Yawˇbaˆ 9:23 - Akha

²³ Iˬ baˇ maˬ ahˇ-eu tsawˇ haˬ tiˬ gʼaˬ ja pyuˬ ni shiˇ ngeh, Miˬyehˇ uiˇ-eu meh.

Yawˇbaˆ 9:23 ပူးပေါင်းရင်းမြစ်များ

Aˇ dahˬ 17:17

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

2 Saˬmeuˬlaˆ 14:15

Sahˬ paˬ-oˇ, aˬ cawˬ ngaˬ-ahˇ guˆ tsiˬ nyehꞈ-eu miˇ neh, nawˬ-ahˇ ngaˇ dawˬ ya ngehˬ cawˬ laˇ-euˬ jeˬ pyeuꞈ-eu ma. Ngaˬ neh shaˇ-euˬ jeˬ-ahˇ nawˇ mˇ nehˬ laꞈ-eu duˇ lehˇ yawˬ haˇ yawˬ ha noeˬ-awˇ, nawˬ-ahˇ dawˬ ngehˬ cawˬ laˇ-euˬ ma.

2 Saˬmeuˬlaˆ 14:17

Ngaˬ-euˬ saˇ jaˇ baˬ da neh, ngaˇ guˆ kʼaˇ maˬ za ni ya dehꞈ tehꞈ-a lehˇ yawˬ haˇ yawˬ ha ehˇ-euˬ ma. Aˬ jeˬ miˇ neh ehˇ naˇ, sahˬ paˬ nawˇ-aˬ, Miˬyehˇ-euˬ mˬ taˆ gʼaˬ kʼehˇ-ahˇ duˇ-awˇ, yaw muiˬ yaw doeˇ tseˇ paˆ nya-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ.”

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Yawˇbaˆ 24:12

Naˇ-eu gawˇ-eu deuˬ hawˇ-eu shiˇ leˇ luꞈ-eu deuˬ meuˬ laꞈ kʼoeˇ guˇ luꞈ kʼawꞈ, aˬ yawꞈ maꞈ-euˬ shaˇ dawˬ-ahˇ Miˬyehˇ maˬ naˇ haˬ nehˬ-a.

Yawˇbaˆ 4:7

Dzeuˇ laˇ-euˬ gaˇ kawˆ-ahˇ paˇ shaˇ noeˬ haw sheˇ. Yaw tsaˬ yaw dawˇ tsawˇ haˬ tiˬ gʼaˬ na, shaˬ-eu zahˬ-eu jeˬ-ahˇ ya tahˬ puˬ haw-euˬ jaˆ ta loˇ.

Yawˇbaˆ 8:20

“Ehˇ kʼawꞈ, saˇ jaˇ ziꞈ-eu tsawˇ haˬ-ahˇ Miˬyehˇ tiˬ jawˇ-iˬ maˬ byehˇ dzeh-ehˇ, haiˬ-eu tsawˇ haˬ deuˬ-ahˇ tiˬ jawˇ-iˬ maˬ caw ba-a.

Jaceuq 44:22

Ehˇkʼawꞈ,nawˬ-euˬbaˬda baˇneh, nga maꞈshiˇnawˆnawˆluꞈ-eu ma. Bi sehꞈdzaˬ-euˬyawˇdeuˬloꞈ-ehˇ, nga maꞈ-ahˇjahˇnehˬlaꞈ-euˬmeh.

Yeˬsaˬgeˬlaˇ 21:13

Ngaˬ-euˬ tsawˇ haˬ-ahˇ lawˬ haw ma. Aˬ yawꞈ maꞈ nui ma maˬ paˇ naˇ, heu deuˬ dawˬ tawˆ luꞈ bi daˬ ma.