Yawˇlaˆ 2:22 - Akha

²² Jeˬ zaˬ deuˬ-oˇ naw maꞈ taˬ guˆ. Gaˆ kʼahˬ nyoeˇ jawꞈ ni jaˆ luꞈ-awˇ, aˇ bawˇ aˇ siˬ sahˇ dui dui-awˇ, siˬ guˬ aˇ siˬ hawˇ-eu aˬ gaꞈ, maˬ dzaˬ jiˇ coeˇ ni jaˆ luꞈ meh.

Yawˇlaˆ 2:22 ပူးပေါင်းရင်းမြစ်များ

Aˇ dahˬ 4:12

Miˇ tsaˬ-ahˇ nawˇ aˬ geu jeˬ ka dzaˬ-eu maˬ kaˬ, miˇ tsaˬ nawˬ-ahˇ maˬ bi za le-ehˇ, nymˇ jiˇ maˬ baw ni miˇ tsaˬ kʼoeˇ taˆ doe doe-ehˇ cah cah-ehˇ ya jawˇ tehꞈ-a.”

Jaceuq 36:6

Nawˬ-euˬyaw tsaˬyaw dawˇjeˬ-aˬ, gawˬjawˬloꞈ-ehˇ goˇdui dui-awˇ, nawˬ-euˬ yaw sui yaw dawˇjeˬ-aˬ, laˆshaˆloꞈ-ehˇ naꞈdui dui-awˇ, tsawˇhaˬhawˇ-eu jeˬzaˬdeuˬ-ahˇ, nawˇngehˬgʼeh dah teˬluꞈ-eu meh.

Jaceuq 65:12

Jeˬ zaˬ gaˆ kʼahˬ-ahˇ jeˬ zaˬ tiˬ teuˇ jawˇ-awˇ, gawˬ jawˬ baˬ gʼa-ahˇ laˬ kʼaˬ cehˇ-eu jeˬ byah luꞈ meh.

Jaceuq 65:13

Deh ga-ahˇ yawˇ tiˬ byah jawˇ-awˇ, deh kʼawꞈ-ahˇ cehˇ tiˬ byah dehꞈ luꞈ meh. Yawˬ jeˬ na luꞈ laˬ kʼaˬ cehˇ-awˇ guˇ-eu laꞈ kʼoeˇ, caˇ-eu dawˬ caˇ luꞈ meh.

Jaceuq 67:6

Miˇ tsaˬ neh dzaˬ la gʼo cehˇ bi keuˆ le-euˬ meh. Aˬ dui-euˬ Miˬyehˇ pyeuꞈ-eu Miˬyehˇ, aˬ dui-ahˇ guiˬ lahˬ biꞈ laꞈ-euˬ meh.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Yeˬsaˬgeˬlaˇ 36:30

Aˬ cawˬ tsawˇ jeuˬ heu myaˆ ni gʼeh-eu mehˬ shi, naw maꞈ hawˬ mehꞈ shaˬ-awˇ daˬ maˬ ya ga ni, naw maꞈ-euˬ aˇ siˬ aˇ bawˇ deuˬ aˇ siˬ bi sahˇ le-awˇ, naw maꞈ-euˬ deh yaˇ deuˬ dzaˬ la gʼo cehˇ bi za le ma.

Yeˬsaˬgeˬlaˇ 36:35

Bawˇ tsahˬ bawˇ dahˇ dahˇ-iˇ-euˬ miˇ kʼahˬ heu kʼahˬ, Eˬdeˬ yaˇ kmˇ loꞈ-ehˇ muiˬ laˇ-euˬ gaˇ kawˆ hawˇ-eu, aˬ cawˬ neh pyuˇ shuiˇ myawˬ gahˬ bi yuˇ geuꞈ jiˇ-euˬ uˬ taꞈ, bi deh pyaˆ bi deh shaˆ-awˇ yaw cawˆ-ehˇ byehˇ dzeh yaꞈ-euˬ meuˬ deuˬ, tsawˇ haˬ paˇ jawˇ byah-awˇ laˆ ziꞈ taˬ-euˬ gaˇ kawˆ, tsawˇ haˬ yawˬ gʼaˬ na luꞈ ja tehꞈ-a.

Yeˬsaˬgeˬlaˇ 36:8

Ehˇ kʼawꞈ, ngaˬ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ-oˇ, Iˇsaˬleˬlaˆ gawˬ jawˬ deuˬ kʼoeˇ taˆ dehꞈ-eu aˇ bawˇ deuˬ baw nmˬ paˇ nmˬ laˇ-awˇ, naw maꞈ gʼaˇ duˬ aˇ siˬ siˬ le tehꞈ-a. Naw maꞈ gʼawˬ myahˇ maˬ gʼeh-ehˇ, iˇ kahˇ-ahˇ paˇ ya gʼoꞈ jawˇ laˇ tehꞈ-a.

Yawˇnaˆ 4:11

Toˆ-ehˇ ngeuˇ naˇ, huiˬ dui dui-eu Niˇnaˬbeˬ meuˬ kʼoeˇ meuˬ-ahˇ ngaˇ aˇ naˆ ni gʼawˬ shaˬ gaˬ paˬ-ehˇ gʼeh-eu nga. Meuˬ kʼoeˇ meuˬ laꞈ kʼoeˇ iˬ baˇ maˬ ahˇ-eu zaˬ yaw nyiˇ tiˬ seh nyiˬ muiˇ gʼaˬ dzehˬ ni jawˇ-awˇ, jeˬ zaˬ kʼawꞈ myaˬ dui dui-eu meh.”

Haˬgaiˇ 2:16

Cehˇ pyuˇ nyiˬ muiˇ ahˇ ma lehˇ naw maꞈ noeˬ-euˬ kʼawꞈ, tiˬ muiˇ tehꞈ-ehˇ ahˇ-eu maˬ ngeuˇ-a loˇ. Aˬ gaꞈ dzaˇ uiˇ tiˬ yaˇ tsaꞈ dahˬ ma lehˇ noeˬ-euˬ kʼawꞈ, oeˬ tseˇ tsaꞈ tehꞈ-ehˇ dahˬ-eu maˬ ngeuˇ-a loˇ.

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

1 Gawˇliˬtu 3:7

Ka-eu gʼaˬ hawˇ-eu iˇ cuꞈ shehˬ-eu gʼaˬ-aˬ, ehˇ nyaꞈ nyeuˆ-eu maˬ ngeuˇ-a. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ pyeuꞈ-eu Miˬyehˇ-ahˇ ja ceuˬ dui dui paˬ-ehˇ gʼeh-eu meh.