Yeˬlaˬmiˇ 10:8 - Akha

⁸ Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 10:8 ပူးပေါင်းရင်းမြစ်များ

Jaceuq 115:8

Miˬyehˇ kʼoeˇ deuˬ-ahˇ tehˆ-awˇ jah-eu deuˬ, yawˬ ha neh tehˆ-euˬ tahˬ pahˬ aˬ ma mawˇ kawˇ loꞈ-ehˇ pyeuꞈ-iˇ luꞈ-uˇ.

Jaceuq 135:18

Miˬ yehˇ kʼoeˇ deuˬ-ahˇ tehˆ-awˇ kʼaˇ jah-eu deuˬ dawˬ tawˆ luꞈ, yawˬ ha neh tehˆ-euˬ tahˬ pahˬ aˬ ma mawˇ kawˇ loꞈ-ehˇ pyeuꞈ jiˇ luꞈ-uˇ.

Iˇsaˬyaˇ 41:29

Miˬ yehˇ heu deuˬ tiˬ gʼaˬ-iˬ gaˇ dahˇ maˬ tsoeˬ-a. Aˬ yawꞈ maꞈ tiˬ jeˬ-iˬ maˬ mˇ nya-a. Tahˬ pahˬ aˬ ma mawˇ kawˇ heu deuˬ yawˬ ngehꞈ pyeuꞈ-awˇ, baoˬ tiˬ pawꞈ-iˬ maˬ ahˇ-a.”

Iˇsaˬyaˇ 44:18

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ dzawˬ dzawˬ dui dui-awˇ, yawˬ ha aˬ jeˬ mˇ luꞈ-eu gaˇ kawˆ yawˬ ha maˬ siˬ nya-a. Aˬ yawꞈ maꞈ myaˆ nuiˆ miˆ tehˬ-awˇ, nui ma piˬ tehˬ taˬ-euˬ miˇ neh, yaw tsaˬ yaw dawˇ jeˬ-ahˇ maˬ siˬ nya-a.

Iˇsaˬyaˇ 44:19

Tahˬ pahˬ aˬ ma mawˇ kawˇ jahˇ-eu tsawˇ haˬ deuˬ heu loꞈ-ehˇ tiˬ jawˇ-iˬ maˬ ehˇ-a. “Daˇ kawˬ tiˬ tm-ahˇ miˬ dzaˬ doꞈ-awˇ, miˬ jiˆ kʼoeˇ taˆ hawˬ tahˬ puiˆ dzaˬ-awˇ, shaˬ jiˇ tehˬ ba dzaˬ-euˬ ma. Kʼoeˇ naˇ, daˇ kawˬ tiˬ tm-ahˇ tahˬ pahˬ aˬ ma mawˇ kawˇ pyaꞈ-euˬ ma. Nymˬ-mˇ ngaˇ daˇ kawˬ diˬ tm-ahˇ uˬ duˬ tahˬ luꞈ-eu ma” lehˇ tiˬ jawˇ-iˬ maˬ ehˇ-a.

Yeˬlaˬmiˇ 10:14

Kʼoeˇ gaˇ mawˇ ngeh tsawˇ haˬ yawˬ gʼaˬ na luꞈ, yawˬ ha aˬ dzawˬ aˇ gah nya lehˇ siˬ duˬ-euˬ meh. Tahˬ pahˬ aˬ ma mawˇ kawˇ tehˆ-eu tsawˇ haˬ daˬ ga-eu meh. Aˬ jeˬ miˇ neh ehˇ naˇ aˬ yawꞈ maꞈ neh tehˆ-euˬ miˬ yehˇ, miˬ yehˇ maˬ ngeuˇ-ehˇ saꞈ maˬ gʼawˇ nya-a.

Yeˬlaˬmiˇ 2:27

Aˇ bawˇ-ahˇ aˬ da shaˇ kuˇ-awˇ, kʼaˬ lo-ahˇ aˬ ma shaˇ kuˇ-eu naw maꞈ, ngaˬ-ahˇ naˇ kʼah ciˬ pyawˇ nehˬ yaꞈ-euˬ baˬ da neh, daˬ ga-awˇ ya shaꞈ dawˇ tehꞈ-a. Ehˇ kʼawꞈ, shaˬ-eu zahˬ-eu jeˬ-ahˇ naw maꞈ ya tahˬ puˬ ngeh, ka kʼoꞈ nehˬ laꞈ lehˇ ngaˬ-ahˇ shaˇ-eu meh.

Yeˬlaˬmiˇ 3:9

Aˬ yawꞈ shaꞈ dawˇ-eu nui ma tiˬ pawꞈ-iˬ maˬ ahˇ ni, kʼaˬ lo hawˇ-eu daˇ kawˬ-ahˇ uˬ duˬ tahˬ-eu laꞈ kʼoeˇ, aˬ cawˬ nehˬ-ehˇ dehꞈ bahˬ-euˬ meh.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Yeˬlaˬmiˇ 5:4

Kʼoeˇ naˇ ngaˇ heu loꞈ-ehˇ shaˇ noeˬ-euˬ ma. “Tsawˇ haˬ heu deuˬ iˇ shaˬ dawˇ ga tehꞈ meh. Aˬ yawꞈ maꞈ aˬ dzawˬ aˇ gah gah-eu meh. Miˬyehˇ-euˬ zahˇ sahˇ kʼoꞈ hawˇ-eu, aˬ yawꞈ-euˬ nui kʼahˇ-ahˇ maˬ siˬ nya-a.

Hawˇseˬ 4:12

Daˇ kawˬ aˇ bawˇ ka tuˇ taˬ gaˇ, kʼaˇ ngeuˇ-eu jeˬ naˇ haˬ leˇ-awˇ, yawꞈ maꞈ kʼaˇ siˬ nya mawꞈ-eu jeˬ, daˇ kawˬ neh bi ehˇ nehˬ-eu meh. Kʼaˬ dzeˇ zaˬ-ahˇ byehˇ dzeh yaꞈ-awˇ, meh maˬ laˇ geuꞈ-iˇ-euˬ loꞈ-ehˇ, yawꞈ maꞈ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ jah-euˬ meh.

Yawˇnaˆ 2:8

Poeˬ maˬ baw-eu mˇ myawˬ pyeuꞈ-eu, tahˬ pahˬ aˬ ma mawˇ kawˇ deuˬ-ahˇ, uˬ duˬ tahˬ-eu tsawˇ haˬ kʼoeˇ deuˬ, nawˬ-ahˇ saˇ jaˇ puiˬ jiˇ-euˬ meh.

Haˬbaˬkuˆ 2:18

Tsawˇ haˬ-euˬ aˬ laꞈ neh tehˆ-euˬ, tahˬ pahˬ aˬ ma aˬ jeˬ tsoeˬ ta. Jaˬ myawꞈ myawꞈ-eu mawˇ kawˇ kʼoeˇ deuˬ, gaˇ dahˇ tsoeˬ-eu aˬ gaˇ jaˆ ta. Yawˬ ha neh pyaꞈ doˆ tehˆ doˆ-euˬ, dawˬ maˬ ngehˬ nya-eu mawˇ kawˇ-ahˇ, yawˬ ha uˬ duˬ paˇ tahˬ-eu nga.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.