Yaˇ kʼaˬ daˇ 11:1 - Akha

¹ Giˇlaˆ miˇ kʼahˬ-ahˇ jawˇ-eu Yeˬpaˬtaˆ-aˬ, kʼaˆ dui dui-eu guiˇ deuˆ-eu tsawˇ haˬ tiˬ gʼaˬ meh. Aˬ yawꞈ-euˬ aˬ da-aˬ, Giˇlaˆ pyeuꞈ-awˇ, aˬ yawꞈ-euˬ aˬ ma-aˬ, meh maˬ laˇ tiˬ gʼaˬ pyeuꞈ-eu meh.

Yaˇ kʼaˬ daˇ 11:1 ပူးပေါင်းရင်းမြစ်များ

2 Sahˬpaˬ 5:1

Suˇliˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬmaˬ-ahˇ, Suˇliˆ sahˬ paˬ taˬ huiˬ taˬ mahˇ dui dui-eu meh. Aˬ jeˬ miˇ neh ehˇ naˇ, Neˬmaˬ baˬ da neh Suˇliˆ guiˇ maꞈ deuˬ-ahˇ aˬ cawˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Aˬ yawꞈ-aˬ, guiˇ deuˆ-eu paw tsawˇ myahˇ doˆ dui dui kʼawꞈ, nyawˬ naˇ-eu tsawˇ haˬ tiˬ gʼaˬ pyeuꞈ-eu meh.

HeˬByehˇ 11:32

Heu naˆ maˬ tseˇ paˇ ja siˬ loˇ. Giˇdoˬ, Baˬlehˇ, Saˬsoˬ, Yeˬpaˬtaˆ, Daˬbiˇ, Saˬmeuˬlaˆ aˬ ha maꞈ hawˇ-eu, Miˬyehˇ gʼaˇ duˬ ngehˬ dah-eu deuˬ-euˬ gaˇ kawˆ maˬ paˇ ja jiˇ coeˇ miˇ-a.

Yaˇ kʼaˬ daˇ 10:18

Kʼoeˇ gaˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ tiˬ gʼaˬ tiˇ gʼaˬ ehˇ-eu, “Aˬmoˬ tsawˇ haˬ deuˬ-ahˇ guiˇ deuˆ-eu gʼaˇ duˬ aˬ suˇ gʼaˬ aˬ yuiꞈ geuꞈ-awˇ sheuˬ gʼeh nmˇ. Kʼaˇ sheuˬ gʼeh-eu gʼaˬ-aˬ, Giˇlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ kʼoeˇ taˆ aˬ yuiꞈ aˬ tsu ya geuꞈ tehꞈ-a.”

Yaˇ kʼaˬ daˇ 11:2

Giˇlaˆ-euˬ ma huiˬ gʼaˬ kʼawꞈ aˬ li deuˬ ciˬ-awˇ, aˬ li kʼoeˇ deuˬ huiˬ laˇ ngeh, Yeˬpaˬtaˆ-ahˇ teh dzeh-euˬ meh. “Nawˇ-aˬ, aˬ ma yawˬ ma yawˬ-euˬ aˬ li pyeuꞈ-eu miˇ neh, ngaˬ ha mehˇ nmˇ-euˬ aˬ da-euˬ jeˬ biˇ maˬ za-a” lehˇ, aˬ yawꞈ maꞈ aˬ yawꞈ-ahˇ ehˇ nehˬ-euˬ meh.

Yaˇ kʼaˬ daˇ 6:12

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ aˬ yawꞈ jawˇ gaˇ doˆ le-awˇ, “Kʼaˬ duˬ ni gʼeh-awˇ gʼaˬ huiˬ-eu gʼaˬ-oˇ, Sahˬpaˬ Miˬyehˇ nawˬ nehˬ-ehˇ jawˇ meh” lehˇ ehˇ le-euˬ meh.

1 Saˬmeuˬlaˆ 12:11

Nawˬ-ahˇ nga maꞈ uˬ duˬ tahˬ-eu ma lehˇ ehˇ-eu meh. Kʼoeˇ naˇ, Giˇdoˬ, Baˬyehˇ, Yeˬpaˬtaˆ aˬ ha smˇ gʼaˬ-ahˇ, tiˬ gʼaˬ saˇ-iˬ tiˬ gʼaˬ Sahˬpaˬ Miˬyehˇ pyehˬ gʼeh leꞈ-awˇ, aˇ saˬ saˬ laˇ ngeh ngaˬ-ahˇ pyehˬ gʼeh leꞈ-euˬ meh. Nga maꞈ oeˬ gʼaˬ aˬ yawꞈ gʼaˬ yawꞈ, muiˇ-eu deuˬ-euˬ aˬ laꞈ laꞈ kʼoeˇ neh naw maꞈ-ahˇ ka kʼoꞈ-awˇ, naw maꞈ-ahˇ nui saˇ za-eu laꞈ kʼoeˇ bi dehꞈ bi jawˇ-euˬ ma.