Yawˇnaˆ 1:9 - Akha

⁹ Yawˇnaˆ ehˇ-eu, “Ngaˇ-aˬ, Heˬbyehˇ tsawˇ jeuˬ ma. Miˇ tsaˬ tahˬ kʼawˇ hawˇ-eu iˬ ma laˆ shaˆ-ahˇ beh-euˬ mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ ma.”

Yawˇnaˆ 1:9 ပူးပေါင်းရင်းမြစ်များ

Aˇ dahˬ 1:10

Iˇ cuꞈ maˬ dahˬ-eu pehˇ tsahˇ-ahˇ, “Miˇ tsaˬ” lehˇ aˬ yawꞈ myahˇ nehˬ-awˇ, iˇ cuꞈ uiˬ-iˇ taˬ-euˬ gaˇ, “Iˬ ma laˆ shaˆ” lehˇ aˬ yawꞈ myahˇ nehˬ-euˬ meh. Kʼoeˇ gaˇ ya mawˇ ngeh, Miˬyehˇ nui kʼahˇ shiˇ-euˬ meh.

Aˇ dahˬ 14:13

Ehˇ kʼawꞈ, tsawˇ haˬ tiˬ gʼaˬ cehˆ dzeuˇ-awˇ, Aˬmawˇliˆ tsawˇ jeuˬ Mamˬliˬ-euˬ muiˬ-eu shawˇ-eu aˇ bawˇ bawˇ yaˇ dawˬ peh jawˇ-eu Heˬbyehˇ tsawˇ haˬ Aˬbyaˬ-ahˇ, gaˇ kawˆ kʼoeˇ dzawˇ nehˬ leˇ-euˬ meh. Mamˬliˬ, Eˇshaˬkawˇlaˆ, Aˬneˬlaˆ aˬ ha smˬ mehˇ nmˇ-aˬ, Aˬbyaˬ nehˬ-ehˇ aˬ byahˇ gʼoeˇ-euˬ meh.

Aˇ dahˬ 24:7

Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ da-euˬ nymˇ hawˇ-eu ngaˬ-euˬ aˬ yuiꞈ aˬ nyiˇ deuˬ jawˇ-eu miˇ kʼahˬ-ahˇ neh ngaˬ-ahˇ bi doˆ le-awˇ, miˇ kʼahˬ heu kʼahˬ ngaˬ-euˬ zaˬ ngaˬ-euˬ uˆ deuˬ-ahˇ biꞈ ma lehˇ, dawˬ ma saˇ jaˇ dzaˬ taˬ-euˬ jaˆ-eu meh. Ngaˬ li gʼaˇ duˬ miˬ zaˬ tiˬ gʼaˬ nawˇ poˆ mawˇ nya ni, Sahˬpaˬ Miˬyehˇ aˬ yawꞈ-euˬ gʼaˬ kʼehˇ-ahˇ, nawˬ-euˬ mehˬ hu pyehˬ gʼeh tehꞈ-a.

Aˇ dahˬ 39:14

Kʼoeˇ ngeh, zaˬ miˬ zaˬ kʼoeˇ gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Heu gaˇ haw sheˇ. Ngaˬ-euˬ kʼaˬ dzeˇ zaˬ neh sheuˬ ahˇ laꞈ-euˬ Heˬbyehˇ tsawˇ haˬ kʼoeˇ gʼaˬ, aˬ dui-ahˇ yehˬ bawˬ sehˇ lu-ehˇ jahˇ-eu lehˇ gʼeh-eu meh. Ngaˇ yuꞈ-eu kuˆ lawˆ laꞈ kʼoeˇ aˬ yawꞈ uˇ laˇ-awˇ, ngaˬ nehˬ-ehˇ yuꞈ taꞈ-eu lehˇ leh jeh-eu miˇ neh, ngaˇ yaw kʼaˆ-ehˇ guˇ-euˬ ma.

2 Sahˬpaˬ 17:25

Aˬ yawꞈ maꞈ kʼoeˇ gaˇ jawˇ beh beh le ngeh Sahˬpaˬ Miˬyehˇ-ahˇ uˬ duˬ maˬ tahˬ-eu miˇ neh, Sahˬpaˬ Miˬyehˇ neh aˇ laˬ jaˬ shiˇ pyehˬ gʼeh leꞈ-awˇ, aˬ yawꞈ maꞈ tiˬ paˆ na deuˬ-ahˇ bi kawꞈ sehꞈ-euˬ meh.

2 Sahˬpaˬ 17:28

Saˬmaˬliˆ meuˬ-ahˇ neh bi nyehꞈ daˆ gʼeh-euˬ piˇ ma tiˬ gʼaˬ, Beˬdeˬlaˇ meuˬ-ahˇ gʼoꞈ jawˇ le-awˇ, Sahˬpaˬ Miˬyehˇ-ahˇ aˬ joˆ-ehˇ uˬ duˬ ya tahˬ-eu gaˇ kawˆ mehˬ nehˬ-euˬ meh.

Eˇzaˬlaˬ 1:2

“Heu-aˬ, Paˇshaˇ sahˬ paˬ Guˇluˆ-euˬ dawˬ pyeuꞈ-eu meh. Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, miˇ tsaˬ dawˬ tawˆ luꞈ kʼoeˇ taˆ ngaˬ-ahˇ bi uˆ lahˇ laꞈ-awˇ, Yuˇdaˆ miˇ kʼahˬ Yeˬluˇsaˬlehˬ meuˬ-ahˇ aˬ yawꞈ gʼaˇ duˬ uˬ duˬ tahˬ nymˇ tiˬ nymˇ tsoˆ-awˬ lehˇ ngaˬ-ahˇ kʼehˇ-eu meh.

Eˇzaˬlaˬ 5:11

“Aˬ yawꞈ maꞈ heu loꞈ-ehˇ ehˇ-eu meh. ‘Nga maꞈ-aˬ, mˬ hawˇ-eu miˇ-ahˇ uˆ lahˇ-eu Miˬyehˇ-euˬ zaˬ kʼaˆ pyeuꞈ-eu ma. Aˇ hu ba baoˬ huiˬ-eu Iˇsaˬleˬlaˆ sahˬ paˬ tiˬ gʼaˬ neh tsoˆ taˬ yaꞈ-euˬ Uˬ duˬ tahˬ nymˇ nymˇ ma-ahˇ nga maꞈ paˇ tsoˆ muiˬ luꞈ-eu ma.

Neˬhaˬmiˇ 1:4

Gaˇ kawˆ kʼoeˇ deuˬ-ahˇ ngaˇ ya gaˬ ngeh, nuiˇ-awˇ ngoeˇ-euˬ ma. Gʼawˬ mya nah byah ni ngaˇ maˬ dzaˬ maˬ dawˇ-ehˇ ngoeˇ-eu laꞈ kʼoeˇ, Miˬyehˇ-ahˇ heu loꞈ-ehˇ guiˬ lahˬ shaˇ-euˬ ma.

Neˬhaˬmiˇ 2:4

Kʼoeˇ naˇ, “Nawˇ aˬ jeˬ mawꞈ-eu nya” lehˇ sahˬ paˬ ngaˬ-ahˇ naˇ haˬ laˇ-eu meh. Kʼoeˇ ngeh, ngaˇ Miˬyehˇ-ahˇ guiˬ lahˬ shaˇ-awˇ,

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Yawˇbaˆ 1:9

Saˬdaˬ ehˇ-eu, “Aˬ yawꞈ-ahˇ muiˬ leˇ duˬ maˬ jaˆ naˇ Yawˇbaˆ nawˬ-ahˇ uˬ duˬ tahˬ tehꞈ-a loˇ.

Jaceuq 136:26

Mˬ taˆ Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 1:15

Kʼoeˇ naˇ, Heˬbyehˇ tsawˇ haˬ zaˬ miˬ zaˬ deuˬ aˬ nyiˇ ciˬ gaˇ laˆ saˆ nehˬ-eu zaˬ miˬ zaˬ nyiˬ gʼaˬ pyeuꞈ-eu Shiˇpaˬlahˬ hawˇ-eu Puˇhaˬ-ahˇ Iˇjiˇtuˆ sahˬ paˬ kuˇ-awˇ, dawˬ ngehˬ cawˬ-euˬ meh.

Doˆ-iˇ 2:13

Yawˬ nah yawˬ aˬ yawꞈ paˇ cah haw-iˇ ngeh, Heˬbyehˇ tsawˇ haˬ nyiˬ gʼaˬ yaw kaˬ ceh dzaˬ luꞈ gaˇ paˇ ya mawˇ-euˬ meh. “Aˬ jeˬ miˇ neh yawˬ ha-euˬ cawˬ Heˬbyehˇ tsawˇ haˬ-ahˇ teu loꞈ-ehˇ dawꞈ te” lehˇ, lehˬ dzehˬ-eu gʼaˬ-ahˇ Moˇseˬ ehˇ nehˬ-euˬ meh.

Daˬyeˬlaˇ 2:44

Sahˬ paˬ sahˬ ma kʼoeˇ deuˬ dzoeˬ dzaˬ-eu aˇ yamˬ-ahˇ, mˬ taˆ Miˬyehˇ miˇ kʼahˬ tiˬ kʼahˬ beh tehꞈ-a. Miˇ kʼahˬ kʼoeˇ kʼahˬ-aˬ, mˬ maˬ maˬ byaˆ zaˇ ziˇ ziꞈ-eu miˇ kʼahˬ pyeuꞈ-awˇ, aˬ cawˬ maˬ deuˆ gʼaˬ nya-eu miˇ kʼahˬ meh. Ehˇ kʼawꞈ, miˇ kʼahˬ kʼoeˇ kʼahˬ neh miˇ kʼahˬ kʼoeˇ deuˬ dawˬ tawˆ luꞈ-ahˇ tiˬ saˬ tiˬ li laˆ cawˆ byoˆ nehˬ jiˇ-awˇ, mˬ maˬ maˬ byaˆ zaˇ ziˇ ziꞈ dah ni gʼeh-eu miˇ kʼahˬ pyeuꞈ laˇ tehꞈ-a.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Piˇliˇpiˆ 3:5

Ngaˇ-aˬ, dehꞈ le-awˇ tiˬ jaw byah laˇ ngeh neh baˆ kʼoˆ mehˬ dzaˬ bi yehˬ-euˬ tsawˇ haˬ ma. Iˇsaˬleˬlaˇ tsawˇ jeuˬ laꞈ kʼoeˇ ahˇ-eu Beˬyaˬmiˬ tsawˇ jeuˬ tiˬ gʼaˬ ma. Maˇ maˇ ni shawˇ jehˆ ni gʼeh-eu Heˬbyehˇ tsawˇ haˬ ma. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ mehˬ nah caw teh-eu paw dzeˇ neh paˇ ehˇ leꞈ naˇ, ngaˇ-aˬ, Paˬliˬsehˇ tiˬ gʼaˬ ma.

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 16:11

Aˬ yawꞈ maꞈ gawˇ dui dui-awˇ maˇ naˇ naˇ-eu baˬ da neh, mˬ taˆ Miˬyehˇ-ahˇ yaˬ kʼehˇ yaˬ-eu meh. Ehˇ kʼawꞈ, yaw haiˬ jeˬ-ahˇ aˬ yawꞈ maꞈ maˬ byehˇ dzeh-a.