Yeˬlaˬmiˇ 10:13 - Akha

¹³ Aˬ yawꞈ dawˬ biꞈ nehˬ ngeh mˬ taˆ iˇ cuꞈ teˇ saˇ mahˇ-awˇ, mˬ dzeˇ jaˆ-eu mˬ dmˇ-ahˇ aˬ yawꞈ hehˇ ahˇ laꞈ-eu meh. Uˬ yehˇ yehˇ gaˇ mˬ myawꞈ bi myawꞈ laˇ-awˇ, kuˆ lawˆ laꞈ kʼoeˇ piˬ lahˇ taˬ-euˬ jaˬ lehˇ pyehˬ leꞈ-eu meh.

Yeˬlaˬmiˇ 10:13 ပူးပေါင်းရင်းမြစ်များ

Aˇ dahˬ 2:5

miˇ tsaˬ kʼoeˇ taˆ sahˬ lahˬ aˇ bawˇ tiˬ bawˇ-iˬ maˬ bawˇ-ehˇ, aˇ ji tiˬ ji-iˬ maˬ ji-a. Aˬ jeˬ miˇ neh ehˇ naˇ, Miˬyehˇ neh uˬ yehˇ maˬ bi yehˇ le dah-euˬ uˬ taꞈ, ka dzaˬ ka dawˇ-eu tsawˇ haˬ kʼawꞈ tiˬ gʼaˬ-iˬ maˬ jawˇ le dah-euˬ miˇ neh meh.

1 Sahˬpaˬ 18:41

Kʼoeˇ naˇ, “Nymˬ-mˇ nawˇ iˇ-awˇ dzaˬ-iˇ dawˇ-iˇ-awˬ. Uˬ yehˇ yehˇ le-eu lehˇ uˬ jeˬ jeˬ-eu teˇ saˇ ngaˬ-ahˇ gaˬ laˇ miˇ-a” lehˇ, sahˬ paˬ Aˬhaˆ-ahˇ Eˇliˇyaˆ ehˇ nehˬ-euˬ meh.

Yawˇbaˆ 38:22

Ngaˬ neh ngehˇ hawˇ-eu uˬ yehˇ aˇ siˬ dawˆ ahˇ taˬ-euˬ kuˆ lawˆ deuˬ jaˆ gaˇ, nawˇ le keuˆ haw maˬ loˇ.

Jaceuq 104:13

Mˬ-ahˇ neh gawˬ jawˬ kʼoeˇ taˆ nawˇ uˬ yehˇ bi yehˇ le-awˇ, nawˬ-euˬ guiˬ lahˬ yaw dzahˇ miˇ tsaˬ kʼoeˇ taˆ byah luꞈ meh.

Jaceuq 135:17

Naˬ bawˇ tsoꞈ kʼawꞈ maˬ gaˬ nya-ehˇ, saꞈ maˬ gʼawˇ nya-eu miˬ yehˇ meh.

Jaceuq 135:7

Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Jaceuq 147:8

Mˬ kʼoeˇ taˆ mˬ dmˇ-ahˇ aˬ yawꞈ sheu taw-awˇ, miˇ tsaˬ kʼoeˇ taˆ uˬ yehˇ bi yehˇ le-eu laꞈ kʼoeˇ, gawˬ duˇ uˬ du yaˇ moꞈ bi dehꞈ laˇ-eu meh.

Jaceuq 18:13

SahˬpaˬMiˬyehˇmˬjeˬjeˬ-awˇ, Huiˬdui mahˇdui dui-eu gʼaˬ-euˬ, teˇsaˇbi gaˬkeuˆle-euˬ meh.

Jaceuq 68:33

Aˇ hu ba neh mˬ kʼoeˇ taˆ cah luꞈ-eu gʼaˬ-ahˇ, ja ceuˬ-eu caˇ dawˬ caˇ-awˬ. Mˬ jeˬ jeˬ gaˇ duˇ-eu aˬ yawꞈ-euˬ teˇ saˇ-ahˇ, yawˬ gʼaˬ na luꞈ naˇ haˬ geuꞈ-awˬ.

Doˆ-iˇ 9:23

Kʼoeˇ naˇ, Moˇseˬ aˬ yawꞈ-euˬ gawˬ yoeˬ-ahˇ mˬ paw cawˬ diˇ ngeh, Sahˬpaˬ Miˬyehˇ mˬ jeˬ tsawˬ tehˆ hawˇ-eu uˬ yehˇ aˇ siˬ pyehˬ gʼeh leꞈ-awˇ, miˇ tsaˬ kʼoeˇ taˆ mˬ jeˬ tsawˬ tehˆ tehˆ-awˇ, mˬ myawꞈ myawꞈ-euˬ meh. Kʼoeˇ ngeh, Iˇjiˇtuˆ miˇ kʼahˬ kʼoeˇ taˆ, Sahˬpaˬ Miˬyehˇ uˬ yehˇ aˇ siˬ bi ga le-euˬ meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 19:12

Meuˬ heu meuˬ hawˇ-eu heu gaˇ jawˇ-eu tsawˇ haˬ deuˬ-ahˇ, Tawˇpehˆ lehˇ kuˇ-eu jawˇ duˬ kʼoeˇ tsahˇ loꞈ-ehˇ pyeuꞈ laˇ ni ngaˇ jahˇ nehˬ ma.

Yeˬlaˬmiˇ 5:24

Tsahˬ gaˆ uˬ yehˇ hawˇ-eu jawˇ la uˬ yehˇ biꞈ-awˇ, naw maꞈ-ahˇ ngaˇ aˬ yawꞈ kʼoꞈ yawꞈ cehˇ bi yehˬ dzaˬ-euˬ kʼawꞈ, ngaˬ-ahˇ taˬ huiˬ ma lehˇ naw maꞈ tiˬ pawꞈ-iˬ maˬ noeˬ-a.

Yeˬlaˬmiˇ 51:16

Aˬ yawꞈ dawˬ biꞈ nehˬ ngeh mˬ taˆ iˇ cuꞈ, mˬ jeˬ jeˬ-eu loꞈ-ehˇ mahˇ-awˇ, mˬ dzeˇ miˇ dzeˇ jaˆ-eu mˬ dmˇ, aˬ yawꞈ neh tsahˇ daˆ laꞈ-euˬ meh. Uˬ yehˇ yehˇ ngeh mˬ myawꞈ myawꞈ ni jahˇ-awˇ, piˬ lahˇ taˬ-euˬ jaˬ lehˇ aˬ yawꞈ pyehˬ doˆ-eu meh.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

Zaˬkaˬliˇ 10:1

Yeˇ gʼahˇ jiˇ taw uˬ yehˇ jaˆ ni, Sahˬpaˬ Miˬyehˇ-ahˇ shaˇ geuꞈ-awˬ. Jaˬ lehˇ lehˇ ma hawˇ-eu mˬ dmˇ, Sahˬpaˬ Miˬyehˇ neh beh-euˬ meh. Uˬ yehˇ aˬ yawꞈ neh bi yehˇ-awˇ, tsawˇ haˬ-euˬ yaˇ yawˬ kawˬ na luꞈ, nyoeˇ laˇ ni aˬ yawꞈ jahˇ-eu meh.