Yeˬlaˬmiˇ 11:20 - Akha

²⁰ Kʼoeˇ naˇ ngaˇ heu loꞈ-ehˇ guiˬ lahˬ shaˇ-euˬ ma. “Baoˬ huiˬ-eu Sahˬpaˬ Miˬyehˇ-oˇ, nawˇ dawˇ coe ni yaˇ kʼaˬ daˇ-awˇ, tsawˇ haˬ-euˬ nui ma-ahˇ lawˬ haw-eu meh. Ngaˬ-euˬ dehꞈ jeˬ dehꞈ kawˆ nawˬ-ahˇ a nehˬ taˬ-euˬ miˇ neh, tsawˇ haˬ kʼoeˇ deuˬ-ahˇ nawˇ laꞈ poˆ poˆ kʼoꞈ nehˬ gaˇ, ngaˬ-ahˇ bi mawˇ nehˬ laꞈ.”

Yeˬlaˬmiˇ 11:20 ပူးပေါင်းရင်းမြစ်များ

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

2 Sahˬpaˬ 19:14

Sahˬ boꞈ kʼoeˇ taꞈ-ahˇ, sahˬ paˬ Heˬsaˬgiˇ gui haw-euˬ meh. Kʼoeˇ naˇ, Uˬ duˬ tahˬ nymˇ nymˇ ma-ahˇ aˬ yawꞈ le-awˇ, Sahˬpaˬ Miˬyehˇ mehˬ shi sahˬ boꞈ kʼoeˇ taꞈ yuˇ taˬ-euˬ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

Yawˇbaˆ 5:8

“Ngaˬ-euˬ gʼawˇ mawˇ nawˇ pyeuꞈ law nmˇ-aˬ, Miˬyehˇ jawˇ paw ciˬ pyawˇ-awˇ gaˇ kawˆ heu aˬ yawꞈ-ahˇ a nehˬ ma.

Jaceuq 139:23

Miˬyehˇ-oˇ, ngaˬ-ahˇ pyehˆ tseˇ-awˇ ngaˬ-euˬ nui ma poˆ duˬ-awˬ. Ngaˬ-ahˇ lawˬ haw-awˇ ngaˬ-euˬ nui noeˬ nui duˇ tseˇ duˬ-awˬ.

Jaceuq 35:2

Guiˇdeuˆ-eu dehˬdaˬduˬyuˇ-awˇ, keu ka baꞈ-awˇka kʼoꞈle-awˬ.

Jaceuq 43:1

Miˬyehˇ-oˇ, miˬyehˇmaˬbaw-eu deuˬmehˬshi, ngaˇiˬbaˇmaˬahˇ-eu gaˇkawˆ, nawˇyaˇkʼaˬdaˇtsehˆnehˬlaꞈ-awˬ. Jaˬmyawꞈmehˇshuiˇyaw haiˬmehˬshi, ngaˬ-ahˇnawˇka kʼoꞈnehˬlaꞈ-awˬ.

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Jaceuq 58:10

Haiˬ-eu tsawˇ haˬ deuˬ-ahˇ kʼehˬ nehˬ kʼaˆ nehˬ gaˇ ya mawˇ ngeh, yaw tsaˬ yaw dawˇ tsawˇ haˬ laˬ kʼaˬ cehˇ-awˇ, haiˬ-eu tsawˇ haˬ deuˬ-euˬ shiˬ laꞈ kʼoeˇ, aˬ kuiˇ tsawˬ puꞈ-awˇ cah tehꞈ-a.

Jaceuq 7:10

Miˬyehˇngaˬ-ahˇ haw piˇ-eu meh. Yawꞈ-euˬ dawˬnaˇ haˬ-eu deuˬ-ahˇ, maˬbyehˇni ka kʼoꞈnehˬ-eu meh.

Jaceuq 7:8

Miˇtsaˬtsawˇhaˬ dawˬtawˆluꞈ-ahˇ, SahˬpaˬMiˬyehˇ yaˇkʼaˬdaˇmeh. Ngaˇtsaˬgaˇdawˇgaˇ nawˇhaw-awˬ, ngaˬ-euˬgʼaˇduˬ yaˇkʼaˬdaˇ-awˬ.

Jaceuq 7:9

Haiˬ-eu deuˬ aˇsaˬbi saˬ-awˇ, tsaˬ-eu deuˬ bi dehꞈtuˇlaˇ-awˬ. Tsaˬ-eu dawˇ-eu Miˬyehˇnawˇ-aˬ, nui ma-ahˇ yaˇkʼaˬdaˇ-eu meh.

Jaceuq 98:9

Aˬ jeˬ miˇ neh ehˇ naˇ, miˇ tsaˬ-ahˇ aˬ yawꞈ uˆ lahˇ le-euˬ meh. Miˇ tsaˬ zaˬ deuˬ-ahˇ dawˇ coe ni aˬ yawꞈ uˆ lahˇ tehꞈ-a.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yeˬlaˬmiˇ 12:3

Ehˇ kʼawꞈ, Sahˬpaˬ Miˬyehˇ nawˇ ngaˬ-ahˇ siˬ nya meh. Ngaˇ mˇ luꞈ-eu gaˇ deuˬ hawˇ-eu, ngaˇ nawˬ-ahˇ gaˬ-eu jeˬ nawˇ siˬ nya meh. Sehꞈ dzaˬ-eu lehˇ bi tsahˇ doˆ-euˬ yawˇ deuˬ loꞈ-ehˇ, haiˬ-eu tsawˇ haˬ heu deuˬ-ahˇ nawˇ gʼeu doˆ gʼeh-awˇ, sehꞈ-eu aˇ nah gʼaˇ duˬ tseˇ doˆ taˬ-awˬ.

Yeˬlaˬmiˇ 15:15

Kʼoeˇ ngeh, ngaˇ heu loꞈ-ehˇ ehˇ-euˬ ma. “Sahˬpaˬ Miˬyehˇ-oˇ, nawˇ siˬ nya luꞈ meh. Ngaˬ-ahˇ noeˬ keuˆ-awˇ caw ba nehˬ laꞈ-awˬ. Ngaˬ-ahˇ kʼehˬ nehˬ kʼaˆ nehˬ laꞈ-euˬ tsawˇ haˬ deuˬ kʼoeˇ taˆ, laꞈ poˆ bi poˆ kʼoꞈ nehˬ laꞈ-awˬ. Ngaˬ-ahˇ bi sehꞈ laˇ gaˇ keuˆ ni, aˬ yawꞈ maꞈ-ahˇ nawˇ taˬ oˇ oꞈ nehˬ. Nawˬ-euˬ gʼaˇ duˬ ngaˇ dawˬ doeˇ ya daˬ luꞈ gaˇ taˬ ngehˇ nehˬ laꞈ.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Yeˬlaˬmiˇ 17:18

Ngaˬ-ahˇ kʼehˬ-eu tsawˇ haˬ deuˬ kʼoeˇ taˆ shaꞈ dawˇ-eu jeˬ bi keuˆ le-awˬ. Ehˇ kʼawꞈ, ngaˬ-ahˇ daˬ taˬ bi ga laꞈ. Aˬ yawꞈ maꞈ-ahˇ laˆ guˆ nehˬ-awˬ. Ehˇ kʼawꞈ, ngaˬ-euˬ kʼoeˇ taˆ guˆ-eu jeˬ taˬ bi keuˆ le laꞈ. Aˬ yawꞈ-euˬ kʼoeˇ taˆ shaˬ zahˬ guˆ gaˆ bi keuˆ le-awˇ, laˆ piˬ laˆ byoˆ nehˬ-awˬ.

Yeˬlaˬmiˇ 20:12

Ehˇ kʼawꞈ, Baoˬ huiˬ-eu Sahˬpaˬ Miˬyehˇ-oˇ, tsawˇ haˬ-ahˇ nawˇ dawˇ coe ni lawˬ haw-awˇ, nui noeˬ nui duˇ dawˬ tawˆ nawˇ siˬ nya jiˇ-eu meh. Kʼoeˇ baˬ da neh ngaˬ-euˬ gaˇ kawˆ, nawˬ-ahˇ daˬ keuˆ laˇ-euˬ loꞈ-ehˇ, muiˇ-eu deuˬ-ahˇ nawˇ laꞈ poˆ poˆ nehˬ-eu, ngaˬ-ahˇ bi mawˇ laꞈ-awˬ.

Ngoeˇ dawˬ 3:58

“Sahˬpaˬ Miˬyehˇ nawˇ oe keuˆ-awˇ, ngaˬ-ahˇ ka kʼoꞈ nehˬ le-euˬ meh.

Ngoeˇ dawˬ 3:59

Ngaˬ-ahˇ jahˇ coeˬ nehˬ laꞈ-euˬ gaˇ, Sahˬpaˬ Miˬyehˇ nawˇ mawˇ-euˬ meh. Ngaˬ-euˬ gʼaˇ duˬ yaˇ kʼaˬ daˇ-awˬ.

Ngoeˇ dawˬ 3:64

“Yawꞈ maꞈ yaw doeˇ jahˇ-euˬ miˇ neh, Sahˬpaˬ Miˬyehˇ nawˇ kʼehˬ nehˬ-awˬ.

Yeˬsaˬgeˬlaˇ 11:5

Kʼoeˇ naˇ, Sahˬpaˬ Miˬyehˇ yaw sahˇ ngaˬ-euˬ kʼoeˇ taˆ keuˆ le-awˇ, heu loꞈ-ehˇ ngehˬ dah-awˬ lehˇ, Sahˬpaˬ Miˬyehˇ ngaˬ-ahˇ ehˇ-eu meh. “Iˇsaˬleˬlaˆ tsawˇ haˬ deuˬ-oˇ, naw maꞈ ngehˬ luꞈ tmˇ luꞈ-eu gaˇ kawˆ hawˇ-eu, naw maꞈ mˇ-eu shaˇ-eu lehˇ gʼeh-eu gaˇ kawˆ ngaˇ siˬ nya jiˇ ma.

Gʼaˬkʼehˇ 17:31

Aˬ jeˬ miˇ neh ehˇ naˇ, aˬ yawꞈ neh tseˇ doˆ-euˬ tsawˇ haˬ-ahˇ gʼoe-awˇ, miˇ tsaˬ heu dawˬ tawˆ luꞈ-ahˇ yaw tsaˬ yaw dawˇ jeˬ neh yaˇ kʼaˬ daˇ-eu gʼaˇ duˬ, Miˬyehˇ neh toꞈ taˬ-euˬ aˇ nah tiˬ nah jaˆ meh. Tsawˇ haˬ kʼoeˇ gʼaˬ-ahˇ shiˇ-euˬ gaˇ paˇ bi gʼoꞈ dehꞈ laˇ-eu laꞈ kʼoeˇ, aˬ yawꞈ neh kʼoeˇ loꞈ-ehˇ lehˬ hmˬ taˬ-euˬ jaˆ-eu gaˇ kawˆ, tsawˇ haˬ dawˬ tawˆ luꞈ-ahˇ bi siˬ duˬ-euˬ meh.”

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.

2 Tiˆmoˇseˬ 4:14

Ba jiˬ geuꞈ-eu Aˬleˬsaˬduˇ kʼoeˇ gʼaˬ ngaˬ-ahˇ yaw kʼaˆ-ehˇ jahˇ doeˇ nehˬ laꞈ-euˬ meh. Aˬ yawꞈ neh kʼaˇ jahˇ nehˬ laꞈ-euˬ loꞈ-ehˇ, Sahˬpaˬ Yeˬsuˇ aˬ yawꞈ-ahˇ jahˇ kʼoꞈ nehˬ tehꞈ-a.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

1 Saˬmeuˬlaˆ 16:7

Ehˇ kʼawꞈ, aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ aˇ gahˬ aˇ goˇ muiˬ-awˇ aˇ gʼehˇ muiˬ gaˇ taˬ haw. Aˬ yawꞈ-ahˇ ngaˇ tseˇ doˆ-euˬ maˬ ngeuˇ. Aˬ jeˬ miˇ neh ehˇ naˇ, tsawˇ haˬ zaˬ haw mawˇ-eu hawˇ-eu ngaˇ haw mawˇ-eu maˬ duˇ leˇ-a. Tsawˇ haˬ zaˬ-aˬ, laꞈ nyiˇ aˇ gʼehˇ-ahˇ tehꞈ-ehˇ haw-eu meh. Ehˇ kʼawꞈ, ngaˇ-aˬ nui ma-ahˇ haw-eu ma.”

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”