Yaˇ kʼaˬ daˇ 1:9 - Akha

⁹ Kʼoeˇ naˇ, gawˬ jawˬ gawˬ duˇ deuˬ, gʼaˬ lawˬ deuˬ hawˇ-eu, laꞈ oˆ paw gui coˇ ni gʼeh-eu miˇ kʼahˬ-ahˇ jawˇ-eu Kaˬnaˬ tsawˇ haˬ deuˬ jawˇ gaˇ aˬ yawꞈ maꞈ iˇ-awˇ, guiˇ deuˆ-iˇ-euˬ meh.

Yaˇ kʼaˬ daˇ 1:9 ပူးပေါင်းရင်းမြစ်များ

Aˇ dahˬ 12:9

Kʼoeˇ naˇ, tiˬ gaˇ saˇ-iˬ tiˬ gaˇ aˬ yawꞈ jawˇ jawˇ-ehˇ, Kaˬnaˬ miˇ kʼahˬ laꞈ oˆ paw pyawˬ-ahˇ iˇ ka gʼeh-euˬ meh.

Yawˇshuˆ 10:36

Kʼoeˇ naˇ, Yawˇshuˆ hawˇ-eu aˬ yawꞈ-euˬ guiˇ maꞈ deuˬ Eˇgaˬloˬ meuˬ-ahˇ neh luˆ-iˇ-awˇ, gawˬ jawˬ gawˬ duˇ paw le daˆ-awˇ, Heˬbyoˬ meuˬ-ahˇ deuˆ-euˬ meh.

Yawˇshuˆ 11:21

Kʼoeˇ ngeh yamˬ-ahˇ, gawˬ jawˬ gawˬ duˇ doe ni jaˆ-eu meuˬ deuˬ pyeuꞈ-eu Heˬbyoˬ meuˬ, Deˬbeuˬ meuˬ hawˇ-eu Aˬnaˬbaˆ meuˬ-ahˇ maˬ ehˇ, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ gawˬ jawˬ gawˬ duˇ doe ni maˬ ehˇ, Yawˇshuˆ le-awˇ, kʼoeˇ gaˇ jawˇ-eu Aˬnaˬkaˆ lehˇ kuˇ-eu huiˬ dui goˇ dui dui-eu tsawˇ jeuˬ-ahˇ laˆ luˬ laˆ seˇ nehˬ-euˬ meh. Aˬ yawꞈ maꞈ hawˇ-eu aˬ yawꞈ maꞈ-euˬ meuˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni, Yawˇshuˆ neh laˆ luˬ laˆ seˇ nehˬ-euˬ meh.

Yawˇshuˆ 12:8

Gawˬ jawˬ gawˬ duˇ deuˬ maˬ ehˇ, nahˇ ma ga kʼehˬ paw jaˆ-eu gʼaˬ lawˬ deuˬ maˬ ehˇ, Yawˇdaˬ deh kʼawꞈ hawˇ-eu kʼoeˇ-euˬ gawˬ jawˬ dawˬ dahˬ deuˬ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ maˬ ehˇ, laꞈ oˆ paw pyawˬ-ahˇ jaˆ-eu gui coˇ ni gʼeh-eu miˇ kʼahˬ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ ahˇ-eu meh. Miˇ kʼahˬ kʼoeˇ kʼahˬ-aˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Kaˬnaˬ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ jawˇ-euˬ meh.

Yaˇ kʼaˬ daˇ 1:10

Giˇliˇyaˆaˬbaˬ meuˬ lehˇ kuˇ-eu Heˬbyoˬ meuˬ-ahˇ jawˇ-eu Kaˬnaˬ tsawˇ haˬ deuˬ jawˇ gaˇ aˬ yawꞈ maꞈ le-awˇ, guiˇ deuˆ leˇ-euˬ meh. Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu, Taˬlaˬmehˇ aˇ jeuˬ-ahˇ, kʼoeˇ gaˇ aˬ yawꞈ maꞈ deuˆ gʼaˬ-euˬ meh.

Yaˇ kʼaˬ daˇ 1:8

Yuˇdaˆ tsawˇ haˬ deuˬ Yeˬluˇsaˬlehˬ meuˬ-ahˇ guiˇ deuˆ-awˇ, deuˆ gʼaˬ-euˬ meh. Kʼoeˇ gaˇ jawˇ-eu tsawˇ haˬ deuˬ-ahˇ sehꞈ-awˇ, meuˬ-ahˇ miˬ dzaˬ keuˬ dzeh-euˬ meh.