Yawˇlaˆ 2:19 - Akha

¹⁹ Aˬ yawꞈ maꞈ-ahˇ aˬ yawꞈ ehˇ-eu, “Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ naw maꞈ-ahˇ ngaˇ biꞈ-awˇ, nui kʼahˇ tiˬ shiˇ bi dzaˬ dehˆ ma. Aˬ cawˬ tsawˇ jeuˬ deuˬ naw maꞈ-ahˇ, yehˬ bawˬ-ehˇ maˬ paˇ bi gʼeh ma.

Yawˇlaˆ 2:19 ပူးပေါင်းရင်းမြစ်များ

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬsaˬgeˬlaˇ 34:29

Miˇ tsaˬ miˇ muiˬ muiˬ dui dui-eu deh yaˇ deuˬ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ byoˆ tsehˆ tehꞈ-a. Aˬ cawˬ tsawˇ jeuˬ deuˬ aˬ yawꞈ maꞈ-ahˇ maˬ paˇ laˆ guˆ nya ni pyeuꞈ-iˇ tehꞈ-a.

Yeˬsaˬgeˬlaˇ 36:15

Miˇ kʼahˬ heu kʼahˬ aˬ cawˬ ja bu-eu dawˬ maˬ paˇ ya gaˬ-ehˇ, aˬ cawˬ lmˬ guˆ laˇ gaˇ maˬ paˇ ya mawˇ-aˇ. Miˇ kʼahˬ heu kʼahˬ yawˬ ha tsawˇ jeuˬ-euˬ zaˬ-ahˇ tahˇ joe maˬ paˇ joe geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 36:29

Naw maꞈ-ahˇ kʼaˇ bi jawꞈ-iˇ-eu yawˬ jeˬ na luꞈ laꞈ kʼoeˇ ngaˇ ka kʼoꞈ ma. Naw maꞈ tiˬ jawˇ-iˬ maˬ paˇ ya mehꞈ ya shuꞈ-eu gʼaˇ duˬ, dzaˬ la gʼo cehˇ za le ni ngaˇ dawˬ biꞈ ma.

Yeˬsaˬgeˬlaˇ 36:30

Aˬ cawˬ tsawˇ jeuˬ heu myaˆ ni gʼeh-eu mehˬ shi, naw maꞈ hawˬ mehꞈ shaˬ-awˇ daˬ maˬ ya ga ni, naw maꞈ-euˬ aˇ siˬ aˇ bawˇ deuˬ aˇ siˬ bi sahˇ le-awˇ, naw maꞈ-euˬ deh yaˇ deuˬ dzaˬ la gʼo cehˇ bi za le ma.

Yeˬsaˬgeˬlaˇ 39:29

Iˇsaˬleˬlaˆ tsawˇ jeuˬ kʼoeˇ taˆ ngaˬ-euˬ Yaw sahˇ shehˬ daˆ nehˬ-awˇ, aˬ yawꞈ maꞈ-ahˇ tiˬ jawˇ-iˬ maˬ paˇ byehˇ dzeh ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 2:15

Aˬ yawꞈ-euˬ aˬ gaꞈ yaˇ kmˇ deuˬ, aˬ yawꞈ-ahˇ ngaˇ paˇ biꞈ kʼoꞈ-awˇ, shaˬ zahˬ deh kʼawꞈ kuˇ-euˬ kʼoeˇ tsahˇ, noeˬ tmˬ duˬ laˇ gʼoˆ bi pyeuꞈ ma. Aˇ hu aˬ yawꞈ miˬ daꞈ geuꞈ-awˇ, Iˇjiˇtuˆ miˇ kʼahˬ laꞈ kʼoeˇ neh, doˆ laˇ ngeh ngehˬ cawˬ-euˬ loꞈ-ehˇ, ngaˬ-ahˇ ngehˬ cawˬ poˆ laˇ tehꞈ-a.

Hawˇseˬ 2:21

Aˇ nah aˇ yamˬ kʼoeˇ keuˆ laˇ ngeh, ngaˬ-euˬ tsawˇ jeuˬ Iˇsaˬleˬlaˆ shaˇ-euˬ dawˬ-ahˇ ngaˇ naˇ haˬ ma. Miˇ tsaˬ tahˬ kʼawˇ heu-euˬ kʼoeˇ taˆ, uˬ yehˇ yehˇ le ni ngaˇ jahˇ ma. Cehˇ, aˬ gaꞈ, saˬ loˬ heu deuˬ-ahˇ, miˇ tsaˬ neh bi loˆ le tehꞈ-a.

Yawˇlaˆ 1:10

Deh yaˇ deuˬ neˇ leuꞈ ni jaˆ-awˇ, dzaˬ la gʼo cehˇ cawˆ-iˇ jiˇ-awˇ, aˬ gaꞈ baw duˆ koˆ-iˇ jiˇ-awˇ, saˬ loˬ aˇ bawˇ nyoeˬ jiˇ-euˬ gaˇ, miˇ tsaˬ tsawˇ ngoeˇ ngoeˇ luꞈ-eu meh.

Yawˇlaˆ 2:24

Cehˇ diˬ doˆ-euˬ pu cu cu-awˇ, aˬ gaꞈ dzaˇ uiˇ saˬ loˬ tsiˇ deuˬ, tsiˇ lehˬ doˆ-eu duˬ kʼawꞈ laꞈ kʼoeˇ, maˬ deˇ leˇ ni yoeˇ kʼaˇ luꞈ meh.

Uˬ duˬ 26:5

Naw maꞈ dzaˬ la gʼo cehˇ za dui dui le-eu miˇ neh, aˬ gaꞈ aˇ siˬ pyaˆ yamˬ-ahˇ keuˆ ni, cehˇ ya laˆ luiˆ luꞈ gaˇ keuˆ-awˇ, siˬ yoeˬ sehˬ-eu yamˬ-ahˇ keuˆ ni, aˬ gaꞈ aˇ siˬ pyaˆ pyaˆ-ehˇ ya jawˇ gaˇ keuˆ tehꞈ-a. Yawˬ ha kʼaˇ dzaˬ mawꞈ-eu jeˬ tiˬ byah tiˬ loꞈ jaˆ-awˇ, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za ni, naw maꞈ-euˬ miˇ kʼahˬ laꞈ kʼoeˇ, saˇ lehˆ ni naw maꞈ ya jawˇ tehꞈ-a.

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Dawˬmehˬ 11:14

Naw maꞈ kʼoeˇ loꞈ-ehˇ mˇ naˇ, dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, yehˇ gʼahˇ ahˇ dahˬ beh ngeh maˬ ehˇ, yehˇ gʼahˇ jiˇ le ngeh maˬ ehˇ, kʼaˇ loˬ-eu loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ uˬ yehˇ bi yehˇ le tehꞈ-a.

Luˇta 1:6

Mawˇbaˆ miˇ kʼahˬ laꞈ kʼoeˇ Nawˇmi jawˇ luꞈ ngeh, Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ guiˬ lahˬ biꞈ-awˇ, dzaˬ la gʼo cehˇ gʼawˬ mya ni bi za le-euˬ gaˇ kawˆ ya gaˬ-euˬ meh. Kʼoeˇ miˇ neh, aˬ yawꞈ-euˬ kuiˬ ma nyiˬ gʼaˬ nehˬ-ehˇ, Mawˇbaˆ miˇ kʼahˬ-ahˇ neh doˆ-iˇ-eu lehˇ, aˬ yawꞈ lehˬ hmˬ-euˬ meh.