Yawˇnaˆ 1:12 - Akha

¹² Yawˇnaˆ ehˇ-eu, “Ngaˬ-ahˇ iˬ ma laˆ shaˆ laꞈ kʼoeˇ biˬ puꞈ-awˬ. Jaˬ lehˇ lehˇ ma baw-eu naˬ leˇ tehꞈ-a. Ngaˇ baˬ da neh kʼaˆ dui dui-eu jaˬ lehˇ lehˇ ma heu bahˬ-ahˇ naw maꞈ ya daˬ-eu meh.”

Yawˇnaˆ 1:12 ပူးပေါင်းရင်းမြစ်များ

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

1 Laˬsaˬbaˬ 21:17

Daˬbiˇ yaw kʼaˆ-ehˇ guˇ-awˇ, heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, yaw lehˬ jeˬ mˇ-euˬ gʼaˬ ngaˇ ma. Miˇ kʼahˬ zaˬ-euˬ tsawˇ seˬ yuˇ-awˬ lehˇ dawˬ biꞈ-euˬ gʼaˬ ngaˇ ma. Tsawˇ haˬ heu deuˬ mˇ lehˬ taˬ-euˬ tiˬ jeˬ-iˬ maˬjaˆ-a. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ kʼehˬ-awˇ, tsawˇ haˬ heu deuˬ-ahˇ bi dzeuˇ-iˇ-awˬ.”

Yawˇbaˆ 35:8

Nawˇ iˬ baˇ mˇ-eu baˬ da neh nawˬ-euˬ tsawˇ haˬ deuˬ ya daˬ-awˇ, nawˇ yaw muiˬ jeˬ mˇ ngeh, aˬ yawꞈ maꞈ gʼaˇ duˬ gaˇ dahˇ tsoeˬ-euˬ tehꞈ meh.

Dawˬ tsoˆ 9:18

Zaˬ siˬ tsawˇ gahˇ-aˬ, guiˇ deuˆ-eu keu ka naˆ maˬ tseˇ gaˇ dahˇ tsoeˬ-eu meh. Ehˇ kʼawꞈ, iˬ baˇ zaˬ tiˬ gʼaˬ yaw muiˬ gʼawˬ mya jeˬ-ahˇ laˆ cawˆ nya-eu meh.

Yawˇnaˆ 1:11

Jaˬ lehˇ lehˇ ma kʼoeˇ, ngehˬ baw ngehˬ kʼaˆ laˇ-eu miˇ neh, “Jaˬ lehˇ lehˇ ma heu naˬ leˇ ni nga maꞈ nawˬ-ahˇ aˬ joˆ-ehˇ ya jahˇ nehˬ nmˇ” lehˇ, Yawˇnaˆ-ahˇ aˬ yawꞈ maꞈ naˇ haˬ-euˬ meh.

Yawˇnaˆ 1:13

Ehˇ kʼawꞈ, saˇ baoˬ kʼoeˇ taˆ gaˇ mˇ-eu tsawˇ haˬ kʼoeˇ deuˬ-aˬ, saˇ baoˬ kʼoeˇ laˇ-ahˇ laˆ shaˆ lawˇ deh-ahˇ heu keuˆ gʼeh-eu lehˇ leh jeh-awˇ heu dui dui-euˬ meh. Aˬ yawꞈ maꞈ kʼoeˇ loꞈ-ehˇ leh jeh-awˇ heu kʼawꞈ, jaˬ lehˇ lehˇ ma kʼoeˇ bahˬ ngehˬ baw ngehˬ kʼaˆ laˇ-eu miˇ neh, tiˬ gʼaˬ-iˬ maˬ heu luˆ nya-a.

Yoˇhaˬ 11:50

Tsawˇ jeuˬ tiˬ jeuˬ jeuˬ lah-ehˇ bi laˆ cawˆ-eu naˆ maˬ tseˇ, tsawˇ haˬ tiˬ gʼaˬ bi shiˇ dah-eu muiˬ dzehˬ meh lehˇ naw maꞈ maˬ gʼoˆ shaw nya te loˇ.”

Gʼaˬkʼehˇ 27:24

‘Pawˇluˆ-oˇ, taˬ guˆ. Sahˬ paˬ Gehˇsaˬ mehˬ shi nawˇ ya yawꞈ leˇ tehꞈ-a. Nawˬ-euˬ myaˆ pyawˬ-ahˇ Miˬyehˇ haw-awˇ, nawˬ nehˬ-ehˇ saˇ baoˬ kʼaˇ dziˬ luꞈ-eu tsawˇ haˬ dawˬ tawˆ luꞈ-ahˇ maˬ shiˇ ni bi dzeuˇ-iˇ tehꞈ-a’ lehˇ ehˇ le-euˬ meh.

Yawˇshuˆ 7:12

Kʼoeˇ miˇ neh, Iˇsaˬleˬlaˆ tsawˇ haˬ deuˬ muiˇ-eu deuˬ-ahˇ guiˇ maˬ deuˆ gʼaˬ nya-ehˇ, aˬ cawˬ neh bi teh gʼoꞈ laꞈ-euˬ meh. Aˬ jeˬ miˇ neh ehˇ naˇ, luˬ-iˇ seˇ-iˇ-eu jeˬ, nymˬ-mˇ aˬ yawꞈ maꞈ kʼoeˇ taˆ keuˆ le luꞈ meh. Maˬ ya yuˇ geuꞈ-a lehˇ naw maꞈ-ahˇ ehˇ taˬ-euˬ myawˬ deuˬ-ahˇ naw maꞈ maˬ laˆ luˬ maˬ laˆ seˇ naˇ, naw maꞈ nehˬ-ehˇ ngaˇ maˬ paˇ jawˇ ma.