Yawˇshuˆ 18:3 - Akha

³ Kʼoeˇ ngeh, Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ naw maꞈ maˬ jawˇ uˇ leˇ ni aˬ jeˬ gʼeh nyi naˬ te.

Yawˇshuˆ 18:3 ပူးပေါင်းရင်းမြစ်များ

Dawqdaq 10:4

Yaw doeˇ doeˇ-eu nymˇ gawˬ aˬ laꞈ, iˇ shaˬ shaˬ-eu jeˬ beuˬ doˆ-awˇ, maˬ naˬ leˇ ni mˇ-eu aˬ laꞈ smˇ muiˬ gaˇ ma beuˬ dahˇ-eu meh.

Dawqdaq 13:4

Yaw doeˇ neh noeˬ tmˬ-euˬ jeˬ tiˬ jawˇ-iˬ maˬ keuˆ le-ehˇ, leh jeh-eu deuˬ-euˬ nui kʼahˇ maˬ lehˬ-iˇ-a.

Dawqdaq 15:19

Nymˇ gawˬ-euˬ gaˇ ma yaˇ moꞈ nawˆ byoˆ-awˇ, yaw sui yaw dawˇ deuˬ-euˬ gaˇ ma juˇ tsui ni jaˆ-eu meh.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Zeˬpaˬniˇ 3:16

Yeˬluˇsaˬlehˬ meuˬ-ahˇ aˬ cawˬ, heu loˇ ehˇ-eu tiˬ nah jaˆ meh. “Ziˇoˬ meuˬ-oˇ, taˬ guˆ taˬ gaˆ, nawˬ-euˬ aˬ laꞈ gʼaˬbyehˆ taˬbyehˆ.

Maꞈtehˬ 20:6

Uˬ ciꞈ paw kuiˬ dzaˇ zaꞈ dzaˇ biꞈ yamˬ keuˆ laˇ ngeh, lehˆ lehˆ kawˆ-ahˇ aˬ yawꞈ tiˬ poˆ paˇ iˇ-awˇ, tsawˇ haˬ tiˬ deuˬ gaˇ mˇ-eu maˬ jaˆ-ehˇ yawꞈ luꞈ gaˇ paˇ ya mawˇ-euˬ meh. ‘Aˬ jeˬ miˇ neh naw maꞈ nah ga-ehˇ tiˬ jeˬ-iˬ maˬ mˇ ni jawˇ te’ lehˇ aˬ yawꞈ naˇ haˬ-euˬ meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yawˇshuˆ 1:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ tsawˇ haˬ heu deuˬ jawˇ leˇ ngeh, aˬ yawꞈ maꞈ kʼoeˇ taˆ nawˇ aˬ yuiꞈ ya geuˬ tehꞈ-a.

Yawˇshuˆ 13:1

Yawˇshuˆ tsawˇ mawˬ mawˬ dui dui le-euˬ meh. Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˇ tsawˇ mawˬ mawˬ dui dui le-euˬ meh. Ehˇ kʼawꞈ, za paˬ-ehˇ gʼeh-eu miˇ kʼahˬ gʼawˬ mya ni jaˆ-a siˬ.

Yawˇshuˆ 18:2

Iˇsaˬleˬlaˆ tsawˇ haˬ deuˬ laꞈ kʼoeˇ, miˇ kʼahˬ jeˬ biˇ maˬ za-euˬ tsawˇ jeuˬ shiꞈ jeuˬ jawˇ luꞈ-eu meh.

Yawˇshuˆ 18:4

Tsawˇ jeuˬ aˬ yawꞈ jeuˬ yawꞈ laꞈ kʼoeˇ tsawˇ haˬ smˇ gʼaˬ tseˇ doˆ nehˬ laꞈ-awˬ. Aˬ yawꞈ maꞈ geuꞈ mawꞈ-eu miˇ kʼahˬ aˇ baˇ aˇ kawˆ bi kawˆ doˆ-eu gʼaˇ duˬ, aˬ yawꞈ maꞈ-ahˇ ngaˇ pyehˬ gʼeh ma. Kʼoeˇ naˇ, aˬ yawꞈ maꞈ ngaˇ jawˇ gaˇ gʼoꞈ le tehꞈ-a.

Yaˇ kʼaˬ daˇ 18:9

Aˬ yawꞈ maꞈ ehˇ-eu, “Laˬiˇshaˆ meuˬ-ahˇ aˬ dui maꞈ guiˇ deuˆ-iˇ kaˇ-euˇ. Miˇ kʼahˬ kʼoeˇ kʼahˬ muiˬ dui dui-eu miˇ kʼahˬ pyeuꞈ-eu nga maꞈ mawˇ yaꞈ-euˬ ma. Tiˬ jeˬ-iˬ maˬ jahˇ ni heu gaˇ dzuˇ dzuˇ-ehˇ taˬ paˇ jawˇ. Yaw kawˇ ma-ehˇ iˇ-awˇ miˇ kʼahˬ kʼoeˇ kʼahˬ deuˆ geuꞈ-iˇ-awˬ.