Yeˬlaˬmiˇ 12:8 - Akha

⁸ Ngaˬ neh tseˇ doˆ-euˬ tsawˇ haˬ deuˬ ngaˬ-ahˇ puiˬ-awˇ, bawˇ tsahˬ aˇ laˬ jaˬ shiˇ loꞈ-ehˇ ngaˬ-ahˇ joeˬ-eu miˇ neh, aˬ yawꞈ maꞈ-ahˇ ngaˇ bye-eu ma.

Yeˬlaˬmiˇ 12:8 ပူးပေါင်းရင်းမြစ်များ

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Yeˬlaˬmiˇ 2:15

Aˇ laˬ jaˬ shiˇ loꞈ-ehˇ aˬ yawꞈ maꞈ aˬ yawꞈ-ahˇ lmˬ-awˇ, aˬ yawꞈ-euˬ miˇ kʼahˬ kʼaˇ shuiꞈ deh yaˇ laˆ pyeuꞈ-awˇ, aˬ yawꞈ-euˬ meuˬ deuˬ cawˆ jiˇ-awˇ, meuˬ tsoeˬ tsoeˬ jiˇ-euˬ meh.

Yeˬlaˬmiˇ 51:38

Baˬbuˇloˬ tsawˇ haˬ dawˬ tawˆ luꞈ aˇ laˬ jaˬ shiˇ loꞈ-ehˇ joeˬ-awˇ, aˇ laˬ jaˬ shiˇ zaˬ loꞈ-ehˇ lmˬ-eu meh.

Yeˬsaˬgeˬlaˇ 23:18

Aˬ yawꞈ meh maˬ laˇ pyeuꞈ-eu gaˇ kawˆ tsawˇ haˬ dawˬ tawˆ luꞈ-ahˇ bi siˬ jiˇ-euˬ meh. Aˬ yuiꞈ gʼaˬ-ahˇ nui daˆ daˆ-euˬ loꞈ-ehˇ, aˬ yawꞈ-ahˇ kʼawꞈ ngaˇ nui daˆ daˆ laˇ-euˬ ma.

Hawˇseˬ 9:15

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ yaw haiˬ mˇ-eu jeˬ, Giˇlaˇgaˬlaˇ-ahˇ dahˬ beh-awˇ, aˬ yawꞈ maꞈ-ahˇ ngaˇ bye-eu jeˬ, Giˇlaˇgaˬlaˇ-ahˇ beh-euˬ ma. Aˬ yawꞈ maꞈ haiˬ-eu baˬ da neh, miˇ kʼahˬ laꞈ nyiˇ teh dzeh nehˬ-awˇ, aˬ yawꞈ maꞈ-ahˇ maˬ paˇ gaˬ ma. Aˬ yawꞈ maꞈ-euˬ sahˬ paˬ sahˬ ma, dawˬ tawˆ luꞈ ngaˬ-ahˇ puiˬ-euˬ meh.

Aˬmoˆ 6:8

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ maˇ jawˆ ni ehˇ taˬ-euˬ meh. “Iˇsaˬleˬlaˆ tsawˇ haˬ nui ma huiˬ gaˇ mahˇ gaˇ ngaˇ maˬ haw nahˇ nya. Aˬ yawꞈ maꞈ dehꞈ byawˬ-eu gʼaˇ duˬ laˆ saˆ muiˬ taˬ-euˬ nymˇ nymˇ ma deuˬ-ahˇ ngaˇ maˬ haw nahˇ nya. Aˬ yawꞈ maꞈ-euˬ meuˬ meuˬ ma hawˇ-eu kʼoeˇ gaˇ kʼaˇ jaˆ-eu yawˬ jeˬ na luꞈ, muiˇ-eu deuˬ-euˬ aˬ laꞈ laꞈ kʼoeˇ ngaˇ a nehˬ ma.”

Miˇkaˬ 2:8

Sahˬpaˬ Miˬyehˇ ehˇ-eu, “Muiˇ-eu tsawˇ haˬ deuˬ-ahˇ jahˇ nehˬ-eu loꞈ-ehˇ ngaˬ-euˬ tsawˇ haˬ deuˬ-ahˇ naw maꞈ jahˇ nehˬ-eu meh. Guiˇ deuˆ-iˇ-awˇ gʼoꞈ laˇ-euˬ tsawˇ haˬ deuˬ, iˇ kahˇ gʼoꞈ keuˆ laˇ-euˬ miˇ neh kʼahˬ lahˇ kʼaˇ maˬ paˇ za ma lehˇ noeˬ-eu meh. Ehˇ kʼawꞈ, dziˇ dzoˆ dzoˆ nehˬ-euˬ aˇ poeˬ, aˬ yawꞈ maꞈ dm luꞈ-eu pehˇ kʼahˬ lehˆ-awˇ bi biꞈ daˇ taˬ-eu lehˇ naw maꞈ loꞈ luꞈ meh.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.