Yeˬlaˬmiˇ 12:2 - Akha

² Aˬ yawꞈ maꞈ-ahˇ nawˇ ka dehꞈ-awˇ ciˇ tahˬ bi iˇ-euˬ meh. Aˬ yawꞈ maꞈ mehˇ laˇ-awˇ aˇ siˬ siˬ laˇ-euˬ meh. Aˬ yawꞈ maꞈ-euˬ mehˬ boeˬ nawˬ-ahˇ ja muiˬ luꞈ kʼawˬ, nui ma laꞈ kʼoeˇ nawˬ-ahˇ maˬ noeˬ keuˆ-a.

Yeˬlaˬmiˇ 12:2 ပူးပေါင်းရင်းမြစ်များ

Yawˇbaˆ 24:12

Naˇ-eu gawˇ-eu deuˬ hawˇ-eu shiˇ leˇ luꞈ-eu deuˬ meuˬ laꞈ kʼoeˇ guˇ luꞈ kʼawꞈ, aˬ yawꞈ maꞈ-euˬ shaˇ dawˬ-ahˇ Miˬyehˇ maˬ naˇ haˬ nehˬ-a.

Yawˇbaˆ 5:3

Tsawˇ uˬ ziꞈ dah ni dehꞈ luꞈ gaˇ, ngaˇ ya puˬ ya mawˇ haw-euˬ ma. Ehˇ kʼawꞈ, aˬ yawꞈ maꞈ-euˬ nymˇ-ahˇ ngaˇ yaˬ kʼehˇ yaˬ-euˬ ma.

Jaceuq 37:35

Leˬbaˬnoˬgawˬjawˬ-ahˇuˆ-eu, shuˬliˇbawˇma yaw goˇloꞈ-ehˇ, aˬcawˬ-ahˇnawˬdzaˬkʼaˆdzaˬ-eu, yaw haiˬtiˬgʼaˬmawˇhaw-euˬma.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Yeˬlaˬmiˇ 11:17

“Iˇsaˬleˬlaˆ hawˇ-eu Yuˇdaˆ-ahˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ka-euˬ ma. Ehˇ kʼawꞈ, aˬ yawꞈ maꞈ kʼoeˇ taˆ guˆ-eu gaˆ-eu jeˬ bi keuˆ le-eu lehˇ, nymˬ-mˇ ngaˇ lehˬ hmˬ luꞈ-eu ma. Aˬ yawꞈ maꞈ dehꞈ lehˬ mˇ lehˬ-euˬ miˇ neh, yawˬ haˇ yawˬ ha kʼoeˇ loꞈ-ehˇ keuˆ le ni mˇ-euˬ meh. Baˬlaˇ miˬ yehˇ-ahˇ lawˇ-eu shehˇ-eu laꞈ kʼoeˇ, ngaˇ nui ma pehˇ ni aˬ yawꞈ maꞈ mˇ-euˬ meh.”

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 45:4

“Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh tsoˆ doˆ taˬ-euˬ jeˬ deh pyaˆ-awˇ, ngaˬ neh ka dehꞈ taˬ-euˬ jeˬ gʼawˇ lehˆ-eu ma. Miˇ kʼahˬ kʼahˬ lah ni ngaˇ kʼoeˇ loꞈ-ehˇ jahˇ nehˬ ma.

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Maꞈtehˬ 15:8

‘Tsawˇ haˬ heu deuˬ-euˬ mehˬ boeˬ neh, ngaˬ-ahˇ taˬ huiˬ taˬ mahˇ-eu kʼawꞈ, aˬ yawꞈ maꞈ-euˬ nui ma laꞈ kʼoeˇ, ngaˬ-ahˇ gaˇ mahˇ kaˬ dui dui meh.

Maˬkuˆ 7:6

Yeˬsuˇ aˬ yawꞈ maꞈ-ahˇ ehˇ nehˬ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, Iˇsaˬyaˇ neh Miˬyehˇ gʼaˇ duˬ ngehˬ dah-eu laꞈ kʼoeˇ naw maꞈ-euˬ gaˇ kawˆ ehˇ taˬ-euˬ aˇ naˆ ni tsaˬ-eu nga. Aˬ yawꞈ neh boꞈ taˬ yaꞈ-euˬ dawˬ heu loꞈ-ehˇ jaˆ-eu meh. ‘Miˬyehˇ heu loꞈ-ehˇ ehˇ-eu meh. Tsawˇ haˬ heu deuˬ kʼaˬ meh mehˬ boeˬ, ngaˬ-ahˇ taˬ huiˬ taˬ mahˇ-euˬ kʼawꞈ, aˬ yawꞈ maꞈ-euˬ nui ma kʼoeˇ siˬ, ngaˬ-ahˇ gaˇ mahˇ kaˬ dui dui meh.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.