Yeˬlaˬmiˇ 10:16 - Akha

¹⁶ Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 10:16 ပူးပေါင်းရင်းမြစ်များ

Jaceuq 119:57

Sahˬpaˬ Miˬyehˇ-oˇ, nawˬ-ahˇ ngaˇ mawꞈ-eu ma. Nawˬ-euˬ zahˇ dawˬ kʼoꞈ dawˬ-ahˇ naˇ haˬ geuꞈ ma lehˇ, ngaˇ saˇ jaˇ dzaˬ-eu ma.

Jaceuq 135:4

Aˬ yawꞈ-euˬ tsawˇ haˬ bi geuꞈ-eu gʼaˇ duˬ Yaˬkoˆ-ahˇ tseˇ doˆ-awˇ, aˬ yawꞈ-euˬ tsawˇ jeuˬ bi geuꞈ-eu gʼaˇ duˬ Iˇsaˬleˬlaˆ-ahˇ aˬ yawꞈ tseˇ doˆ-euˬ meh.

Jaceuq 142:5

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ guˇ-eu ma. Nawˇ-aˬ, ngaˬ-euˬ gʼoe duˬ ma. Ngaˬ-euˬ tiˬ ziˇ loˬ dui dui-eu jeˬ-aˬ, nawˇ ma.

Jaceuq 33:6

SahˬpaˬMiˬyehˇdawˬbiꞈnehˬ-awˇ, mˬdawˬtawˆ-ahˇbeh taˬ-euˬmeh. Mˬtaˆ aˬguiˇ ba la nahˇma, aˬyawꞈ-euˬsaꞈneh beh-euˬmeh.

Jaceuq 73:26

Ngaˬ-euˬ nui ma gʼawˇ mawˇ gʼaˬ baˬ-iˇ kʼawꞈ, Miˬyehˇ ngaˬ-euˬ gʼaˬ pyeuꞈ-eu ma. Aˬ yawꞈ-ahˇ za naˇ dawˬ tawˆ luꞈ byah jiˇ-eu ma.

Jaceuq 74:2

Nawˬ-euˬ tsawˇ jeuˬ-ahˇ nawˇ noeˬ keuˆ nehˬ laꞈ-awˬ. Nawˬ-euˬ tsawˇ jeuˬ bi geuꞈ-eu lehˇ aˬ cawˬ zaˬ kʼaˆ geuꞈ luꞈ gaˇ sheuˬ doˆ laꞈ-euˬ, aˇ hu ba neh nawˬ neh tseˇ doˆ-euˬ tsawˇ jeuˬ-ahˇ noeˬ keuˆ nehˬ laꞈ-awˬ. Aˇ hu ba nawˬ neh jawˇ-euˬ jawˇ duˬ pyeuꞈ-eu, Ziˇoˬ gawˬ jawˬ-ahˇ noeˬ keuˆ nehˬ laꞈ-awˬ.

Doˆ-iˇ 19:5

Nymˬ-mˇ naw maꞈ ngaˬ-euˬ ehˇ dawˬ naˇ haˬ-awˇ, ngaˬ-euˬ dawˬ ma saˇ jaˇ laꞈ kʼoeˇ ziꞈ naˇ, naw maꞈ ngaˬ-euˬ tsawˇ haˬ pyeuꞈ tehꞈ-a. Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, ngaˬ-euˬ tsawˇ haˬ deuˬ pyeuꞈ-eu ma.

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

Dawqdaq 16:4

Yawˬ jeˬ na luꞈ Sahˬpaˬ Miˬyehˇ neh noeˬ tmˬ duˬ beh ahˇ taˬ-awˇ, yaw haiˬ deuˬ-euˬ noeˬ tmˬ duˬ-aˬ, luˬ-iˇ seˇ-iˇ-eu jeˬ meh.

Iˇsaˬyaˇ 19:25

Aˬ yawꞈ maꞈ-ahˇ Sahˬpaˬ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ tehꞈ-a. “Ngaˬ-euˬ tsawˇ haˬ Iˇjiˇtuˆ tsawˇ jeuˬ, ngaˬ neh beh-euˬ Aˬshuˇliˆ tsawˇ jeuˬ hawˇ-eu, ngaˬ neh tseˇ doˆ-euˬ Iˇsaˬleˬlaˆ tsawˇ jeuˬ-ahˇ ngaˇ guiˬ lahˬ biꞈ-eu ma.”

Iˇsaˬyaˇ 45:7

Yaw shehꞈ hawˇ-eu yaw zahˇ nyiˬ jeˬ luꞈ-ahˇ, ngaˬ neh beh taˬ-euˬ ma. Lahˬ hawˇ-eu dawˇ nyiˬ jeˬ luꞈ-ahˇ, ngaˇ bi keuˆ le-eu ma. Sahˬpaˬ Miˬyehˇ pyeuꞈ-eu ngaˇ-aˬ, heu dawˬ tawˆ luꞈ mˇ jiˇ-eu yaw sahˇ ma.

Iˇsaˬyaˇ 47:4

Baoˬ huiˬ-eu Sahˬpaˬ Miˬyehˇ lehˇ myahˇ-euˬ, nga maꞈ-ahˇ ka kʼoꞈ-euˬ gʼaˬ-aˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ meh.

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Iˇsaˬyaˇ 51:15

“Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Iˬ ma laˆ shaˆ-ahˇ ngawˬ nyeh-awˇ iˇ luˆ bi dzeh-euˬ gʼaˬ ngaˇ ma. Ngaˬ-euˬ tsawˇ myahˇ Baoˬ huiˬ-eu Sahˬpaˬ Miˬyehˇ ma.

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Yeˬlaˬmiˇ 10:12

Sahˬpaˬ Miˬyehˇ baoˬ-ahˇ gʼoe-awˇ, miˇ beh beh taˬ-euˬ meh. Aˬ yawꞈ-euˬ zaˬ siˬ nui gahˇ-ahˇ gʼoe-awˇ, miˇ maˬ sheu kʼawˬ-awˇ mˬ maˬ toˆ pyeh-euˬ meh.

Yeˬlaˬmiˇ 10:6

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ-aˬ, baoˬ huiˬ-eu meh. Nawˬ-euˬ tsawˇ myahˇ baoˬ yaw shehꞈ kʼahˬ sehˇ huiˬ-eu meh.

Yeˬlaˬmiˇ 31:35

Nah gʼahˇ paw bi bya-eu gʼaˇ duˬ, Sahˬpaˬ Miˬyehˇ nahˇ ma biꞈ-awˇ, uˬ ciꞈ paw bi bya-eu gʼaˇ duˬ, ba la hawˇ-eu aˬ guiˇ biꞈ taˬ-euˬ meh. Iˬ ma laˆ shaˆ-ahˇ aˬ yawꞈ sheu nyeh-awˇ, iˇ luˆ dzeh-awˇ bi mahˇ-euˬ meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 32:18

Tsawˇ haˬ aˇ heˇ aˇ muiˇ gʼaˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ maˬ tsehˆ leˇ ni nawˇ bi mawˇ-euˬ meh. Ehˇ kʼawꞈ, aˬ ma aˬ da deuˬ neh mˇ-euˬ iˬ baˇ baˬ da neh, zaˬ ziˇ-ahˇ keuˆ ni nawˇ kʼehˬ nehˬ kʼaˆ nehˬ-euˬ meh. Nawˇ-aˬ, baoˬ huiˬ dui dui-eu Miˬyehˇ meh. Nawˇ-aˬ, baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 33:2

Miˇ tsaˬ tahˬ kʼawˇ-ahˇ beh-euˬ Sahˬpaˬ Miˬyehˇ, miˇ tsaˬ pyawˬ naˬ sawˆ di-eu Sahˬpaˬ Miˬyehˇ, ngaˬ-ahˇ dawˬ ngehˬ cawˬ le-euˬ meh. Sahˬpaˬ Miˬyehˇ lehˇ myahˇ-euˬ gʼaˬ ngaˬ-ahˇ ehˇ nehˬ laꞈ-euˬ-aˬ, heu loꞈ-ehˇ meh.

Yeˬlaˬmiˇ 46:18

Ngaˇ, Baoˬ huiˬ-eu Sahˬpaˬ Miˬyehˇ-aˬ, dzoeˬ dzaˬ sahˬ paˬ pyeuꞈ-awˇ, dehꞈ luꞈ-eu Miˬyehˇ ma. Gawˬ jawˬ dawˬ tawˆ kʼoeˇ taˆ Taˬbawˬ gawˬ jawˬ goˇ-eu loꞈ-ehˇ, laˆ shaˆ kʼoeˇ taˆ Kaˬlaˬmeˬlaˇ gawˬ jawˬ uˆ-eu loꞈ-ehˇ, naw maꞈ-ahˇ guiˇ deuˆ le-eu gʼaˬ, gʼaˬ kʼaˆ aˬ cawˬ taꞈ-ehˇ dzehˬ ma.

Yeˬlaˬmiˇ 50:34

Ehˇ kʼawꞈ, aˬ yawꞈ maꞈ-ahˇ ka kʼoꞈ nehˬ le-eu lehˇ gʼeh-eu gʼaˬ, gʼaˬ kʼaˆ dui dui-eu meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh. Aˬ yawꞈ maꞈ dehꞈ doˆ laˇ nya ni aˬ yawꞈ yaw muiˬ paˬ-ehˇ ngehˬ gʼeh nehˬ-awˇ, miˇ tsaˬ kʼoeˇ taˆ nui saˇ oꞈ-eu jeˬ bi keuˆ le tehꞈ-a. Ehˇ kʼawꞈ, Baˬbuˇloˬ miˇ kʼahˬ kʼoeˇ taˆ shaˬ zahˬ bi keuˆ le tehꞈ-a.”

Yeˬlaˬmiˇ 51:19

Yaˬkoˆ-euˬ Miˬyehˇ kʼoeˇ loꞈ-ehˇ maˬ ngeuˇ-a. Yawˬ jeˬ na luꞈ aˬ yawꞈ beh-awˇ, Iˇsaˬleˬlaˆ aˬ yawꞈ-euˬ tsawˇ jeuˬ pyeuꞈ laˇ ni, aˬ yawꞈ tseˇ doˆ-euˬ meh. Aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Ngoeˇ dawˬ 3:24

Ngaˬ neh za taˬ-euˬ pyuˇ pahˬ-aˬ, Sahˬpaˬ Miˬyehˇ pyeuꞈ-eu miˇ neh, aˬ yawꞈ-ahˇ ngaˇ noeˬ tmˬ luꞈ ma.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

Zaˬkaˬliˇ 2:12

Yuˇdaˆ miˇ kʼahˬ-aˬ, Sahˬpaˬ Miˬyehˇ-euˬ muiˬ-eu shawˇ-eu miˇ tsaˬ-ahˇ jaˆ-eu miˇ kʼahˬ tiˬ kʼahˬ paˇ pyeuꞈ laˇ-awˇ, Yeˬluˇsaˬlehˬ meuˬ-aˬ, meuˬ dawˬ tawˆ luꞈ naˆ maˬ tseˇ aˬ yawꞈ gaˬ dzehˬ-eu meuˬ pyeuꞈ laˇ tehꞈ-a.

Dawˬmehˬ 32:9

Ehˇ kʼawꞈ, Yaˬkoˆ-euˬ zaˬ deuˬ-ahˇ, aˬ yawꞈ neh tseˇ doˆ geuꞈ-euˬ meh.