Yeˬlaˬmiˇ 10:20 - Akha

²⁰ Nga maꞈ-euˬ sehˬ gʼawˆ deuˬ coˬ pyaˆ jiˇ-awˇ, aˇ neˬ aˇ caˆ deuˬ tsehˆ-iˇ jiˇ-euˬ meh. Nga maꞈ-euˬ zaˬ iˇ byoˆ jiˇ-awˇ, sehˬ gʼawˆ paˇ ciˬ tuˇ-eu tsawˇ haˬ maˬ paˇ jawˇ-ehˇ, saˬ paˇ lawˆ kaˬ sheu taw-eu gʼaˬ maˬ paˇ jawˇ meh.”

Yeˬlaˬmiˇ 10:20 ပူးပေါင်းရင်းမြစ်များ

Yawˇbaˆ 7:8

Nymˬ-mˇ nawˇ ngaˬ-ahˇ mawˇ luꞈ kʼawꞈ, aˬ kaˇ tiˬ jawˇ-iˬ maˬ paˇ ya mawˇ-aˇ. Nawˇ ngaˬ-ahˇ poˆ le ngeh, ngaˇ maˬ paˇ jawˇ-aˇ.

Dawqdaq 12:7

Haiˬ-eu tsawˇ haˬ-euˬ tsuiꞈ dahˬ-iˇ-awˇ, yaw tsaˬ yaw dawˇ deuˬ zaˬ oeˬ sahˇ le tehꞈ-a.

Iˇsaˬyaˇ 51:16

Mˬ toˆ pyeh-awˇ miˇ tsaˬ dawˬ pehˬ pehˬ-euˬ ngaˇ ma. Yeˬluˇsaˬlehˬ meuˬ-ahˇ heu loꞈ-ehˇ ehˇ nehˬ-euˬ gʼaˬ ngaˇ ma. ‘Nawˇ ngaˬ-eu tsawˇ haˬ ma. Nawˬ-ahˇ mehˬ nehˬ tsoˆ nehˬ-euˬ gʼaˬ ngaˇ ma. Ngaˬ-euˬ aˬ laꞈ nawˬ-ahˇ haw piˇ-euˬ ma.’ ”

Iˇsaˬyaˇ 51:18

Nawˬ-ahˇ sheuˬ hehˇ nehˬ-eu tiˬ gʼaˬ-iˬ maˬ jawˇ-a. Nawˬ-euˬ tsawˇ haˬ heu myaˆ gʼeh-eu laꞈ kʼoeˇ, nawˬ-euˬ aˬ laꞈ-ahˇ tsahˇ nehˬ-eu tiˬ gʼaˬ-iˬ maˬ jawˇ-a.

Iˇsaˬyaˇ 54:2

Nawˇ jawˇ-eu sehˬ gʼawˆ tsoˆ jeˇ-awˬ. Sehˬ gʼawˆ aˇ caˆ paˇ laˆ mahˇ-awˇ, sehˬ gʼawˆ daˇ taꞈ paˇ taꞈ ziꞈ-awˬ.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:15

Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”

Yeˬlaˬmiˇ 4:20

Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

Ngoeˇ dawˬ 1:5

Iˬ baˇ mˇ dui dui-euˬ miˇ neh, Sahˬpaˬ Miˬyehˇ yawꞈ-ahˇ kʼehˬ-awˇ, muiˇ-eu deuˬ gʼaˬ bi kʼaˆ laˇ-awˇ, yawꞈ-euˬ kʼoeˇ taˆ bi dzoeˬ-euˬ meh. Yawꞈ-euˬ aˬ buˇ aˬ li deuˬ-ahˇ, muiˇ-eu deuˬ nyehꞈ byoˆ gʼeh-euˬ meh.

Miˇkaˬ 2:9

Ngaˬ-euˬ tsawˇ jeuˬ zaˬ miˬ zaˬ deuˬ-ahˇ aˬ yawꞈ maꞈ gaˬ-eu nymˇ jiˇ laꞈ kʼoeˇ neh naw maꞈ teh dzeh-awˇ, ngaˬ neh aˬ yawꞈ maꞈ-ahˇ laꞈ sawˬ biꞈ taˬ-euˬ aˬ buˇ aˬ li deuˬ-ahˇ naw maꞈ maˬ shiˇ tiˬ ziˇ tahˇ joe joe-euˬ meh.