Yeˬlaˬmiˇ 11:21 - Akha

²¹ Aˬnaˬtawˇ meuˬ-ahˇ jawˇ-eu deuˬ ngaˬ-ahˇ bi shiˇ mawꞈ-awˇ, Sahˬpaˬ Miˬyehˇ neh bi ngehˬ bi tmˇ-euˬ jeˬ-ahˇ ngaˇ dzawˇ gaˬ dzawˇ gaˬ-ehˇ cah naˇ, aˬ yawꞈ maꞈ ngaˬ-ahˇ sehꞈ ma lehˇ ehˇ-eu meh.

Yeˬlaˬmiˇ 11:21 ပူးပေါင်းရင်းမြစ်များ

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Yeˬlaˬmiˇ 1:1

Sahˬ boꞈ heu taꞈ-aˬ, Hiˇlaˬkiˇ-euˬ aˬ li Yeˬlaˬmiˇ-euˬ dawˬ boꞈ taˬ-euˬ sahˬ boꞈ tiˬ taꞈ pyeuꞈ-eu meh. Hiˇlaˬkiˇ-aˬ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jawˇ-eu piˇ ma tiˬ gʼaˬ pyeuꞈ-eu meh.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 20:10

“Yawˬ gaˇ na luꞈ guˆ-eu gaˆ-eu jeˬ keuˆ le-euˬ gaˆ kawˆ, Sahˬ paˬ sahˬ ma deuˬ-ahˇ tsaꞈ gaˬ-iˇ kaˇ-euˇ” lehˇ, yawˬ gʼaˬ na luꞈ dawˬ saˆ saˆ kʼoeˬ luꞈ-eu ngaˇ gaˬ-euˬ ma. Ngaˇ gʼoeˇ dui dui-eu cawˬ deuˬ-ahˇ keuˆ ni, ngaˇ coˬ-iˇ gaˇ dawˬ luꞈ-eu meh. “Aˬ dui maꞈ aˬ yawꞈ-ahˇ tsawˇ gahˇ gahˇ-awˇ, aˬ yawꞈ-ahˇ kʼmˇ paꞈ-awˇ laꞈ poˆ poˆ kaˇ-euˇ” lehˇ, aˬ yawꞈ maꞈ ngaˬ-euˬ gaˇ kawˆ ja luꞈ meh.

Yeˬlaˬmiˇ 26:8

Sahˬpaˬ Miˬyehˇ neh ngaˬ-ahˇ kʼaˇ bi ngehˬ kʼaˇ bi tmˇ laꞈ-euˬ jeˬ-ahˇ, ngaˇ ngehˬ gʼaˬ tmˇ gʼaˬ-eu nehˬ-ehˇ, aˬ yawꞈ maꞈ ngaˬ-ahˇ nyehꞈ-awˇ, heu loꞈ-ehˇ guˇ-eu meh.

Yeˬlaˬmiˇ 32:7

“Ngaˬ-euˬ aˬ zawˇ Shaˬlmˬ-euˬ aˬ li Haˬnaˬmeˬlaˇ ngaˇ jawˇ gaˇ laˇ-awˇ, ngaˇ-aˬ, aˬ yawꞈ-ahˇ mehˇ nmˇ peh dzehˬ-eu gʼaˬ pyeuꞈ-eu miˇ neh, aˬ yawꞈ-euˬ deh yaˇ zeuˇ geuꞈ kʼmˬ-eu loꞈ-ehˇ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jaˆ-eu aˬ yawꞈ-euˬ deh yaˇ zeuˇ nehˬ laꞈ lehˇ ehˇ le tehꞈ-a lehˇ ehˇ-eu meh.

Yeˬlaˬmiˇ 34:20

Aˬ yawꞈ maꞈ-ahˇ sehꞈ mawꞈ-euˬ muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ngaˇ a nehˬ-awˇ aˬ yawꞈ maꞈ-euˬ gʼawˇ mawˇ-ahˇ, bawˇ tsahˬ jeˬ zaˬ hawˇ-eu aˇ jiˇ deuˬ neh bi dzaˬ jiˇ ma.

Aˬmoˆ 2:12

Ehˇ kʼawꞈ, Naˬzaˬliˇ tsawˇ haˬ deuˬ jiˇ baˬ dawˇ ni naw maꞈ jahˇ-awˇ, Miˬyehˇ gʼaˇ duˬ ngehˬ dah-eu deuˬ ngaˬ neh bi ngehˬ-euˬ dawˬ maˬ ya ngehˬ ni naw maꞈ laˆ tsoeˬ-euˬ meh.

Miˇkaˬ 7:6

Aˇ yamˬ heu yamˬ-aˬ, aˬ li deuˬ aˬ da-ahˇ yaw zeu maˬ baw-ehˇ, aˬ buˇ deuˬ yawˬ ha-euˬ aˬ ma-ahˇ dawˬ poˆ poˆ-eu uˬ taꞈ, kuiˬ ma deuˬ boeˇ miˬ aˬ ma nehˬ-ehˇ ceh-eu aˇ yamˬ meh. Yawˬ ha-euˬ nymˇ kʼahˬ zaˬ deuˬ yawˬ ha-ahˇ muiˇ-eu aˇ yamˬ meh.

Maꞈtehˬ 10:21

“Mehˇ nmˇ yaw kaˬ tiˬ gʼaˬ tiˇ gʼaˬ bi shiˇ ni ahˬ dzaˬ-awˇ, aˬ da deuˬ kʼawꞈ zaˬ deuˬ-ahˇ kʼoeˇ loꞈ-ehˇ jahˇ nehˬ-eu jeˬ keuˆ le tehꞈ-a. Zaˬ deuˬ yawˬ ha-euˬ aˬ da aˬ ma bi shiˇ-eu jeˬ toˆ tehꞈ-a.

Maꞈtehˬ 21:35

Aˬ gaꞈ yaˇ kmˇ mˇ paˆ paˆ-eu deuˬ neh aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, tiˬ gʼaˬ-ahˇ diˬ-awˇ, tiˬ gʼaˬ-ahˇ sehꞈ-awˇ, tiˬ gʼaˬ-ahˇ kʼaˬ lo neh biˬ-euˬ meh.

Maꞈtehˬ 22:6

Tiˬ paˆ na deuˬ-aˬ, aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, yehˬ bawˬ sehˇ lu-ehˇ jahˇ-awˇ sehꞈ-euˬ meh.

Luˇkaꞈ 4:24

Ngaˇ naw maꞈ-ahˇ dawˇ coe ni ehˇ nehˬ nyaˇ. Miˬyehˇ gʼaˇ duˬ ngehˬ dah-eu tsawˇ haˬ-ahˇ, aˬ yawꞈ-euˬ jawˇ kʼahˬ laꞈ kʼoeˇ aˬ cawˬ maˬ taˬ huiˬ nehˬ-a.