Yaˇ kʼaˬ daˇ 5:9 - Akha

⁹ Iˇsaˬleˬlaˆ yehˇ-euˬ aˬ yuiꞈ deuˬ hawˇ-eu, nui ma keuˆ-awˇ laˬ kʼaˬ tiˬ cehˇ guiˇ deuˆ-eu deuˬ nehˬ-ehˇ, ngaˇ nui ma taꞈ ma. Sahˬpaˬ Miˬyehˇ-ahˇ ja ceuˬ-awˬ.

Yaˇ kʼaˬ daˇ 5:9 ပူးပေါင်းရင်းမြစ်များ

1 Laˬsaˬbaˬ 29:9

Iˇsaˬleˬlaˆ tsawˇ haˬ deuˬ nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ damˬ nehˬ-awˇ, pyuˇ shuiˇ myawˬ gahˬ gʼawˬ mya ni uiˬ laˇ taˬ-euˬ gaˇ ya mawˇ ngeh, aˬ yawꞈ maꞈ laˬ kʼaˬ cehˇ-eu meh. Sahˬ paˬ Daˬbiˇ kʼawꞈ laˬ kʼaˬ cehˇ dui dui-eu meh.

2 Laˬsaˬbaˬ 17:16

Aˬ yuiꞈ geuꞈ-euˬ smˇ gʼaˬ tiˬ gʼaˬ-aˬ, Ziˇkaˬliˇ-euˬ aˬ li Aˬmaˬsiˇ pyeuꞈ-awˇ, aˬ yawꞈ-euˬ yehˇ nyiˬ seh gʼaˬ jawˇ-eu meh. (Aˬmaˬsiˇ-aˬ, yawˬ haˇ yawˬ ha nui ma keuˆ-awˇ Sahˬpaˬ Miˬyehˇ-euˬ gaˇ mˇ-euˬ meh.)

2 Laˬsaˬbaˬ 31:8

Aˬ yawꞈ maꞈ neh yuˇ laꞈ-awˇ baꞈ gahˬ taˬ-euˬ laꞈ sawˬ kʼoeˇ deuˬ-ahˇ sahˬ paˬ Heˬsaˬgiˇ hawˇ-eu aˬ yawꞈ-euˬ yaw huiˬ yaw mahˇ deuˬ ya mawˇ ngeh, Sahˬpaˬ Miˬyehˇ hawˇ-eu Iˇsaˬleˬlaˆ tsawˇ haˬ deuˬ-ahˇ ja ceuˬ-euˬ meh.

Neˬhaˬmiˇ 11:2

Yeˬluˇsaˬlehˬ meuˬ-ahˇ jawˇ leˇ-eu gʼaˇ duˬ yawˬ haˇ yawˬ ha nui ma keuˆ-awˇ noeˬ tsehˆ-eu tsawˇ haˬ deuˬ-ahˇ, miˇ kʼahˬ zaˬ deuˬ ja ceuˬ-euˬ meh.

Jaceuq 103:2

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya dui dui gaˇ taˬ ngehˇ.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

2 Gawˇliˬtu 8:17

Nga maꞈ neh shaˇ-euˬ dawˬ-ahˇ aˬ yawꞈ geuꞈ nehˬ laꞈ-euˬ tehꞈ-ehˇ maˬ ngeuˇ ni, naw maꞈ-ahˇ caw ba nehˬ mawꞈ-eu nui ma ahˇ-eu miˇ neh, aˬ yawˇ yawꞈ noeˬ tsehˆ-awˇ naw maꞈ jawˇ gaˇ oe-euˬ meh.

2 Gawˇliˬtu 9:5

Kʼoeˇ miˇ neh, ngaˬ-euˬ gʼawˇ mawˇ naw maꞈ jawˇ gaˇ maˬ oe mi naˆ-ehˇ, naw maꞈ neh damˬ ma lehˇ ehˇ taˬ-euˬ loꞈ-ehˇ bi laˆ dah taˬ jiˇ-eu gʼaˇ duˬ, aˬ nyiˇ heu deuˬ-ahˇ jeˬ huˬ kʼehˇ gʼeh leꞈ-eu tsaˬ-eu duˇ lehˇ ngaˇ noeˬ-eu ma. Kʼoeˇ miˇ neh, ngaˇ oe keuˆ ngeh naw maꞈ laˆ uiˬ gʼaˬ jiˇ-awˇ, aˬ cawˬ ehˇ-eu miˇ neh damˬ-eu maˬ ngeuˇ-ehˇ, yawˬ ha nui ma keuˆ-awˇ damˬ-euˬ jeˬ pyeuꞈ-eu gaˇ kawˆ aˬ cawˬ-ahˇ mawˇ leˇ tehꞈ-a.

Yaˇ kʼaˬ daˇ 5:2

Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ tsawˇ haˬ deuˬ guiˇ deuˆ-eu noeˬ tsehˆ taˬ-awˇ, Nui ma keuˆ-eu laꞈ kʼoeˇ deuˆ-euˬ meh.