Yawˇshuˆ 11:2 - Akha

² laꞈ taˆ paw pyawˬ-ahˇ, gawˬ jawˬ gawˬ duˇ deuˬ-ahˇ jawˇ-eu sahˬ paˬ deuˬ-ahˇ maˬ ehˇ, Gaˬliˬlehˇ lah laꞈ oˆ paw Yawˇdaˬ deh kʼawꞈ-ahˇ jawˇ-eu sahˬ paˬ deuˬ-ahˇ maˬ ehˇ, gawˬ jawˬ dawˬ dahˬ-ahˇ jawˇ-eu sahˬ paˬ deuˬ-ahˇ maˬ ehˇ, iˬ ma laˆ shaˆ lawˇ deh paw Dawˇlaˆ meuˬ-euˬ dawˬ peh jawˇ-eu sahˬ paˬ deuˬ-ahˇ maˬ ehˇ, dawˬ tsaꞈ tsaꞈ ahˇ gʼeh-euˬ meh.

Yawˇshuˆ 11:2 ပူးပေါင်းရင်းမြစ်များ

1 Sahˬpaˬ 15:20

Aˬsaˬ neh ehˇ-euˬ dawˬ-ahˇ sahˬ paˬ Beˬhaˬdaˇ nui ma tsaˬ-awˇ, aˬ yawꞈ-euˬ guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ guiˇ maꞈ deuˬ pyehˬ gʼeh-awˇ, Iˇsaˬleˬlaˆ miˇ kʼahˬ-ahˇ jaˆ-eu meuˬ deuˬ-ahˇ guiˇ bi deuˆ-iˇ-euˬ meh. Aˬ yawꞈ maꞈ-aˬ, Iˇyoˬ meuˬ, Daˬ meuˬ, Aˬbeˬlaˆbehˬmawˇkah meuˬ, Gaˬliˬlehˇ lah gahˬ kaˬ hawˇ-eu, Naˬtaˬliˇ miˇ kʼahˬ kʼahˬ lah ni-ahˇ deuˆ gʼaˬ-euˬ meh.

1 Sahˬpaˬ 4:11

Sawˇlaˬmoˬ-euˬ aˬ buˇ Taˬpaˬdaˆ-ahˇ sheuˬ-euˬ gʼaˬ pyeuꞈ-eu Beˬaˬbiˇnaˬdehˇ-aˬ, Dawˇlaˆ gahˬ kaˬ dawˬ tawˆ luꞈ kʼoeˇ taˆ haw-eu pyaˆ-eu gʼaˬ geuꞈ-euˬ meh.

Bawˇtsahˬ 34:11

Sheˬpamˬ-ahˇ neh naˇ, laꞈ oˆ paw Aˬiˇnaˆ meuˬ-euˬ nahˇ ma doˆ kʼehˬ paw jaˆ-eu Haˬlaˬbeˬlaˇ meuˬ-ahˇ keuˆ ni iˇ gʼeh-awˇ, Gaˬliˬlehˇ lah-euˬ nahˇ ma doˆ kʼehˬ paw jaˆ-eu gawˬ jawˬ deuˬ-ahˇ daˆ doˆ leˇ-eu meh.

Luˇkaꞈ 1:39

Kʼoeˇ naˇ, Maˬliˇ lehˬ hmˬ-awˇ, Yuˇdaˆ miˇ kʼahˬ daˇ taˆ paw jaˆ-eu meuˬ tiˬ meuˬ-ahˇ yaw kawˇ-ehˇ le-euˬ meh.

Luˇkaꞈ 5:1

Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

Yawˇshuˆ 10:40

Miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Gawˬ jawˬ gawˬ duˇ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu deh ga deuˬ-ahˇ jawˇ-eu sahˬ paˬ deuˬ-ahˇ maˬ ehˇ, laꞈ oˆ paw pyawˬ-ahˇ, gui coˇ ni gʼeh-eu miˇ kʼahˬ-ahˇ jawˇ-eu sahˬ paˬ deuˬ-ahˇ maˬ ehˇ, aˬ yawꞈ deuˆ gʼaˬ-euˬ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ sehꞈ-euˬ meh.

Yawˇshuˆ 10:6

Giˇbyoˬ meuˬ-ahˇ jawˇ-eu tsawˇ haˬ deuˬ, Giˇlaˇgaˬlaˇ-ahˇ sehˬ gʼawˆ gʼawˆ-awˇ loꞈ-eu Yawˇshuˆ jawˇ gaˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Nga maꞈ-ahˇ taˬ byehˇ dzeh nehˬ laꞈ. Yaw kawˇ-ehˇ laˇ-awˇ nga maꞈ-ahˇ caw ba laˇ-awˬ. Nga maꞈ-ahˇ ka kʼoꞈ nehˬ laꞈ-awˬ. Gawˬ jawˬ gawˬ duˇ paw jawˇ-eu Aˬmawˇliˆ tsawˇ jeuˬ sahˬ paˬ dawˬ tawˆ luꞈ gm leˇ-awˇ, nga maꞈ-ahˇ guiˇ deuˆ luꞈ meh.”

Yawˇshuˆ 11:16

Gawˬ jawˬ gʼaˬ lawˬ deuˬ maˬ ehˇ, laꞈ oˆ pyawˬ hawˇ-eu laꞈ taˆ pyawˬ-ahˇ jaˆ-eu miˇ kʼahˬ maˬ ehˇ, Goˬsheˬ gahˬ kaˬ hawˇ-eu kʼoeˇ-euˬ laꞈ oˆ paw jaˆ-eu gui coˇ ni gʼeh-eu miˇ kʼahˬ maˬ ehˇ, Yawˇdaˬ deh kʼawꞈ maˬ ehˇ, miˇ kʼahˬ kʼahˬ lah ni Yawˇshuˆ deuˆ za-euˬ meh.

Yawˇshuˆ 11:21

Kʼoeˇ ngeh yamˬ-ahˇ, gawˬ jawˬ gawˬ duˇ doe ni jaˆ-eu meuˬ deuˬ pyeuꞈ-eu Heˬbyoˬ meuˬ, Deˬbeuˬ meuˬ hawˇ-eu Aˬnaˬbaˆ meuˬ-ahˇ maˬ ehˇ, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ gawˬ jawˬ gawˬ duˇ doe ni maˬ ehˇ, Yawˇshuˆ le-awˇ, kʼoeˇ gaˇ jawˇ-eu Aˬnaˬkaˆ lehˇ kuˇ-eu huiˬ dui goˇ dui dui-eu tsawˇ jeuˬ-ahˇ laˆ luˬ laˆ seˇ nehˬ-euˬ meh. Aˬ yawꞈ maꞈ hawˇ-eu aˬ yawꞈ maꞈ-euˬ meuˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni, Yawˇshuˆ neh laˆ luˬ laˆ seˇ nehˬ-euˬ meh.

Yawˇshuˆ 12:23

iˬ ma laˆ shaˆ lawˇ deh-ahˇ jaˆ-eu Dawˇlaˆ meuˬ, Gaˬliˬlehˇ miˇ kʼahˬ-ahˇ jaˆ-eu Gawˇiˆ meuˬ hawˇ-eu,

Yawˇshuˆ 12:3

Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.

Yawˇshuˆ 13:27

Yawˇdaˬ deh kʼawꞈ-ahˇ jaˆ-eu Behˬhaˬlamˬ meuˬ, Behˬnymˇlaˬ meuˬ, Suˇkoˆ meuˬ, Saˬpoˬ meuˬ heu deuˬ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ kʼaˇ dzeˇ-eu deuˬ kʼawꞈ, aˬ yawꞈ maꞈ-euˬ miˇ kʼahˬ laꞈ kʼoeˇ ahˇ-eu meh. Aˬ yawꞈ maꞈ-euˬ miˇ kʼahˬ nahˇ ma ga kʼehˬ paw miˇ kaˬ-aˬ, Yawˇdaˬ lawˇ baˬ caw caw-ehˇ, laꞈ taˆ paw jaˆ-eu Gaˬliˬlehˇ lah-ahˇ keuˆ ni meh.

Yawˇshuˆ 17:11

Aˬshaˬ hawˇ-eu Iˇsaˬkaˬ miˇ kʼahˬ laꞈ kʼoeˇ jaˆ-eu Behˬshahˬ meuˬ, Iˇbaˬleˬ meuˬ hawˇ-eu, meuˬ kʼoeˇ nyiˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ meuˬ zaˬ deuˬ maˬ ehˇ, (iˬ ma laˆ shaˆ lawˇ deh-ahˇ jaˆ-eu) Dawˇlaˆ meuˬ, Eˬdawˇlaˆ meuˬ, Taˬnehˇ meuˬ, Meˬgiˇdoˬ meuˬ hawˇ-eu, kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ maˬ ehˇ, Maˬnaˇseˬ miˇ kʼahˬ-ahˇ taꞈ-eu meh.

Yaˇ kʼaˬ daˇ 1:27

Maˬnaˇseˬ tsawˇ jeuˬ-aˬ, Behˬshaˬ meuˬ, Taˬnehˇ meuˬ, Dawˇlaˆ meuˬ, Eˇbaˬleˬ meuˬ, Meˬgiˇdoˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-ahˇ jawˇ-eu tsawˇ haˬ deuˬ-ahˇ maˬ teh doˆ-a. Kaˬnaˬ tsawˇ haˬ deuˬ kʼoeˇ gaˇ jawˇ daˆ leꞈ-euˬ meh.