Yawˇnaˆ 1:14 - Akha

¹⁴ Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ-awˇ, “Sahˬpaˬ Miˬyehˇ-oˇ, tsawˇ haˬ heu gʼaˬ-ahˇ bi shiˇ-euˬ baˬ da neh nga maꞈ-ahˇ kʼehˬ-awˇ taˬ sehꞈ nehˬ laꞈ lehˇ nawˬ-ahˇ nga maꞈ shaˇ-eu ma. Sahˬpaˬ Miˬyehˇ-oˇ, heu loꞈ-ehˇ pyeuꞈ laˇ ni dawˬ tawˆ luꞈ nawˬ neh jahˇ-euˬ meh” lehˇ shaˇ-euˬ meh.

Yawˇnaˆ 1:14 ပူးပေါင်းရင်းမြစ်များ

Aˇ dahˬ 9:6

Tsawˇ haˬ zaˬ-ahˇ, Miˬyehˇ-ahˇ duˇ ni beh taˬ-euˬ meh. Kʼoeˇ miˇ neh, tsawˇ haˬ-ahˇ sehꞈ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ sehꞈ gaˇ paˇ ya daˬ tehꞈ-a.

Jaceuq 107:28

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 115:3

Nga maꞈ-euˬ Miˬyehˇ mˬ kʼoeˇ taˆ jawˇ-awˇ, aˬ yawꞈ kʼaˇ mˇ mawꞈ-euˬ jeˬ mˇ-eu meh.

Jaceuq 135:6

Mˬ hawˇ-eu miˇ kʼoeˇ taˆ maˬ ehˇ, iˬ ma laˆ shaˆ hawˇ-eu naꞈ dui dui-eu laˆ shaˆ dawˬ dah maˬ ehˇ, aˬ yawꞈ-euˬ nui noeˬ mˇ byah taˬ-euˬ meh.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Yawˇnaˆ 1:13

Ehˇ kʼawꞈ, saˇ baoˬ kʼoeˇ taˆ gaˇ mˇ-eu tsawˇ haˬ kʼoeˇ deuˬ-aˬ, saˇ baoˬ kʼoeˇ laˇ-ahˇ laˆ shaˆ lawˇ deh-ahˇ heu keuˆ gʼeh-eu lehˇ leh jeh-awˇ heu dui dui-euˬ meh. Aˬ yawꞈ maꞈ kʼoeˇ loꞈ-ehˇ leh jeh-awˇ heu kʼawꞈ, jaˬ lehˇ lehˇ ma kʼoeˇ bahˬ ngehˬ baw ngehˬ kʼaˆ laˇ-eu miˇ neh, tiˬ gʼaˬ-iˬ maˬ heu luˆ nya-a.

Yawˇnaˆ 1:16

Kʼoeˇ loꞈ-ehˇ pyeuꞈ laˇ-euˬ baˬ da neh, saˇ baoˬ kʼoeˇ taˆ gaˇ mˇ-eu tsawˇ haˬ kʼoeˇ deuˬ Sahˬpaˬ Miˬyehˇ-ahˇ guˆ dui dui-awˇ, aˬ yawꞈ-ahˇ lawˇ nehˬ shehˇ nehˬ-awˇ, aˬ yawꞈ-ahˇ saˇ jaˇ dzaˬ-euˬ meh.

Yawˇnaˆ 1:5

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ kʼoeˇ deuˬ guˆ dui dui laˇ-awˇ, yawˬ gʼaˬ na luꞈ yawˬ ha-euˬ miˬyehˇ-ahˇ guˇ guˇ-ehˇ, caw ba le-awˬ lehˇ shaˇ-eu meh. Kʼoeˇ uˬ taꞈ, aˬ yawꞈ maꞈ shiˇ gaˇ maˬ ya keuˆ ni, saˇ baoˬ kʼoeˇ taˆ tawˬ luꞈ-eu myawˬ deuˬ-ahˇ kʼawꞈ, iˬ ma laˆ shaˆ laꞈ kʼoeˇ baꞈ puꞈ-euˬ meh. Kʼoeˇ loꞈ-ehˇ tehˬ gʼa luꞈ ngeh, Yawˇnaˆ gʼaˬ saˇ baoˬ-euˬ dawˬ dah iˇ ka-awˇ, yuˬ kʼaˆ byoˆ taˬ-euˬ meh.

Yawˇnaˆ 3:8

Tsawˇ haˬ hawˇ-eu jeˬ zaˬ dawˬ tawˆ luꞈ guˬ daˇ pehˇ zeuˇ mehˬ tsoeˬ ya dm meh. Yawˬ gʼaˬ na luꞈ nui ma keuˆ-eu laꞈ kʼoeˇ Miˬyehˇ-ahˇ guiˬ lahˬ ya shaˇ-awˇ, yawˬ ha neh mˇ-euˬ yaw lehˬ yaw ca jeˬ hawˇ-eu yaw haiˬ jeˬ-ahˇ ya byehˇ dzeh jiˇ meh.

Maꞈtehˬ 11:26

Aˬda-oˇ, kʼoeˇ loꞈ-ehˇ bi pyeuꞈ laˇ-eu gʼaˇ duˬ, nawˇ nui ma tsaˬ-eu meh.

Gʼaˬkʼehˇ 28:4

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ kʼoeˇ deuˬ Pawˇluˆ-euˬ aˬ laꞈ-ahˇ aˇ lawˇ kʼoeˇ mawˇ ga gʼeu gaˇ mawˇ ngeh, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ cawˬ-ahˇ sehꞈ-euˬ tsawˇ haˬ ngaˇ. Iˬ ma laˆ shaˆ laꞈ kʼoeˇ maˬ shiˇ ni ya dzeuˇ-iˇ-euˬ kʼawꞈ, yaw tsaˬ yaw dawˇ jeˬ aˬ yawꞈ-ahˇ maˬ paˇ bi dehꞈ-eu yaw duˬ baw ngaˇ ehˇ lawˬ.”

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Dawˬmehˬ 21:8

Sahˬpaˬ Miˬyehˇ-oˇ, Iˇjiˇtuˆ miˇ kʼahˬ laꞈ kʼoeˇ neh nawˬ neh ka kʼoꞈ doˆ laꞈ-euˬ nawˬ-euˬ tsawˇ haˬ deuˬ-ahˇ iˬ baˇ pyehˬ nehˬ laꞈ-awˬ. Nga maꞈ-ahˇ iˬ baˇ pyehˬ nehˬ laꞈ-awˇ, maˬ lehˬ maˬ ca-eu tsawˇ haˬ heu gʼaˬ-ahˇ sehꞈ-euˬ iˬ baˇ heu nga maꞈ kʼoeˇ taˆ taˬ bi keuˆ le nehˬ laꞈ’ lehˇ ya ehˇ meh.