Yawˇbaˆ 9:24 - Akha

²⁴ Miˬyehˇ haiˬ-eu tsawˇ haˬ-ahˇ miˇ kʼahˬ bi dzaˬ-awˇ, yaˇ kʼaˬ daˇ-eu tsawˇ haˬ dawˬ tawˆ luꞈ-ahˇ myaˆ behꞈ bi behꞈ iˇ-eu meh. Miˬyehˇ maˬ ngeuˇ-ehˇ aˬ suˇ gʼaˬ kʼoeˇ loꞈ-ehˇ jahˇ nmˇ.

Yawˇbaˆ 9:24 ပူးပေါင်းရင်းမြစ်များ

2 Saˬmeuˬlaˆ 15:30

Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

2 Saˬmeuˬlaˆ 19:4

Sahˬ paˬ-aˬ, aˬ yawꞈ-euˬ myaˆ pyawˬ-ahˇ dehˬ kaˬ-awˇ, “Ngaˬ li-oˇ. Ngaˬ li Aˬbaˇsaˬloˬ-oˇ. Ngaˬ li Aˬbaˇsaˬloˬ-oˇ” lehˇ guˇ guˇ-ehˇ ngoeˇ-eu meh.

Iˇsaˬtaˆ 6:12

Kʼoeˇ loꞈ-ehˇ cah gʼaˬ-awˇ, Haˬmaˬ gʼaˬ myaˆ pyawˬ dehˬ kaˬ-awˇ toˇ toˇ-ehˇ iˇ kahˇ-ahˇ yaw kawˇ-ehˇ gʼoꞈ-iˇ ngeh, Mawˬdaˬkehˇ gʼaˬ sahˬ paˬ-euˬ nymˇ gʼoˆ kʼehˬ-ahˇ gʼoꞈ leˇ-euˬ meh.

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Yawˇbaˆ 10:3

Nawˇ gʼawˬ shaˬ gaˬ-eu nui ma tiˬ pawꞈ-iˬ maˬ ahˇ ni, nawˬ neh beh-euˬ jeˬ-ahˇ yaw zeu maˬ baw-ehˇ, haiˬ-eu tsawˇ haˬ deuˬ-euˬ gaˇ kawˆ-ahˇ nui kʼahˇ shiˇ-eu tsaˬ tehꞈ-a loˇ.

Yawˇbaˆ 12:17

Uˆ lahˇ-eu deuˬ-euˬ zaˬ siˬ tsawˇ gahˇ aˬ yawꞈ yuˇ dzeh-awˇ, aˬ yuiꞈ aˬ tsu deuˬ tsawˇ uˬ loꞈ-ehˇ pyeuꞈ-iˇ ni aˬ yawꞈ jahˇ-eu meh.

Yawˇbaˆ 16:11

Miˬyehˇ ngaˬ-ahˇ haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.

Yawˇbaˆ 19:7

Aˬ yawꞈ ngaˬ-ahˇ mˇ nehˬ laꞈ-euˬ heu maˬ tsaˬ-a lehˇ ngaˇ ehˇ kʼawꞈ, naˇ haˬ nehˬ laꞈ-eu gʼaˬ maˬ jawˇ-a. Yaw tsaˬ yaw dawˇ jeˬ bi keuˆ le-awˬ lehˇ ngaˇ guˇ gaˇ, naˬ bawˇ gaˬ leˇ-eu tiˬ gʼaˬ-iˬ maˬ jawˇ-a.

Yawˇbaˆ 22:8

Nawˬ-euˬ baoˬ hawˇ-eu gʼaˬ-ahˇ nawˇ gʼoe-awˇ, miˇ tsaˬ gʼawˬ mya ni laˆ za geuꞈ-euˬ meh.

Yawˇbaˆ 24:12

Naˇ-eu gawˇ-eu deuˬ hawˇ-eu shiˇ leˇ luꞈ-eu deuˬ meuˬ laꞈ kʼoeˇ guˇ luꞈ kʼawꞈ, aˬ yawꞈ maꞈ-euˬ shaˇ dawˬ-ahˇ Miˬyehˇ maˬ naˇ haˬ nehˬ-a.

Yawˇbaˆ 24:25

Kʼoeˇ loꞈ-ehˇ maˬ ngeuˇ-a lehˇ aˬ suˇ gʼaˬ ehˇ nya te. Ngaˬ neh ehˇ-euˬ maˬ tsaˬ-a lehˇ aˬ geu gʼaˬ ja duˬ nya te.”

Yawˇbaˆ 32:2

Ehˇ kʼawˬ, Yawˇbaˆ yawˬ haˇ yawˬ ha tsaˬ ma lehˇ ehˇ-awˇ, Miˬyehˇ-ahˇ iˬ baˇ taˬ-eu miˇ neh, gaˇ dzeˇ paw yawꞈ-awˇ haw luꞈ-eu Eˇliˇhuˆ lehˇ myahˇ-euˬ tiˬ gʼaˬ nui ma pehˇ laˇ-awˇ, aˬ yawꞈ-euˬ nui ma-ahˇ maˬ nyehꞈ tehˬ coeˇ ni pyeuꞈ laˇ taˬ-euˬ meh. Eˇliˇhuˆ-aˬ, Lam aˇ jeuˬ Buˇzaˆ-euˬ aˬ li Baˬlaˬkeˬlaˇ-euˬ zaˬ pyeuꞈ-eu meh.

Jaceuq 17:14

Miˇtaˆnui loˆtiˬli dehꞈ-eu, haiˬ-eu tsawˇhaˬdeuˬ-euˬlaꞈ-ahˇ, nawˇngaˬ-ahˇka kʼoꞈnehˬ le-awˬ. Yawꞈmaꞈgʼaˇduˬlehˬhmˬtaˬ-euˬ, kʼehˬ-eu kʼaˆ-eu bi keuˆ le-awˬ. Zaˬziˇkeuˆni mˇkeuˆnehˬ-awˇ, oeˬziˇkeuˆni taˬbi dzeuˇ-iˇ.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Yeˬlaˬmiˇ 14:4

Uˬ yehˇ maˬ jaˆ-ehˇ miˇ tsaˬ koˆ-iˇ-euˬ miˇ neh, mˇ dzaˬ-eu tsawˇ haˬ deuˬ nui ma cawˆ dui dui-awˇ, myaˆ pyawˬ ciꞈ zaꞈ-euˬ meh.

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.