Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”
Yeˬlaˬmiˇ 12:1 - Akha1 Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta. အခန်းကိုကြည့်ပါ။ |
Yeˬlaˬmiˇ 12:1
44 ပူးပေါင်းရင်းမြစ်များ
Ehˇ kʼawꞈ, kʼoeˇ loꞈ-ehˇ ehˇ-eu tiˬ jeˬ-iˬ gaˇ dahˇ maˬ tsoeˬ-a. Miˇ tsaˬ kʼoeˇ taˆ pyeuꞈ luꞈ gaˇ haw sheˇ. Tiˬ poˆ na, yaw haiˬ deuˬ iˬ baˇ mˇ-eu baˬ da neh, yaw tsaˬ yaw dawˇ tsawˇ haˬ deuˬ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ deuˬ neh mˇ-euˬ muiˬ-eu gaˇ aˇ poeˬ, haiˬ-eu tsawˇ haˬ deuˬ guiˬ lahˬ za-eu meh. Kʼoeˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a lehˇ ngaˇ ehˇ-eu ma.
Kʼoeˇ naˇ ngaˇ heu loꞈ-ehˇ guiˬ lahˬ shaˇ-euˬ ma. “Baoˬ huiˬ-eu Sahˬpaˬ Miˬyehˇ-oˇ, nawˇ dawˇ coe ni yaˇ kʼaˬ daˇ-awˇ, tsawˇ haˬ-euˬ nui ma-ahˇ lawˬ haw-eu meh. Ngaˬ-euˬ dehꞈ jeˬ dehꞈ kawˆ nawˬ-ahˇ a nehˬ taˬ-euˬ miˇ neh, tsawˇ haˬ kʼoeˇ deuˬ-ahˇ nawˇ laꞈ poˆ poˆ kʼoꞈ nehˬ gaˇ, ngaˬ-ahˇ bi mawˇ nehˬ laꞈ.”
Sahˬpaˬ Miˬyehˇ-oˇ, nawˇ-aˬ, aˬ myah luꞈ yaw tsaˬ yaw dawˇ jeˬ tehꞈ-ehˇ mˇ-eu meh. Ehˇ kʼawꞈ, nga maꞈ-aˬ, yawˬ ha-euˬ myaˆ pyawˬ naˇ mehˇ cawˆ-eu jeˬ tehꞈ-ehˇ mˇ-euˬ ma. Yuˇdaˆ miˇ kʼahˬ-ahˇ jawˇ-eu deuˬ maˬ ehˇ, Yeˬluˇsaˬlehˬ meuˬ-ahˇ jawˇ-eu deuˬ maˬ ehˇ, dawˬ peh gaˇ mahˇ jaˆ-eu miˇ kʼahˬ deuˬ-ahˇ nawˬ neh teh byaˆ-awˇ bi jawˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, nawˬ-ahˇ saˇ jaˇ maˬ ziꞈ-eu miˇ neh, aˬ yawꞈ maꞈ kʼoeˇ taˆ shaꞈ dawˇ-eu jeˬ keuˆ le taˬ-euˬ meh.
Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.
ကြော်ငြာတွေ