaˬgeˬlaˇ 16:50

Aˬ yawꞈ maꞈ nui ma huiˬ-eu gʼahˇ-eu laꞈ kʼoeˇ, ngaˇ bye-eu gaˇ mˇ-euˬ miˇ neh, aˬ yawꞈ maꞈ-ahˇ ngaˇ laˆ cawˆ nehˬ-euˬ gaˇ kawˆ nawˇ siˬ duˬ luꞈ meh.

Yeˬsaˬgeˬlaˇ 16:56

Nawˇ dehꞈ dzaˬ ngeh, nawˬ-euˬ aˬ nyiˇ Sawˇdoˬ meuˬ-euˬ gaˇ kawˆ maˬ ja nahˇ-euˬ maˬ ngeuˇ loˇ.

Uˬ duˬ 26:19

Naw maꞈ-euˬ nui ma huiˬ-eu gʼahˇ-eu jeˬ-ahˇ ngaˇ laˆ cawˆ ma. Uˬ yehˇ maˬ jaˆ-eu uˬ taꞈ, naw maꞈ-euˬ miˇ kʼahˬ gui coˇ ni pyeuꞈ-iˇ-awˇ, shmˇ loꞈ-ehˇ gʼahˇ tehꞈ-a.

Naˬhmˬ 2:2

Muiˇ-eu deuˬ neh laˆ cawˆ nehˬ-awˇ, uˬ pyaˬ uˬ laꞈ juˆ dzeh jiˇ-euˬ, Iˇsaˬleˬlaˆ tsawˇ jeuˬ-euˬ baoˬ, Yaˬkoˆ-euˬ yaw shehꞈ kʼahˬ sehˇ kʼoeˇ, Sahˬpaˬ Miˬyehˇ biꞈ kʼoꞈ tehꞈ-a.

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.