Yaˇ kʼaˬ daˇ 3:3 - Akha

³ Miˇ kʼahˬ kʼoeˇ kʼahˬ laꞈ kʼoeˇ dzeˇ yaꞈ-euˬ deuˬ-aˬ, Piˇliˇtiˆ meuˬ ngaˬ meuˬ, Kaˬnaˬ tsawˇ jeuˬ dawˬ tawˆ luꞈ hawˇ-eu, Siˇdoˬ tsawˇ jeuˬ uˬ taꞈ Baˬlaˇheˬlaˬmoˬ gawˬ jawˬ hawˇ-eu Haˬmaˆ gʼaˬ lahˇ-ahˇ keuˆ ni jaˆ-eu Leˬbaˬnoˬ gawˬ jawˬ deuˬ-ahˇ jawˇ-eu Hiˇbiˇ tsawˇ haˬ deuˬ meh.

Yaˇ kʼaˬ daˇ 3:3 ပူးပေါင်းရင်းမြစ်များ

Aˇ dahˬ 49:13

Zeˬbuˬloˬ-aˬ, iˬ ma laˆ shaˆ dawˬ peh jawˇ tehꞈ-a. Aˬ yawꞈ-euˬ iˬ ma laˆ shaˆ lawˇ deh-aˬ, saˇ baoˬ naˬ duˬ pyeuꞈ laˇ tehꞈ-a. Aˬ yawꞈ jawˇ-eu miˇ kʼahˬ Siˇdoˬ meuˬ-ahˇ keuˆ ni jeˇ laˇ tehꞈ-a.

2 Saˬmeuˬlaˆ 24:7

Kʼoeˇ naˇ, laꞈ oˆ paw pyawˬ-ahˇ jaˆ-eu ziꞈ dah ni tsoˆ taˬ-euˬ Duˇlu meuˬ hawˇ-eu, Hiˇbiˇ tsawˇ jeuˬ hawˇ-eu Kaˬnaˬ tsawˇ jeuˬ-euˬ meuˬ dawˬ tawˆ luꞈ-ahˇ iˇ doe jiˇ-awˇ, aˇ saˬ saˬ laˇ jawˬ-ehˇ, Yuˇdaˆ miˇ kʼahˬ laꞈ oˆ paw dzaˬ-ahˇ jaˆ-eu Beˬlaˇsheˬba meuˬ-ahˇ iˇ-euˬ meh.

1 Sahˬpaˬ 8:65

Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma-ahˇ shiꞈ nah keuˆ ni Sehˬ gʼawˆ-euˬ Bawˬ-iˬ gʼeh-euˬ meh. Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ keuˆ ni jawˇ-eu tsawˇ haˬ deuˬ hawˇ-eu, laꞈ oˆ paw Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni jawˇ-eu tsawˇ haˬ deuˬ uiˬ leˇ-awˇ, tsawˇ haˬ aˇ maꞈ myaˬ dui dui-euˬ meh.

1 Sahˬpaˬ 9:20

Iˇsaˬleˬlaˆ tsawˇ haˬ deuˬ Kaˬnaˬ miˇ kʼahˬ-ahˇ jawˇ uˇ laˇ ngeh, Iˇsaˬleˬlaˆ tsawˇ haˬ deuˬ neh maˬ sehꞈ ni taˬ nehˬ-euˬ Kaˬnaˬ miˇ kʼahˬ laꞈ kʼoeˇ jawˇ-eu tsawˇ jeuˬ deuˬ-euˬ zaˬ deuˬ uˆ deuˬ-ahˇ, myawˬ kʼaˆ mˇ-eu gaˇ laꞈ kʼoeˇ sahˬ paˬ Sawˇlaˬmoˬ zmˬ-euˬ meh. Tsawˇ jeuˬ kʼoeˇ deuˬ-aˬ, Aˬmoˬ tsawˇ jeuˬ, Heˬtaˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ, Yeˬbuˇ tsawˇ jeuˬ heu deuˬ pyeuꞈ-awˇ, aˬ yawꞈ maꞈ-euˬ zaˬ deuˬ uˆ deuˬ tiˬ ziˇ saˇ-iˬ tiˬ ziˇ zaˬ kʼaˆ geuꞈ ka leꞈ-euˬ meh.

Yeˬsaˬgeˬlaˇ 47:20

“Nahˇ ma ga kʼehˬ paw pyawˬ miˇ kaˬ-aˬ, Gʼahˇ ceh-euˬ iˬ ma laˆ shaˆ pyeuꞈ-awˇ, laꞈ taˆ paw Haˬmaˆ gʼaˬ lahˇ jaˆ gaˇ keuˆ ni meh.

Bawˇtsahˬ 13:29

Aˬmaˬlehˇ tsawˇ haˬ deuˬ miˇ kʼahˬ kʼoeˇ kʼahˬ laꞈ oˆ dzaˬ-ahˇ jawˇ luꞈ-eu meh. Heˬtaˆ tsawˇ jeuˬ, Yeˬbuˇ tsawˇ jeuˬ hawˇ-eu Aˬmawˇliˆ tsawˇ jeuˬ deuˬ-aˬ, gawˬ jawˬ gawˬ duˇ-ahˇ jawˇ-awˇ, Kaˬnaˬ tsawˇ jeuˬ-aˬ, Gʼahˇ ceh-euˬ Iˬ ma laˆ shaˆ-euˬ dawˬ peh Yawˇdaˬ lawˇ baˬ caw caw-ehˇ jawˇ-eu meh.”

Bawˇtsahˬ 34:8

Kʼoeˇ gaˇ neh naˇ, Haˬmaˆ gʼaˬ lahˇ-ahˇ neh Zeˬdaˇ hawˇ-eu

Dawˬmehˬ 1:7

Lehˬ hmˬ-awˇ mehˬ hu paw doˆ-iˇ-awˬ. Aˬmoˬ miˇ kʼahˬ gawˬ jawˬ gawˬ duˇ hawˇ-eu, kʼoeˇ-euˬ tahˬ gʼoꞈ tahˬ jawˇ jaˆ-eu gahˬ kaˬ pyeuꞈ-eu Yawˇdaˬ lawˇ baˬ deh kʼawꞈ-ahˇ maˬ ehˇ, gawˬ jawˬ gawˬ duˇ hawˇ-eu deh ga deuˬ-ahˇ maˬ ehˇ, laꞈ oˆ paw pyawˬ-ahˇ jaˆ-eu gahˬ kaˬ-ahˇ maˬ ehˇ, Gʼahˇ ceh-euˬ iˬ ma laˆ shaˆ lawˇ deh-ahˇ keuˆ ni maˬ ehˇ, naw maꞈ iˇ-awˬ. Kaˬnaˬ miˇ kʼahˬ-ahˇ maˬ ehˇ, Kaˬnaˬ miˇ kʼahˬ le dzeuˇ-awˇ jaˆ-eu Leˬbaˬnoˬ miˇ kʼahˬ gawˬ jawˬ deuˬ hawˇ-eu Uˇpaˬlaˇ lawˇ baˬ baˬ ma-ahˇ keuˆ ni maˬ ehˇ, iˇ gʼeh-awˬ.

Dawˬmehˬ 3:9

(Heˬlaˬmoˬ gawˬ jawˬ-ahˇ Siˇdoˬ tsawˇ haˬ deuˬ Siˬyahˬ lehˇ kuˇ-awˇ, Aˬmoˬ tsawˇ haˬ deuˬ Seˬnyaˬ lehˇ kuˇ-eu meh.)

Yawˇshuˆ 11:19

Iˇsaˬleˬlaˆ tsawˇ jeuˬ nehˬ-ehˇ guiˇ maˬ deuˆ-euˬ meuˬ-aˬ, Hiˇbiˇ tsawˇ jeuˬ tiˬ paˆ na deuˬ jawˇ-eu Giˇbyoˬ meuˬ tiˬ meuˬ tehꞈ meh. Meuˬ nui deuˬ dawˬ tawˆ luꞈ Iˇsaˬleˬlaˆ tsawˇ haˬ deuˬ neh guiˇ bi deuˆ gʼaˬ jiˇ-euˬ meh.

Yawˇshuˆ 11:3

Yawˇdaˬ lawˇ baˬ kʼoeˇ baˬ heu baˬ-ahˇ jawˇ-eu Kaˬnaˬ tsawˇ haˬ deuˬ-ahˇ maˬ ehˇ, Aˬmawˇliˆ tsawˇ haˬ deuˬ-ahˇ maˬ ehˇ, Heˇtaˆ tsawˇ haˬ deuˬ-ahˇ maˬ ehˇ, Paˬyehˆ tsawˇ haˬ deuˬ-ahˇ maˬ ehˇ, gawˬ jawˬ gawˬ duˇ-ahˇ jawˇ-eu Yeˬbuˇ tsawˇ haˬ deuˬ-ahˇ maˬ ehˇ, Miˇzaˬpaˬ miˇ kʼahˬ Heˬlaˬmoˬ gawˬ jawˬ dawˬ dahˬ-ahˇ jawˇ-eu Hiˇbiˇ tsawˇ haˬ deuˬ-ahˇ maˬ ehˇ, aˬ yawꞈ dawˬ tsaꞈ tsaꞈ ahˇ gʼeh-euˬ meh.

Yawˇshuˆ 13:3

laꞈ oˆ paw pyawˬ-ahˇ jaˆ ka gʼeh-euˬ Aˬbymˬ miˇ kʼahˬ kʼahˬ lah ni meh. (Iˇjiˇtuˆ miˇ kaˬ-ahˇ jaˆ-eu Shiˇhoˬ lawˇ gawˆ-ahˇ neh, laꞈ taˆ paw Eˇkaˬloˬ miˇ kaˬ-ahˇ keuˆ ni, Kaˬnaˬ tsawˇ haˬ deuˬ-euˬ jawˇ duˬ meh. Piˇliˇtiˆ sahˬ paˬ deuˬ-aˬ, Gaˬzaˬ meuˬ, Aˬshaˬdoˇ meuˬ, Aˬshaˇgaˬloˇ meuˬ, Gaˬdaˇ meuˬ, Eˇkaˬloˬ meuˬ heu deuˬ-ahˇ jawˇ-euˬ meh.)

Yawˇshuˆ 13:5

Geˬbaˬlaˆ tsawˇ jeuˬ-euˬ miˇ kʼahˬ maˬ ehˇ, Heˬlaˬmoˬ gawˬ jawˬ-euˬ laꞈ oˆ jaˆ-eu Baˬlaˇgaˆ-ahˇ neh Haˬmaˆ gʼaˬ lahˇ-ahˇ keuˆ ni, nahˇ ma doˆ kʼehˬ paw jaˆ-eu Leˬbaˬnoˬ miˇ kʼahˬ kʼahˬ lah ni maˬ ehˇ, za paˬ-ehˇ jaˆ-eu meh.

Yawˇshuˆ 19:28

Eˬbyoˬ meuˬ, Leˬhawˇbaˆ meuˬ, Haˬmoˬ meuˬ, Kaˬnahˬ meuˬ heu deuˬ caw caw-ehˇ, Siˇdoˬ meuˬ-ahˇ keuˆ ni meh.

Yawˇshuˆ 9:7

Ehˇ kʼawꞈ, Iˇsaˬleˬlaˆ tsawˇ haˬ deuˬ ehˇ-eu, “Aˬ jeˬ miˇ neh nga maꞈ naw maꞈ nehˬ-ehˇ saˇ jaˇ ya dzaˬ taꞈ ta. Naw maꞈ dawˬ peh jawˇ-eu tsawˇ haˬ pyeuꞈ-eu maˬ siˬ tawˇ.”

Yaˇ kʼaˬ daˇ 10:12

Siˇdoˬ tsawˇ jeuˬ, Aˬmaˬlehˇ tsawˇ jeuˬ hawˇ-eu, Maˬoˬ tsawˇ jeuˬ deuˬ naw maꞈ-ahˇ kʼehˬ nehˬ kʼaˆ nehˬ-awˇ, naw maꞈ ngaˬ-ahˇ guˇ ngeh, ngaˇ maw maꞈ-ahˇ maˬ ka kʼoꞈ nehˬ-aˬ loˇ.

Yaˇ kʼaˬ daˇ 10:7

Kʼoeˇ miˇ neh Sahˬpaˬ Miˬyehˇ nui ma pehˇ laˇ-awˇ, Piˇliˇtiˆ tsawˇ haˬ hawˇ-eu Aˬmoˬ tsawˇ haˬ deuˬ-ahˇ, aˬ yawꞈ maꞈ kʼoeˇ taˆ bi gʼaˬ leˇ-awˇ, aˬ yawꞈ maꞈ-ahˇ bi uˆ lahˇ-euˬ meh.

Yaˇ kʼaˬ daˇ 14:4

Sahˬpaˬ Miˬyehˇ-aˬ, Piˇliˇtiˆ tsawˇ haˬ deuˬ-ahˇ guiˇ deuˆ mawꞈ-eu miˇ neh, Saˬsoˬ kʼoeˇ loꞈ-ehˇ mˇ ni laˆ saˆ taˬ-euˬ gaˇ kawˆ aˬ yawꞈ-euˬ aˬ da aˬ ma maˬ siˬ nya-a. Aˇ yamˬ kʼoeˇ yamˬ laꞈ kʼoeˇ, Piˇliˇtiˆ tsawˇ haˬ deuˬ Iˇsaˬleˬlaˆ tsawˇ jeuˬ-ahˇ uˆ lahˇ luꞈ-eu meh.

Yaˇ kʼaˬ daˇ 18:7

Kʼoeˇ ngeh, tsawˇ haˬ kʼoeˇ ngaˬ gʼaˬ doˆ-iˇ-awˇ, Laˬiˇshaˆ meuˬ paw iˇ gʼeh-euˬ meh. Kʼoeˇ gaˇ jawˇ-eu tsawˇ haˬ deuˬ-aˬ, Siˇdoˬ tsawˇ haˬ deuˬ loꞈ-ehˇ, guˆ kʼaˇ maˬ za ni saˇ lehˆ ni dehꞈ dzaˬ luꞈ gaˇ aˬ yawꞈ maꞈ ya mawˇ-euˬ meh. Aˬ yawꞈ maꞈ-aˬ, nui saˇ oꞈ-awˇ, ciˬ cuˇ ni jawˇ-eu laꞈ kʼoeˇ, tiˬ gʼaˬ tiˇ gʼaˬ dawˬ ja maˬ doˆ-ehˇ, aˬ yawꞈ maꞈ kʼaˇ loˬ-eu yawˬ jeˬ na luꞈ jaˆ kuꞈ gaˇ ya mawˇ-euˬ meh.

Yaˇ kʼaˬ daˇ 3:2

Iˇsaˬleˬlaˆ tsawˇ jeuˬ aˬ yawꞈ jo yawꞈ-ahˇ, guiˇ deuˆ-eu gaˇ kawˆ mehˬ nehˬ mawꞈ-eu miˇ neh, aˬ yawꞈ kʼoeˇ loꞈ-ehˇ mˇ-euˬ meh. Kʼaˆ tiˬ paˆ, guiˇ tiˬ jawˇ-iˬ maˬ deuˆ haw-euˬ tsawˇ haˬ-ahˇ guiˇ deuˆ-eu gaˇ kawˆ mehˬ nehˬ mawꞈ-eu meh.

Yaˇ kʼaˬ daˇ 4:2

Kʼoeˇ miˇ neh, Sahˬpaˬ Miˬyehˇ-aˬ, Haˬzawˇ meuˬ-ahˇ jawˇ-awˇ uˆ lahˇ-eu Kaˬnaˬ sahˬ paˬ Yaˬbiˬ-ahˇ, Iˇsaˬleˬlaˆ tsawˇ haˬ-ahˇ bi deuˆ gʼaˬ-euˬ meh. Aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ-eu gʼaˬ-aˬ, Gawˇiˆ miˇ kʼahˬ Haˬloˇshehˆ meuˬ-ahˇ jawˇ-eu Siˇseˬlaˇ pyeuꞈ-eu meh.

1 Saˬmeuˬlaˆ 13:5

Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Guiˇ deuˆ-eu mahˬ laˆ lawˬ smˬ muiˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu yehˇ deuˬ aˬ yawꞈ maꞈ kuˇ uiˬ taˬ-euˬ meh. Behˬdaˬbeˬ meuˬ-euˬ nahˇ ma doˆ kʼehˬ paw jaˆ-eu Miˇkaˬmaˆ meuˬ-ahˇ aˬ yawꞈ maꞈ iˇ-awˇ, sehˬ gʼawˆ gʼawˆ-awˇ jawˇ-euˬ meh.

1 Saˬmeuˬlaˆ 29:2

Piˇliˇtiˆ sahˬ paˬ ngaˬ gʼaˬ-aˬ, aˇ yaˇ gʼaˬ, aˇ heˇ gʼaˬ lehˇ biˇ paˆ taˬ-euˬ aˬ yawꞈ maꞈ-euˬ guiˇ maꞈ deuˬ nehˬ-ehˇ, mehˬ hu paw cah luꞈ-eu meh. Daˬbiˇ hawˇ-eu aˬ yawꞈ-euˬ tsawˇ haˬ deuˬ-aˬ, sahˬ paˬ Aˬkiˇ nehˬ-ehˇ mehˬ nah paw cah-euˬ meh.

1 Saˬmeuˬlaˆ 6:16

Piˇliˇtiˆ sahˬ paˬ kʼoeˇ ngaˬ gʼaˬ aˬ yawꞈ maꞈ kʼoeˇ loꞈ-ehˇ mˇ gaˇ haw yaꞈ-awˇ, kʼoeˇ ngeh nah laꞈ kʼoeˇ Eˇkaˬloˬ meuˬ-ahˇ gʼoꞈ-iˇ-euˬ meh.

1 Saˬmeuˬlaˆ 6:18

Meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meuˬ deuˬ maˬ ehˇ, meuˬ meuˬ lahˇ maˬ baw-eu pu deuˬ maˬ ehˇ, Piˇliˇtiˆ sahˬ paˬ ngaˬ gʼaˬ kʼaˇ uˆ lahˇ luꞈ-eu meuˬ aˬ yawꞈ meuˬ yawꞈ-euˬ dah zaˇ mawˇ kawˇ tiˬ kawˇ doˇ-ehˇ, shuiˇ ho caꞈ mawˇ kawˇ deuˬ kʼawꞈ, aˬ yawꞈ maꞈ biꞈ gʼeh-euˬ meh. Behˬsheˬmehˇ meuˬ-ahˇ jawˇ-eu Yawˇshuˆ-euˬ deh yaˇ-ahˇ jaˆ-eu, aˬ yawꞈ maꞈ neh Dawˬ ma saˇ jaˇ Bahˬ keuˆ baꞈ daˆ taˬ-euˬ kʼaˬ lo lo ma kʼoeˇ siˬ, iˬ nah keuˆ ni kʼoeˇ gaˇ jaˆ luꞈ-awˇ, pyeuꞈ dzeuˇ yaꞈ-euˬ gaˇ kawˆ kʼoeˇ-euˬ saˇ kiˇ loꞈ-ehˇ pyeuꞈ-eu meh.

1 Saˬmeuˬlaˆ 6:4

Piˇliˇtiˆ tsawˇ haˬ deuˬ ehˇ-eu, “Nga maꞈ-euˬ iˬ baˇ gʼaˇ duˬ damˬ-eu aˬ geu jeˬ Dawˬ ma saˇ jaˇ Bahˬ keuˆ nehˬ-ehˇ ya biꞈ caw gʼeh nmˇ.” Piˇ ma hawˇ-eu nyiˇ paˬ kʼoeˇ deuˬ ehˇ-eu, “Piˇliˇtiˆ sahˬ paˬ tiˬ gʼaˬ-euˬ tiˬ hmˬ doˇ ni, shuiˇ maˇ cuˬ maˇ lu mawˇ kawˇ ngaˬ hmˬ hawˇ-eu shuiˇ ho caꞈ aˇ baˇ ngaˬ hmˬ ya biꞈ caw meh. Aˬ jeˬ miˇ neh ehˇ naˇ, naw maꞈ dawˬ tawˆ luꞈ kʼoeˇ taˆ maˬ ehˇ, sahˬ paˬ ngaˬ gʼaˬ kʼoeˇ taˆ maˬ ehˇ, shaˬ zahˬ naˇ gawˇ tiˬ kawˆ loꞈ-ehˇ keuˆ le-euˬ meh. Naw maꞈ-euˬ miˇ kʼahˬ-ahˇ laˆ cawˆ luꞈ-eu maˇ cuˬ maˇ lu hawˇ-eu ho caꞈ aˇ baˇ naw maꞈ tehˆ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ naw maꞈ ya taˬ huiˬ yaˬ taˬ mahˇ nehˬ meh.