Yawˇnaˆ 4:5 - Akha

⁵ Yawˇnaˆ-aˬ, meuˬ-euˬ nahˇ ma doˆ kʼehˬ paw iˇ doˆ gʼeh-awˇ nuiˇ-euˬ meh. Aˬ yawꞈ sehˬ gʼawˆ gʼawˆ zaˬ gʼawˆ-awˇ, kʼoeˇ-euˬ naˇ shmˇ laꞈ kʼoeˇ nuiˇ-awˇ, Niˇnaˬbeˬ meuˬ aˬ joˆ-ehˇ pyeuꞈ laˇ gaˇ haw-eu lehˇ loꞈ luꞈ-eu meh.

Yawˇnaˆ 4:5 ပူးပေါင်းရင်းမြစ်များ

1 Sahˬpaˬ 19:13

Teˇ saˇ kʼoeˇ-ahˇ Eˇliˇyaˆ ya gaˬ ngeh, pehˇ kʼahˬ pehˇ mahˇ neh aˬ yawꞈ-euˬ myaˆ pyawˬ-ahˇ dehˬ kaˬ-awˇ, lo kʼahˬ-euˬ gʼoˆ kʼehˬ-ahˇ iˇ doˆ-awˇ yawꞈ-iˇ-euˬ meh. Kʼoeˇ ngeh, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ naˇ haˬ-eu dawˬ gaˬ le-euˬ meh.

1 Sahˬpaˬ 19:9

Kʼoeˇ gaˇ uˬ ciꞈ tiˬ miˇ yaꞈ bya-eu gʼaˇ duˬ, lo kʼahˬ tiˬ kʼahˬ laꞈ kʼoeˇ aˬ yawꞈ uˇ leˇ-euˬ meh. Ja pyuˬ ni, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ le-awˇ, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ ehˇ-eu meh.

Iˇsaˬyaˇ 57:17

Aˬ yawꞈ maꞈ iˬ baˇ mˇ-awˇ nui kʼahˇ huiˬ gaˇ ngaˇ nui ma pehˇ-awˇ, aˬ yawꞈ maꞈ-ahˇ kʼehˬ-awˇ byehˇ dzeh-euˬ ma. Ehˇ kʼawꞈ, aˬ yawꞈ maꞈ-euˬ nui ma gʼahˇ-awˇ, yawˬ ha nui noeˬ geuꞈ-eu maˬ byehˇ dzeh-a.

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Yawˇnaˆ 1:5

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ kʼoeˇ deuˬ guˆ dui dui laˇ-awˇ, yawˬ gʼaˬ na luꞈ yawˬ ha-euˬ miˬyehˇ-ahˇ guˇ guˇ-ehˇ, caw ba le-awˬ lehˇ shaˇ-eu meh. Kʼoeˇ uˬ taꞈ, aˬ yawꞈ maꞈ shiˇ gaˇ maˬ ya keuˆ ni, saˇ baoˬ kʼoeˇ taˆ tawˬ luꞈ-eu myawˬ deuˬ-ahˇ kʼawꞈ, iˬ ma laˆ shaˆ laꞈ kʼoeˇ baꞈ puꞈ-euˬ meh. Kʼoeˇ loꞈ-ehˇ tehˬ gʼa luꞈ ngeh, Yawˇnaˆ gʼaˬ saˇ baoˬ-euˬ dawˬ dah iˇ ka-awˇ, yuˬ kʼaˆ byoˆ taˬ-euˬ meh.

Yawˇnaˆ 4:4

Yawˇnaˆ-ahˇ Sahˬpaˬ Miˬyehˇ naˇ haˬ-eu,“Nawˇ aˬ jeˬ nui ma pehˇ kʼaˇ za te.”

Yawˇnaˆ 4:6

Kʼoeˇ ngeh, Sahˬpaˬ Miˬyehˇ pyeuꞈ-eu Miˬyehˇ-aˬ, Yawˇnaˆ yaw saˇ saˇ-ehˇ naˬ nya ni naˇ shmˇ bi shmˇ-eu gʼaˇ duˬ aˇ bawˬ tiˬ bawˬ aˬ yawꞈ kʼoeˇ taˆ bi dehꞈ laˇ-euˬ meh. Yawˇnaˆ-aˬ, aˇ bawˬ kʼoeˇ bawˬ-ahˇ nui kʼahˇ shiˇ dui dui-eu meh.