Yeˬlaˬmiˇ 10:3 - Akha

³ Tsawˇ jeuˬ kʼoeˇ deuˬ-euˬ uˬ duˬ tahˬ-eu zahˇ sahˇ kʼoꞈ, tiˬ jeˬ-iˬ gaˇ dahˇ maˬ tsoeˬ-a. Sahˬ kʼaˆ laꞈ kʼoeˇ dehꞈ-eu aˇ bawˇ tuˇ-awˇ, tawˆ zaˬ tawˆ jeˇ neh pyaꞈ doˆ seuˆ doˆ-awˇ,

Yeˬlaˬmiˇ 10:3 ပူးပေါင်းရင်းမြစ်များ

Jaceuq 115:4

Aˬ yawꞈ maꞈ-euˬ miˬ yehˇ deuˬ pyuˇ hawˇ-eu shuiˇ neh jahˇ-awˇ, tsawˇ haˬ neh tehˆ-euˬ mawˇ kawˇ meh.

Iˇsaˬyaˇ 45:20

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ-oˇ, tiˬ kawˆ loꞈ-ehˇ uiˬ laˇ jiˇ-awˬ. Miˇ kʼahˬ byaˆ-iˇ gaˇ cehˆ buˬ-euˬ tsawˇ haˬ dawˬ tawˆ, laˇ-awˇ bi pyehˆ tseˇ duˬ laˇ sheˇ. Daˇ kawˬ jahˇ-euˬ tahˬ pahˬ aˬ ma mawˇ kawˇ-ahˇ cehˇ gʼa-awˇ, maˬ ka kʼoꞈ nehˬ nya-eu miˬ yehˇ deuˬ-ahˇ guiˬ lahˬ shaˇ-eu, tsawˇ haˬ kʼoeˇ deuˬ dawˇ ga tehꞈ meh.

Yeˬlaˬmiˇ 1:16

Ngaˬ-euˬ tsawˇ jeuˬ iˬ baˇ mˇ-euˬ miˇ neh ngaˇ kʼehˬ nehˬ ma. Aˬ yawꞈ maꞈ ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ tehˆ-awˇ lawˇ-eu shehˇ-eu laꞈ kʼoeˇ uˬ duˬ tahˬ-euˬ meh.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Uˬ duˬ 18:30

Kʼoeˇ naˇ, Sahˬpaˬ Miˬyehˇ ehˇ-eu, “Ngaˬ neh biꞈ taˬ-euˬ dawˬ deuˬ-ahˇ naw maꞈ caw teh-awˬ. Naw maꞈ-euˬ mehˬ hu, miˇ kʼahˬ kʼoeˇ kʼahˬ laꞈ kʼoeˇ jawˇ luꞈ-eu tsawˇ haˬ kʼoeˇ deuˬ loꞈ-ehˇ taˬ gʼeh. Yawˬ haˇ yawˬ ha maˬ shawˇ-eu tsawˇ haˬ bi pyeuꞈ laˇ ni, gaˇ kʼoeˇ deuˬ naw maꞈ taˬ mˇ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.”

Maꞈtehˬ 6:7

“Naw maꞈ guiˬ lahˬ shaˇ ngeh, lawˇ ciꞈ zaˬ deuˬ guiˬ lahˬ shaˇ-eu loꞈ-ehˇ, gaˇ dahˇ maˬ tsoeˬ-eu dawˬ gʼawˬ mya ni taˬ ngehˬ. Aˬ yawꞈ maꞈ guiˬ lahˬ gʼawˬ myahˇ ni shaˇ-eu baˬ da neh, Miˬyehˇ-ahˇ gaˬ leˇ tehꞈ-a lehˇ noeˬ-eu meh.

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

1 Beˬtuˆluˆ 1:18

Aˬ jeˬ miˇ neh ehˇ naˇ, naw maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh dehꞈ ka leꞈ-euˬ poeˬ sawˇ lawˬ maˬ baw-eu yaw dehꞈ dehꞈ-eu jeˬ laꞈ kʼoeˇ naw maꞈ-ahˇ bi buˬ bi law-iˇ-eu gʼaˇ duˬ, aˬ geu jeˬ aˇ poeˬ biꞈ-awˇ zeuˇ kʼoꞈ taˬ-euˬ naw maꞈ siˬ nya meh. Pyuˇ hawˇ-eu shuiˇ loꞈ-ehˇ gʼeh-eu piˬ-iˇ byoˆ-iˇ nya-eu jeˬ biꞈ-awˇ zeuˇ kʼoꞈ taˬ-euˬ maˬ ngeuˇ-a.