Yeˬlaˬmiˇ 11:4 - Akha

⁴ Dawˬ ma saˇ jaˇ heu-aˬ, shmˇ baw guiˇ duˬ loꞈ-ehˇ duˇ-eu Iˇjiˇtuˆ miˇ kʼahˬ-ahˇ neh, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˇ sheuˬ doˆ nehˬ ngeh, aˬ poeˬ aˬ bawˇ kʼoeˇ deuˬ nehˬ-ehˇ dzaˬ taˬ-euˬ dawˬ ma saˇ jaˇ ma. Ngaˬ-euˬ ehˇ dawˬ naˇ haˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ ya mˇ meh lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma. Ngaˬ-euˬ ehˇ dawˬ naˇ haˬ geuꞈ naˇ, aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma lehˇ ehˇ nehˬ-euˬ ma.

Yeˬlaˬmiˇ 11:4 ပူးပေါင်းရင်းမြစ်များ

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

1 Sahˬpaˬ 8:51

Aˬ yawꞈ maꞈ-aˬ, shmˇ baw guiˇ-eu baw-ahˇ duˇ-eu Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ nehˬ laꞈ-euˬ nawˬ-euˬ tsawˇ jeuˬ pyeuꞈ-eu meh.

2 Sahˬpaˬ 18:6

Aˬ yawꞈ-aˬ, Sahˬpaˬ Miˬyehˇ-ahˇ saˇ jaˇ ziꞈ-awˇ, Sahˬpaˬ Miˬyehˇ-euˬ ehˇ dawˬ-ahˇ maˬ naˇ haˬ-ehˇ maˬ byehˇ-eu uˬ taꞈ, Sahˬpaˬ Miˬyehˇ neh Moˇseˬ-ahˇ kʼaˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, yaw muiˬ paˬ-ehˇ caw teh-eu meh.

Doˆ-iˇ 20:6

Ehˇ kʼawꞈ, ngaˬ-ahˇ gaˬ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ, aˬ yawꞈ maꞈ-euˬ zaˬ ziˇ aˇ heˇ aˇ muiˇ ziˇ keuˆ ni, ngaˬ-euˬ gʼoeˇ-eu gaˬ-eu jeˬ ngaˇ bi mawˇ ma.

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Iˇsaˬyaˇ 48:10

Pyuˇ-ahˇ miˬ dzaˬ neh lawˬ haw-eu loꞈ-ehˇ, guˆ-eu gaˆ-eu miˬ dzaˬ laꞈ kʼoeˇ, nawˬ-ahˇ ngaˇ lawˬ haw-awˇ, nawˇ gaˇ dahˇ maˬ tsoeˬ-eu laˆ duˬ-euˬ ma.

Yeˬlaˬmiˇ 11:7

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ ngaˇ sheuˬ doˆ nehˬ ngeh, ngaˬ-euˬ ehˇ dawˬ-ahˇ ya naˇ haˬ meh lehˇ ngaˇ ehˇ duˬ nehˬ-awˇ, iˬ nah keuˆ ni ngaˇ kʼoeˇ loꞈ-ehˇ ehˇ luꞈ-eu ma.

Yeˬlaˬmiˇ 24:7

Ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ mawꞈ-eu nui ma aˬ yawꞈ maꞈ-ahˇ ngaˇ biꞈ nehˬ ma. Aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, ngaˇ jawˇ gaˇ gʼoꞈ kʼoꞈ laˇ tehꞈ-a.

Yeˬlaˬmiˇ 26:13

Naw maꞈ-euˬ dehꞈ jeˬ dehꞈ kawˆ hawˇ-eu, naw maꞈ mˇ luꞈ shaˇ luꞈ-eu jeˬ noeˬ paˇ jiˇ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ ya naˇ haˬ geuꞈ meh. Naw maꞈ kʼoeˇ loꞈ-ehˇ jahˇ naˇ, aˬ yawꞈ nui ma noeˬ paˇ-awˇ, naw maꞈ kʼoeˇ taˆ bi keuˆ le ma lehˇ aˬ yawꞈ neh ehˇ taˬ-euˬ jeˬ, maˬ bi keuˆ le ni byehˇ tehꞈ-a.

Yeˬlaˬmiˇ 30:22

Yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ yawꞈ maꞈ-euˬ Miˬyehˇ pyeuꞈ ma.”

Yeˬlaˬmiˇ 32:28

Yeˬluˇsaˬlehˬ meuˬ heu, Baˬbuˇloˬ sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ a nehˬ-awˇ, bi deuˆ gʼaˬ ma.

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yeˬsaˬgeˬlaˇ 11:20

Kʼoeˇ ngeh jawˇ, ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ maꞈ caw teh-awˇ, ngaˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ tehꞈ-a. Aˬ yawꞈ maꞈ ngaˬ-euˬ tsawˇ jeuˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Yeˬsaˬgeˬlaˇ 14:11

Iˇsaˬleˬlaˆ tsawˇ haˬ deuˬ ngaˬ-ahˇ maˬ bi byehˇ dzeh-eu gʼaˇ duˬ maˬ ehˇ, aˬ yawꞈ maꞈ iˬ baˇ mˇ-eu laꞈ kʼoeˇ yawˬ haˇ yawˬ ha maˬ bi laˆ jawꞈ-eu gʼaˇ duˬ maˬ ehˇ, ngaˇ kʼoeˇ loꞈ-ehˇ jahˇ mehˬ nehˬ ma. Aˬ yawꞈ maꞈ ngaˬ-euˬ tsawˇ haˬ ya bi pyeuꞈ-awˇ ngaˇ aˬ yawꞈ maꞈ-euˬ Miˬyehˇ pyeuꞈ-eu meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 36:28

Kʼoeˇ naˇ, ngaˬ neh naw maꞈ-euˬ aˬ poeˬ aˬ bawˇ deuˬ-ahˇ biꞈ taˬ-euˬ miˇ kʼahˬ laꞈ kʼoeˇ naw maꞈ ya jawˇ tehꞈ-a. Naw maꞈ ngaˬ-euˬ tsawˇ haˬ pyeuꞈ-awˇ, ngaˇ naw maꞈ-euˬ Miˬyehˇ pyeuꞈ tehꞈ-a.

Yeˬsaˬgeˬlaˇ 37:23

Nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-euˬ laꞈ kʼoeˇ, maˬ shawˇ-eu tsawˇ haˬ pyeuꞈ-iˇ ni aˬ yawꞈ maꞈ maˬ paˇ dehꞈ-ehˇ, iˬ baˇ baˬ da neh yaw cawˆ jeˬ doˆ laˇ ni maˬ paˇ mˇ-aˇ. Iˬ baˇ mˇ-awˇ ngaˬ-ahˇ byehˇ dzeh-eu dehꞈ jeˬ dehꞈ kawˆ laꞈ kʼoeˇ, aˬ yawꞈ maꞈ-ahˇ ngaˇ bi buˬ-iˇ ma. Aˬ yawꞈ maꞈ-ahˇ ngaˇ bi muiˬ bi shawˇ laˇ ma. Aˬ yawꞈ maꞈ ngaˬ-euˬ tsawˇ haˬ bi pyeuꞈ laˇ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma.

Yeˬsaˬgeˬlaˇ 37:27

Aˬ yawꞈ maꞈ nehˬ-ehˇ ngaˇ jawˇ ma. Ngaˇ aˬ yawꞈ maꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ tehꞈ-a.

Daˬyeˬlaˇ 3:26

Kʼoeˇ naˇ, miˬ dzaˬ tsawˬ bu nymˇ kʼoeˇ nymˇ-euˬ gʼoˆ kʼehˬ-ahˇ Neˬbuˬkaˬneˬzaˬ le daˆ-awˇ, “Dawˬ tawˆ kʼoeˇ taˆ huiˬ-eu Miˬyehˇ-euˬ zaˬ kʼaˆ deuˬ pyeuꞈ-eu, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-oˇ, doˆ laˇ-awˬ” lehˇ guˇ-euˬ meh.

Uˬ duˬ 26:12

Naw maꞈ nehˬ-ehˇ ngaˇ jawˇ-eu laꞈ kʼoeˇ, naw maꞈ-euˬ Miˬyehˇ ngaˇ ya pyeuꞈ-awˇ, naw maꞈ ngaˬ-euˬ tsawˇ haˬ ya pyeuꞈ tehꞈ-a.

Uˬ duˬ 26:3

“Ngaˬ-euˬ zahˇ dawˬ kʼoꞈ dawˬ deuˬ-ahˇ naw maꞈ naˇ haˬ geuꞈ-awˇ yaw dehꞈ dehꞈ naˇ,

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Zaˬkaˬliˇ 6:15

Gaˇ mahˇ kaˬ gaˇ jawˇ-eu tsawˇ haˬ deuˬ laˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ gaˇ caw ba laˇ tehꞈ-a. Uˬ duˬ tahˬ nymˇ nymˇ ma kʼoeˇ tsoˆ muiˬ gʼaˬ ngeh jawˇ, Baoˬ huiˬ-eu Sahˬpaˬ Miˬyehˇ neh, ngaˬ-ahˇ naw maꞈ jawˇ gaˇ pyehˬ gʼeh leꞈ-euˬ nga lehˇ, naw maꞈ ya siˬ duˬ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ naw maꞈ yaw muiˬ paˬ-ehˇ naˇ haˬ-awˇ caw teh naˇ, kʼoeˇ loꞈ-ehˇ pyeuꞈ laˇ tehꞈ-a.

Zaˬkaˬliˇ 8:8

Nahˇ ma doˆ kʼehˬ ga kʼehˬ paw neh aˬ yawꞈ maꞈ-ahˇ ngaˇ sheuˬ kʼoꞈ uiˬ laꞈ-awˇ, Yeˬluˇsaˬlehˬ meuˬ-ahˇ bi jawˇ ma. Aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ-eu laꞈ kʼoeˇ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ neh aˬ yawꞈ maꞈ-ahˇ ngaˇ uˆ lahˇ ma.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

Dawˬmehˬ 11:27

Iˬ nah ngaˇ naw maꞈ-ahˇ biꞈ-eu naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ heu deuˬ-ahˇ naw maꞈ naˇ haˬ geuꞈ naˇ, guiˬ lahˬ za tehꞈ-a.

Dawˬmehˬ 4:20

Ehˇ kʼawꞈ, naw maꞈ-aˬ, shmˇ baw guiˇ-eu baw laꞈ kʼoeˇ neh ka kʼoꞈ doˆ laꞈ-euˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh aˬ yawꞈ neh bi ka kʼoꞈ doˆ laꞈ-euˬ tsawˇ jeuˬ pyeuꞈ-eu meh. Iˬ nah naw maꞈ aˬ yawꞈ-euˬ tsawˇ haˬ pyeuꞈ luꞈ-eu meh. Heu loꞈ-ehˇ bi pyeuꞈ laˇ-eu gʼaˇ duˬ, naw maꞈ-ahˇ aˬ yawꞈ neh sheuˬ doˆ laꞈ-euˬ meh.

Dawˬmehˬ 5:6

“Ngaˇ-aˬ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ-euˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

HeˬByehˇ 5:9

Aˬ yawꞈ laꞈ kʼoeˇ byah laˇ paˬ-ehˇ gʼeh-eu jeˬ bi byah laˇ gʼaˬ jiˇ ngeh, aˬ yawꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ ka kʼoꞈ-eu jeˬ maˬ tsehˆ leˇ ni biꞈ-eu gʼaˬ pyeuꞈ laˇ-euˬ meh.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.