Yeˬlaˬmiˇ 10:15 - Akha

¹⁵ Miˬ yehˇ kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, tsawˇ haˬ zaˬ-euˬ cehꞈ lehꞈ ka duˬ tehꞈ meh. Sahˬpaˬ Miˬyehˇ zaꞈ le-awˇ kʼehˬ nehˬ ngeh, aˬ yawꞈ maꞈ byoˆ-iˇ laˆ-iˇ jiˇ tehꞈ-a.

Yeˬlaˬmiˇ 10:15 ပူးပေါင်းရင်းမြစ်များ

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Iˇsaˬyaˇ 41:24

Naw maꞈ hawˇ-eu naw maꞈ neh mˇ-euˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Naw maꞈ-ahˇ uˬ duˬ tahˬ-eu tsawˇ haˬ deuˬ, nui daˆ daˆ laˇ paˬ-ehˇ gʼeh meh.

Yeˬlaˬmiˇ 51:18

Tahˬ pahˬ aˬ ma kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, aˬ cawˬ ja bu duˬ pyeuꞈ-eu meh. Sahˬpaˬ Miˬyehˇ zaꞈ haw le ngeh, dawˬ tawˆ bi laˆ cawˆ jiˇ tehꞈ-a.

Zaˬkaˬliˇ 13:2

Aˇ yamˬ kʼoeˇ yamˬ keuˆ laˇ ngeh, miˇ kʼahˬ kʼoeˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-euˬ tsawˇ myahˇ ngaˇ shiˆ byoˆ-awˇ, tsawˇ haˬ yawˬ gʼaˬ na luꞈ bi ngehˇ byoˆ jiˇ ma. Miˬyehˇ gʼaˇ duˬ ngehˬ dah-eu tsawˇ haˬ ma lehˇ kʼaˇ ehˇ-eu deuˬ-ahˇ ngaˇ yuˇ dzeh jiˇ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ-eu nui ma bi byoˆ-iˇ ma.

Yawˇnaˆ 2:8

Poeˬ maˬ baw-eu mˇ myawˬ pyeuꞈ-eu, tahˬ pahˬ aˬ ma mawˇ kawˇ deuˬ-ahˇ, uˬ duˬ tahˬ-eu tsawˇ haˬ kʼoeˇ deuˬ, nawˬ-ahˇ saˇ jaˇ puiˬ jiˇ-euˬ meh.

Yeˬlaˬmiˇ 8:19

Miˇ kʼahˬ kʼahˬ lah ni naˇ haˬ doe haw sheˇ. Ngaˬ-euˬ tsawˇ jeuˬ ngoeˇ-eu gaˬ laˇ miˇ-a. “Sahˬpaˬ Miˬyehˇ Ziˇoˬ-ahˇ maˬ paˇ jawˇ meh loˇ. Ziˇoˬ sahˬ paˬ cehˆ byoˆ mehˬ loˇ.” Sahˬpaˬ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, ngaˇ nui ma pehˇ laˇ ni naw maꞈ mˇ teˬ. Gaˇ dahˇ maˬ tsoeˬ leˇ-eu boeˇ miˬ siˬ kʼaˬ miˬ yehˇ mehˬ shi, aˬ jeˬ baˬ da neh awˆ byaˆ te.”

Yeˬlaˬmiˇ 8:12

Ngaˬ-euˬ tsawˇ haˬ deuˬ-oˇ, yaw jawꞈ jeˬ-ahˇ mˇ-euˬ miˇ neh shaꞈ dawˇ baw miˇ-a loˇ. Maˬ ngeuˇ-a. Nawˇ shaꞈ maˬ siˬ nya-ehˇ, baˬ ba neˇ laˇ-euˬ maˬ baw-a. Aˬ cawˬ coˬ dzeh-iˇ-euˬ loꞈ-ehˇ, naw maꞈ kʼawꞈ ya coˬ-iˇ tehꞈ-a. Naw maꞈ-ahˇ ngaˇ kʼehˬ ngeh, naw maꞈ gʼaˇ duˬ aˇ saˬ saˬ-eu jeˬ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Yeˬlaˬmiˇ 10:11

(Mˬ hawˇ-eu miˇ-ahˇ beh-euˬ gʼaˬ maˬ ngeuˇ-eu miˬ yehˇ deuˬ ya luˬ ya seˇ-iˇ-awˇ, miˇ tsaˬ kʼoeˇ taˆ tiˬ gʼaˬ-iˬ maˬ jaˆ maˬ jawˇ nya ni pyeuꞈ-iˇ tehꞈ-a lehˇ, tsawˇ haˬ kʼoeˇ deuˬ-ahˇ naw maꞈ ya ehˇ nehˬ meh.)

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Iˇsaˬyaˇ 41:29

Miˬ yehˇ heu deuˬ tiˬ gʼaˬ-iˬ gaˇ dahˇ maˬ tsoeˬ-a. Aˬ yawꞈ maꞈ tiˬ jeˬ-iˬ maˬ mˇ nya-a. Tahˬ pahˬ aˬ ma mawˇ kawˇ heu deuˬ yawˬ ngehꞈ pyeuꞈ-awˇ, baoˬ tiˬ pawꞈ-iˬ maˬ ahˇ-a.”

1 Saˬmeuˬlaˆ 12:21

Maˬ ngeuˇ-eu miˬ yehˇ deuˬ-euˬ mehˬ nah naw maꞈ taˬ caw teh. Kʼoeˇ deuˬ-aˬ, gaˇ dahˇ maˬ tsoeˬ-eu miˬyehˇ deuˬ pyeuꞈ-awˇ, naw maꞈ-ahˇ maˬ caw ba nehˬ nya, maˬ ka kʼoꞈ nehˬ nya-a.

Dawˬmehˬ 32:21

Miˬyehˇ maˬ ngeuˇ gaˇ tahˬ shaˇ-awˇ, ngaˬ-ahˇ myaˆ bi naˆ laꞈ-euˬ meh. Tahˬ pahˬ aˬ ma mawˇ kawˇ tehˆ-awˇ, ngaˇ nui ma pehˇ ni jahˇ-euˬ meh. Tsawˇ jeuˬ nui deuˬ-ahˇ ngaˇ zmˬ-awˇ, aˬ yawꞈ maꞈ myaˆ naˆ ni jahˇ ma. Aˬ dzawˬ aˇ gah tsawˇ jeuˬ zmˬ-awˇ, aˬ yawꞈ maꞈ nui ma bi pehˇ ma.

Yeˬlaˬmiˇ 18:15

Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

1 Saˬmeuˬlaˆ 5:4

Yawˬ shawˬ yawˬ uˬ shawˬ yaw naꞈ-ehˇ, Dawˬ ma saˇ jaˇ Bahˬ keuˆ mehˬ shi tahˬ pahˬ aˬ ma mawˇ kawˇ kʼoeˇ hmˬ paˇ coˬ-iˇ taˬ-euˬ gaˇ aˬ yawꞈ maꞈ paˇ ya mawˇ-euˬ meh. Kʼoeˇ ngeh poˆ jawˇ, tahˬ pahˬ aˬ ma mawˇ kawˇ kʼoeˇ hmˬ-euˬ uˬ duˬ hawˇ-eu aˬ laꞈ nyiˬ laꞈ luꞈ kʼehꞈ tsehˆ-iˇ-awˇ, laˇ gʼoˆ dawˬ peh dawˬ dzm dawˬ tehꞈ kʼoeˇ taˆ ga luꞈ-eu meh. Gʼawˇ mawˇ hmˬ tehꞈ-ehˇ Dawˬ ma saˇ jaˇ Bahˬ keuˆ mehˬ shi ga yaꞈ-euˬ meh.

Jaceuq 115:9

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ-ahˇ gʼoe-awˬ. Aˬ yawꞈ naw maꞈ-ahˇ bo saˆ haw piˇ-eu meh.

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Yeˬlaˬmiˇ 43:12

Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ ngaˇ miˬ dzaˬ dzah puiˆ-awˇ, aˬ yawꞈ maꞈ-euˬ miˬ yehˇ tiˬ paˆ na deuˬ-ahˇ Baˬbuˇloˬ sahˬ paˬ neh bi laˆ cawˆ-awˇ, tiˬ paˆ na deuˬ aˬ yawꞈ neh bi yuˇ geuꞈ gʼeh tehꞈ-a. Yawˇ bo-eu tsawˇ haˬ yawˬ ha-euˬ pehˇ kʼahˬ-ahˇ shehˇ mawˇ tseuˆ shawˇ dzeh-eu loꞈ-ehˇ, Baˬbuˇloˬ sahˬ paˬ Iˇjiˇtuˆ miˇ kʼahˬ-ahˇ tseuˆ shawˇ dzeh-awˇ, nui kʼahˇ shiˇ taˆ ni gʼoꞈ leˇ tehꞈ-a.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.