Yeˬlaˬmiˇ 12:11 - Akha

¹¹ Miˇ kʼahˬ kʼoeˇ-ahˇ kʼaˇ shuiꞈ deh yaˇ bi pyeuꞈ-iˇ-awˇ, ngaˬ-euˬ mehˬ shi yaw cawˆ-ehˇ jaˆ-eu meh. Miˇ kʼahˬ kʼahˬ lah kʼaˇ shuiꞈ deh pyeuꞈ-iˇ-awˇ, tsawˇ haˬ tiˬ gʼaˬ-iˬ myaˆ haw maˬ cawˬ-a.

Yeˬlaˬmiˇ 12:11 ပူးပေါင်းရင်းမြစ်များ

Dawˬ tsoˆ 7:2

Dzaˬbyawˇ lawˇ-eu nymˇ naˆ maˬ tseˇ, tsawˇ ngoeˇ nymˇ-ahˇ iˇ-eu muiˬ meh. Shiˇ nah yawˬ gʼaˬ na-ahˇ loꞈ gaˇ, dehꞈ ngeh siˬ duˬ taˬ-eu tsaˬ meh.

Iˇsaˬyaˇ 42:25

Kʼoeˇ miˇ neh aˬ dui-ahˇ aˬ yawꞈ-euˬ nui ma bi mawˇ-awˇ, guiˇ deuˆ-eu jeˬ bi keuˆ le laꞈ-euˬ meh. Aˬ yawꞈ nui pehˇ miˬ dzaˬ doꞈ-eu loꞈ-ehˇ, Iˇsaˬleˬlaˆ miˇ kʼahˬ doꞈ doe-euˬ meh. Kʼoeˇ naˆ ni keuˆ le taˬ-euˬ kʼawꞈ, aˬ dui noeˬ paˇ-eu maˬ baw-a.

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

Yeˬlaˬmiˇ 10:22

Naˇ haˬ sheˇ. Gaˇ kawˆ gaˬ keuˆ le miˇ-a. Laꞈ taˆ paw jaˆ-eu miˇ kʼahˬ tiˬ kʼahˬ-ahˇ, yaw kʼaˆ-ehˇ luiˬ gʼa luꞈ miˇ-a. Aˬ yawꞈ maꞈ-euˬ guiˇ maꞈ deuˬ-aˬ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, bawˇ tsahˬ aˬ kuiˬ jawˇ zaˇ loꞈ-ehˇ, kʼaˇ shuiꞈ shuiꞈ yaˇ laˆ pyeuꞈ tehꞈ-a.”

Yeˬlaˬmiˇ 10:25

Nawˬ-ahˇ uˬ duˬ maˬ tahˬ-eu tsawˇ jeuˬ deuˬ jawˇ paw, nawˬ-ahˇ byehˇ dzeh-euˬ tsawˇ haˬ deuˬ jawˇ paw, nawˬ-euˬ nui pehˇ sheu pyawˇ nehˬ-awˬ. Aˬ yawꞈ maꞈ nawˬ-euˬ tsawˇ haˬ deuˬ-ahˇ sehꞈ-euˬ meh. Aˬ yawꞈ maꞈ nga maꞈ-ahˇ laˆ byoˆ laˆ laˆ yaꞈ-awˇ, nga maꞈ miˇ kʼahˬ laˆ cawˆ-awˇ byehˇ dzeh yaꞈ-euˬ meh.

Yeˬlaˬmiˇ 14:2

“Yuˇdaˆ miˇ kʼahˬ tsawˇ ngoeˇ ngoeˇ-awˇ, aˬ yawꞈ-euˬ meuˬ deuˬ shiˇ tsehˆ leˇ luꞈ meh. Aˬ yawꞈ-euˬ tsawˇ haˬ deuˬ shaˬ zahˬ maˬ mˇ coeˇ-ehˇ miˇ tsa yuꞈ-awˇ, Yeˬluˇsaˬlehˬ meuˬ kʼawꞈ caw ba nehˬ laꞈ lehˇ shaˇ luꞈ meh.

Yeˬlaˬmiˇ 19:8

Kʼaˇ iˇ kʼaˇ laˇ tsehˆ-eu deuˬ tsawˬ guˆ-iˇ-awˇ zahˬ leˇ paˬ-ehˇ, meuˬ heu meuˬ kʼoeˇ taˆ guˆ dui dui laˇ paˬ-ehˇ gʼeh-eu luˬ-iˇ seˇ-iˇ-eu jeˬ ngaˇ bi keuˆ le ma.

Yeˬlaˬmiˇ 23:10

Sahˬpaˬ Miˬyehˇ-ahˇ saˇ jaˇ maˬ ziꞈ-eu tsawˇ haˬ, miˇ kʼahˬ heu kʼahˬ laꞈ kʼoeˇ byah-awˇ, haiˬ-eu jeˬ-ahˇ poˆ-awˇ dehꞈ-eu laꞈ kʼoeˇ, aˬ yawꞈ maꞈ-euˬ baoˬ-ahˇ yehˬ bawˬ-ehˇ zmˬ-eu meh. Sahˬpaˬ Miˬyehˇ yaˬ kʼehˇ yaˬ-euˬ miˇ neh,. miˇ tsaˬ tahˬ kʼawˇ tsawˇ ngoeˇ ngoeˇ-awˇ, jeˬ zaˬ gaˆ kʼahˬ nyoeˬ-iˇ koˆ-iˇ-eu meh.

Yeˬlaˬmiˇ 25:11

Miˇ kʼahˬ heu kʼahˬ kʼahˬ lah ni cawˆ-iˇ jiˇ-awˇ, tsawˬ guˆ-iˇ paˬ-ehˇ jaˆ tehꞈ-a. Dawˬ peh jaˆ-eu miˇ kʼahˬ deuˬ, Baˬbuˇloˬ sahˬ paˬ-euˬ zaˬ kʼaˆ shiꞈ tseˇ kʼoꞈ ya geuꞈ tehꞈ-a.

Yeˬlaˬmiˇ 4:20

Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

Yeˬlaˬmiˇ 4:27

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ tsaˬ tahˬ kʼawˇ heu-ahˇ ngaˇ laˆ byoˆ nehˬ gaˇ maˬ keuˆ kʼawꞈ, bawˇ tsahˬ bawˇ dahˇ ya pyeuꞈ-iˇ jiˇ tehꞈ-a.”

Yeˬlaˬmiˇ 4:28

Miˇ tsaˬ tahˬ kʼawˇ tsawˇ ngoeˇ ngoeˇ-awˇ, mˬ naˆ-iˇ tehꞈ-a. Sahˬpaˬ Miˬyehˇ ehˇ tsehˆ-euˬ jeˬ, laˆ poˆ laˆ paˇ maˬ mˇ nya-a. Aˬ yawꞈ neh ya noeˬ tsehˆ-euˬ jeˬ, maˬ paˇ sheu pyawˆ nya meh.

Yeˬlaˬmiˇ 6:8

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, shaˬ zahˬ heu naw maꞈ-ahˇ maˬ mehˬ paˇ nehˬ nya naˇ, naw maꞈ-ahˇ ngaˇ byehˇ dzeh yaꞈ-awˇ, naw maꞈ-euˬ meuˬ-ahˇ tsawˇ haˬ maˬ jawˇ ni, kʼaˇ shuiꞈ deh ga bi pyeuꞈ-iˇ ma.”

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Yeˬlaˬmiˇ 9:9

Aˬ yawꞈ maꞈ kʼoeˇ loꞈ-ehˇ dehꞈ doeˇ-eu baˬ da neh, ngaˇ maˬ kʼehˬ ni jawˇ coeˇ nmˇ loˇ. Kʼoeˇ naˆ ni doeˇ-eu tsawˇ jeuˬ-ahˇ, ngaˇ laꞈ poˆ maˬ poˆ ni dzahˬ tehˬ coeˇ nmˇ loˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇlaˆ 1:10

Deh yaˇ deuˬ neˇ leuꞈ ni jaˆ-awˇ, dzaˬ la gʼo cehˇ cawˆ-iˇ jiˇ-awˇ, aˬ gaꞈ baw duˆ koˆ-iˇ jiˇ-awˇ, saˬ loˬ aˇ bawˇ nyoeˬ jiˇ-euˬ gaˇ, miˇ tsaˬ tsawˇ ngoeˇ ngoeˇ luꞈ-eu meh.

Uˬ duˬ 26:32

Naw maꞈ-euˬ miˇ kʼahˬ-ahˇ ngaˇ nui kʼahˇ tiˬ shiˇ laˆ cawˆ-euˬ miˇ neh, naw maꞈ miˇ kʼahˬ-ahˇ deuˆ gʼaˬ-euˬ naw maꞈ-ahˇ muiˇ-eu tsawˇ haˬ deuˬ kʼawꞈ, ya tsawˬ guˆ-iˇ gaˇ keuˆ tehꞈ-a.

Zaˬkaˬliˇ 7:5

“Miˇ kʼahˬ zaˬ deuˬ hawˇ-eu piˇ ma deuˬ-ahˇ heu loꞈ-ehˇ ehˇ nehˬ-awˬ. Dzeuˇ laˇ-euˬ heu shiꞈ tseˇ kʼoꞈ aˇ yamˬ laꞈ kʼoeˇ, ba la ngaˬ siˬ tiˬ siˬ hawˇ-eu shiꞈ siˬ tiˬ siˬ-ahˇ, maˬ dzaˬ-eu zahˇ jahˇ-awˇ tsawˇ ngoeˇ ngoeˇ-euˬ-aˬ, ngaˬ-ahˇ taˬ huiˬ-euˬ jeˬ maˬ ngeuˇ-a.

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Lormav 8:22

Kʼaˇ beh taˬ-euˬ yawˬ jeˬ na luꞈ iˬ nah keuˆ ni shaˬ zahˬ naꞈ-awˇ, zaˬ baw ngeh naˇ-eu miˇ neh mahˇ-eu loꞈ-ehˇ ya mahˇ luꞈ-eu aˬ dui siˬ nya-eu ma.