Yaˇ kʼaˬ daˇ 2:2 - Akha

² Miˇ kʼahˬ heu kʼahˬ-ahˇ jawˇ-eu tsawˇ haˬ nehˬ-ehˇ naw maꞈ dawˬ ma saˇ jaˇ maˬ ya dzaˬ-eu uˬ taꞈ, aˬ yawꞈ maꞈ-euˬ lawˇ guiˇ deuˬ-ahˇ naw maꞈ ya laˆ cawˆ meh lehˇ ngaˇ ehˇ taˬ-euˬ ma. Ehˇ kʼawꞈ, ngaˬ neh ehˇ taˬ-euˬ loꞈ-ehˇ naw maꞈ maˬ mˇ-a.

Yaˇ kʼaˬ daˇ 2:2 ပူးပေါင်းရင်းမြစ်များ

Aˇ dahˬ 12:18

Kʼoeˇ ngeh, sahˬ paˬ kʼoeˇ gʼaˬ Aˬbyaˬ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Nawˇ ngaˬ-ahˇ aˬ jeˬ jahˇ nehˬ laꞈ te. Zaˬ miˬ zaˬ heu gʼaˬ nawˬ-euˬ miˬ zaˬ ma lehˇ aˬ jeˬ miˇ neh nawˇ maˬ ehˇ te.

Aˇ dahˬ 4:10

Kʼoeˇ ngeh, Sahˬpaˬ Miˬyehˇ ehˇ-eu, “Aˬ jeˬ miˇ neh teu naˆ naˆ-ehˇ bahˬ-eu jeˬ nawˇ mˇ yaꞈ teˬ. Nawˬ-ahˇ laꞈ poˆ bi poˆ kʼoꞈ nehˬ mawꞈ-eu teˇ saˇ loꞈ-ehˇ, nawˬ-euˬ aˬ nyiˇ-euˬ shiˬ, miˇ tsaˬ dawˬ dah paw neh ngaˬ-ahˇ kuˇ luꞈ meh.

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

Yeˬlaˬmiˇ 2:18

Iˇjiˇtuˆ miˇ kʼahˬ-ahˇ iˇ-eu aˬ jeˬ gaˇ dahˇ tsoeˬ nmˇ. Niˬlaˇ lawˇ baˬ iˇ cuꞈ dawˇ-iˇ-eu la. Aˇshuˇliˆ miˇ kʼahˬ-ahˇ le-eu aˬ jeˬ gaˇ dahˇ tsoeˬ nmˇ. Uˇpaˬlaˇ lawˇ baˬ-ahˇ iˇ cuꞈ dawˇ leˇ-eu la.

Yeˬlaˬmiˇ 2:36

Aˬ cawˬ tsawˇ jeuˬ-euˬ miˬ yehˇ deuˬ-ahˇ caw teh-eu laꞈ kʼoeˇ, naw maꞈ yawˬ haˇ yawˬ ha laˆ shaˬ-eu meh. Aˬshuˇliˆ tsawˇ jeuˬ neh myaˆ pyawˬ bi laˆ cawˆ-euˬ loꞈ-ehˇ, Iˇjiˇtuˆ tsawˇ jeuˬ neh paˇ bi laˆ cawˆ gaˇ keuˆ tehꞈ-a.

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Dawˬmehˬ 7:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ laꞈ-ahˇ bi ahˇ le-euˬ tsawˇ jeuˬ dawˬ tawˆ luꞈ-ahˇ, naw maꞈ laˆ luˬ laˆ seˇ nehˬ-awˬ. Aˬ yawꞈ maꞈ-ahˇ gʼawˬ shaˬ taˬ gaˬ. Aˬ yawꞈ maꞈ-euˬ miˬyehˇ deuˬ-ahˇ uˬ duˬ taˬ tahˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ-ahˇ lahˇ ju kʼmˇ gaˇ duˇ-eu meh.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

Yawˇshuˆ 9:7

Ehˇ kʼawꞈ, Iˇsaˬleˬlaˆ tsawˇ haˬ deuˬ ehˇ-eu, “Aˬ jeˬ miˇ neh nga maꞈ naw maꞈ nehˬ-ehˇ saˇ jaˇ ya dzaˬ taꞈ ta. Naw maꞈ dawˬ peh jawˇ-eu tsawˇ haˬ pyeuꞈ-eu maˬ siˬ tawˇ.”

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.

Yaˇ kʼaˬ daˇ 2:20

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ ehˇ-eu, “Tsawˇ jeuˬ heu jeuˬ-aˬ, aˬ yawꞈ maꞈ bi caw teh-eu gʼaˇ duˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ dawˬ ma saˇ jaˇ-ahˇ puiˬ-eu nga. Aˬ jeˬ miˇ neh ehˇ naˇ, ngaˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Yaˇ kʼaˬ daˇ 6:10

Ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, iˬ nah naw maꞈ jawˇ luꞈ-eu miˇ kʼahˬ heu kʼahˬ-ahˇ jawˇ-eu Aˬmoˬ tsawˇ haˬ-euˬ miˬ yehˇ deuˬ-ahˇ naw maꞈ uˬ duˬ maˬ ya tahˬ-a lehˇ ngaˇ naw maꞈ-ahˇ ehˇ taˬ-euˬ jaˆ-eu ma. Ehˇ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ-a.”

Yaˇ kʼaˬ daˇ 6:8

aˬ yawꞈ gʼaˇ duˬ ngehˬ dah-eu tiˬ gʼaˬ Sahˬpaˬ Miˬyehˇ pyehˬ gʼeh-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ, heu loꞈ-ehˇ bi tsaꞈ gaˬ-iˇ-euˬ meh. “Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ luꞈ-eu laꞈ kʼoeˇ, naw maꞈ-ahˇ ngaˇ sheuˬ doˆ laꞈ-euˬ ma.

Yaˇ kʼaˬ daˇ 8:27

Giˇdoˬ-aˬ, shuiˇ kʼoeˇ deuˬ neh tahˬ pahˬ aˬ ma mawˇ kawˇ tiˬ hmˬ tehˆ-awˇ, aˬ yawꞈ jawˇ-eu Awˇpaˬlaˇ meuˬ-ahˇ bi jaˆ-euˬ meh. Iˇsaˬleˬlaˆ tsawˇ haˬ dawˬ tawˆ luꞈ Sahˬpaˬ Miˬyehˇ-ahˇ byehˇ dzeh-awˇ, kʼoeˇ gaˇ iˇ-awˇ, tahˬ pahˬ aˬ ma mawˇ kawˇ kʼoeˇ hmˬ-ahˇ uˬ duˬ tahˬ-euˬ meh. Kʼoeˇ-aˬ, Giˇdoˬ hawˇ-eu aˬ yawꞈ-euˬ miˬ sawˇ zaˬ deuˬ gʼaˇ duˬ lahˇ ju kʼmˇ taˬ-euˬ gaˇ duˇ-eu meh.