Yeˬlaˬmiˇ 13:21 - Akha

²¹ Nawˬ neh cawˬ yaw gʼoeˇ ma lehˇ noeˬ-euˬ deuˬ, nawˬ-ahˇ guiˇ deuˆ gʼaˬ-awˇ uˆ lahˇ laˇ ngeh, nawˇ aˬ joˆ-ehˇ ehˇ nmˇ. Zaˬ miˬ zaˬ zaˬ baw ngeh shaˬ-eu loꞈ-ehˇ, nawˬ-euˬ shaˬ zahˬ kʼoeˇ naˆ ni naꞈ tehꞈ-a.

Yeˬlaˬmiˇ 13:21 ပူးပေါင်းရင်းမြစ်များ

2 Sahˬpaˬ 16:7

Aˬshuˇliˆ sahˬ paˬ Tiˇgaˬlaˇpaˬleˬsaˬ jawˇ gaˇ Aˬkaˆ tsawˇ haˬ pyehˬ gʼeh-awˇ, “Ngaˇ-aˬ, nawˬ-ahˇ gʼoe-eu nawˬ-euˬ zaˬ kʼaˆ ma. Nawˇ tiˬ poˆ oe-awˇ, ngaˬ-ahˇ guiˇ deuˆ luꞈ-eu Suˇliˆ sahˬ paˬ hawˇ-eu Iˇsaˬleˬlaˆ sahˬ paˬ-euˬ laꞈ-ahˇ, ngaˬ-ahˇ ka kʼoꞈ nehˬ le-awˬ” lehˇ bi tsaꞈ gaˬ leˇ-euˬ meh.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Iˇsaˬyaˇ 13:8

Guˆ-eu gaˆ-eu jeˬ aˬ yawꞈ maꞈ-ahˇ tsuˆ tehˬ taˬ-awˇ, shaˬ zahˬ naꞈ dui dui-eu miˇ neh, zaˬ baw luꞈ-eu aˬ ma loꞈ-ehˇ ya tsahˇ tehꞈ-a. Guˆ-eu miˇ neh tiˬ gʼaˬ tiˇ gʼaˬ haw tsoˆ taˬ-awˇ, baˬ ba neˇ tseuˆ ni shaˬ tehꞈ-a.

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Yeˬlaˬmiˇ 2:25

Iˇsaˬleˬlaˆ-oˇ, miˬ yehˇ nui deuˬ-ahˇ poˆ-eu laꞈ kʼoeˇ, nawˬ-euˬ aˬ kuiˇ gʼah-awˇ kuˬ byahˬ taˬ bi gui-iˇ. Ehˇ kʼawꞈ, nawˇ heu loꞈ-ehˇ ehˇ-eu meh. ‘Ngaˇ maˬ paˇ gʼoꞈ kʼoꞈ laˇ haw ma. Aˬ cawˬ-euˬ miˬ yehˇ-ahˇ jawˇ gaˬ taˬ-eu miˇ neh, miˬ yehˇ kʼoeˇ deuˬ-euˬ mehˬ nah caw teh ma’ lehˇ ehˇ-eu meh.”

Yeˬlaˬmiˇ 22:23

Leˬbaˬnoˬ gawˬ jawˬ-ahˇ shaˇ leˇ-euˬ, shuˬ liˇ neh tsoˆ-euˬ nymˇ laꞈ kʼoeˇ, naw maꞈ saˇ lehˆ ni dehꞈ luꞈ meh. Ehˇ kʼawꞈ, zaˬ baw aˬ ma-euˬ shaˬ zahˬ-ahˇ duˇ-eu, shaˬ zahˬ naw maꞈ-ahˇ zaw laˇ ngeh, naw maꞈ aˇ naˆ ni ya shaˬ nmˇ.

Yeˬlaˬmiˇ 30:6

Yaw muiˬ paˬ-ehˇ shaˇ noeˬ duˬ sheˇ. Kʼaˬ dzeˇ zaˬ zaˬ baw nya ta loˇ. Toˆ-ehˇ maˇ-iˬ, aˬ jeˬ miˇ neh kʼaˬ dzeˇ zaˬ deuˬ, zaˬ miˬ zaˬ zaˬ baw ngeh loꞈ-ehˇ, uꞈ maˆ-ahˇ dehˬ tehˬ-awˇ jawˇ ta. Aˬ jeˬ miˇ neh yawˬ gʼaˬ na luꞈ pyuˇ pya ni pyeuꞈ luꞈ ta.

Yeˬlaˬmiˇ 38:22

Yuˇdaˆ sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu zaˬ miˬ zaˬ deuˬ-ahˇ, Baˬbuˇloˬ tsawˇ haˬ yaw huiˬ yaw mahˇ deuˬ jawˇ gaˇ sheuˬ doˆ gʼeh nehˬ-eu ngaˇ ya mawˇ-euˬ ma. Aˬ yawꞈ maꞈ heu loꞈ-ehˇ ehˇ-awˇ doˆ-iˇ luꞈ-eu meh. ‘Sahˬ paˬ-ahˇ gʼoeˇ dui dui-eu cawˬ deuˬ, sahˬ paˬ-ahˇ tsawˇ gahˇ gahˇ gʼaˬ-euˬ meh. Sahˬ paˬ aˬ kuiˇ lah yaˬ-ahˇ nawˬ pahˬ-awˇ, cawˬ deuˬ byehˇ dzeh nehˬ yaꞈ-euˬ meh’ lehˇ ehˇ-eu meh.”

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Yeˬlaˬmiˇ 4:31

Zaˬ baw aˬ ma ngoeˇteˇ ngaˇ gaˬ-euˬ ma. Zaˬ nahˬ ciˬ ngeh naˇ-eu teˇ saˇ loꞈ-ehˇ, Yeˬluˇsaˬlehˬ shiˇ dehꞈ shiˇ teuˆ-awˇ, aˬ laꞈ cawˬ ja taˬ-awˇ ehˇ-eu, “Maˬ paˇ gʼeh nya miˇ-a. Aˬ cawˬ laꞈ-ahˇ ya shiˇ miˇ-a.”

Yeˬlaˬmiˇ 48:41

Meuˬ deuˬ hawˇ-eu taˆ deuˬ-ahˇ aˬ yawꞈ maꞈ deuˆ gʼaˬ tehꞈ-a. Kʼoeˇ ngeh, Mawˇbaˆ yehˇ deuˬ, zaˬ baw luꞈ-eu zaˬ miˬ zaˬ loꞈ-ehˇ guˆ dui dui tehꞈ-a.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Yeˬlaˬmiˇ 6:24

Yeˬluˇsaˬlehˬ-ahˇ jawˇ-eu tsawˇ haˬ deuˬ ehˇ-eu, “Gaˇ kawˆ heu deuˬ nga maꞈ ya gaˬ gʼaˬ-awˇ, nga maꞈ laꞈ guˬ shiˇ-euˬ gaˇ duˇ miˇ-a. Zaˬ miˬ zaˬ zaˬ baw ngeh loꞈ-ehˇ, shaˬ zahˬ naꞈ dui dui luꞈ-eu ma.

Yeˬsaˬgeˬlaˇ 28:9

Nawˬ-ahˇ sehꞈ-eu deuˬ-euˬ mehˬ shi, miˬ yehˇ ma lehˇ ehˇ te siˬ loˇ. Nawˬ-ahˇ sehꞈ-eu deuˬ-euˬ laꞈ-ahˇ, nawˇ miˬ yehˇ maˬ ngeuˇ-ehˇ, tsawˇ haˬ ngaˇ lehˇ duˬ laˇ tehꞈ-a.

Maꞈtehˬ 24:8

Heu deuˬ dawˬ tawˆ luꞈ, zaˬ baw-eu lehˇ gʼeh ngeh, uˬ maˆ naˇ dahˬ beh laˇ-eu loꞈ-ehˇ tehꞈ-a siˬ.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.