Yawˇnaˆ 1:17 - Akha

¹⁷ Yawˇnaˆ-ahˇ iˇ cuꞈ-ahˇ biˬ puꞈ-eu nehˬ-ehˇ ngaˬ shaˬ shaˬ ma tiˬ mawˇ-ahˇ Sahˬpaˬ Miˬyehˇ dawˬ biꞈ-awˇ Yawˇnaˆ-ahˇ bi myoꞈ ahˇ-euˬ meh. Yawˇnaˆ-aˬ, smˬ nah smˬ miˇ kʼeuˆ ni ngaˬ shaˬ shaˬ ma kʼoeˇ mawˇ-euˬ uˬ maˆ laꞈ kʼoeˇ jawˇ-euˬ meh.

Yawˇnaˆ 1:17 ပူးပေါင်းရင်းမြစ်များ

Aˇ dahˬ 1:21

Iˬ ma laˆ shaˆ laꞈ kʼoeˇ uˇ-eu gʼawˇ mawˇ huiˬ dui dui-eu aˇ mawˇ deuˬ-ahˇ maˬ ehˇ, iˇ cuꞈ laꞈ kʼoeˇ uˇ-eu yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ maˬ ehˇ, aˇ jiˇ kʼaˇ ngeuˇ-eu dawˬ tawˆ luꞈ-ahˇ maˬ ehˇ, Miˬyehˇ beh-euˬ meh.

Yawˇnaˆ 2:10

Kʼoeˇ naˇ, Yawˇnaˆ-ahˇ lawˇ deh-ahˇ meh dzeh doˆ-eu gʼaˇ duˬ ngaˬ shaˬ kʼoeˇ mawˇ-ahˇ Sahˬpaˬ Miˬyehˇ dawˬ biꞈ-awˇ, ngaˬ shaˬ kʼoeˇ mawˇ Yawˇnaˆ-ahˇ meh dzeh doˆ-euˬ meh.

Yawˇnaˆ 4:6

Kʼoeˇ ngeh, Sahˬpaˬ Miˬyehˇ pyeuꞈ-eu Miˬyehˇ-aˬ, Yawˇnaˆ yaw saˇ saˇ-ehˇ naˬ nya ni naˇ shmˇ bi shmˇ-eu gʼaˇ duˬ aˇ bawˬ tiˬ bawˬ aˬ yawꞈ kʼoeˇ taˆ bi dehꞈ laˇ-euˬ meh. Yawˇnaˆ-aˬ, aˇ bawˬ kʼoeˇ bawˬ-ahˇ nui kʼahˇ shiˇ dui dui-eu meh.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Maꞈtehˬ 16:4

Iˬ nah aˇ yamˬ-ahˇ dehꞈ luꞈ-eu tsawˇ haˬ deuˬ, zahˇ sahˇ kʼoꞈ maˬ baw ni aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ lehˇ, naw maꞈ ngaˬ-ahˇ ehˇ-eu meh. Yawˇnaˆ-euˬ gaˇ kawˆ zahˬ leˇ paˬ-ehˇ gʼeh-eu kʼoeˇ maˬ ngeuˇ naˇ, naw maꞈ-ahˇ ngaˇ nui jeˬ maˬ mehˬ nehˬ.” Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-euˬ meh.

Luˇkaꞈ 11:30

Yawˇ naˆ-aˬ, Niˇnaˬbeˬ meuˬ-ahˇ jawˇ-eu tsawˇ haˬ deuˬ gʼaˇ duˬ kʼaˆ jeˬ-ehˇ gʼeh-eu jeˬ pyeuꞈ-eu loꞈ-ehˇ, Tsawˇhaˬ-euˬ Zaˬmaˇ-aˬ, heu ziˇ-ahˇ dehꞈ luꞈ-eu tsawˇ haˬ deuˬ gʼaˇ duˬ, kʼaˆ jeˬ-ehˇ gʼeh-eu jeˬ pyeuꞈ tehꞈ-a.