Yawˇbaˆ 9:20 - Akha

²⁰ Ngaˇ-aˬ, iˬ baˇ maˬ mˇ-ehˇ saˇ jaˇ ziꞈ-eu tsawˇ haˬ pyeuꞈ kʼawꞈ, ngaˬ-euˬ dawˬ bahˬ leˇ-euˬ meh. Ngaˇ kʼaˇ ngehˬ kʼaˇ tmˇ-eu yawˬ jeˬ na luꞈ ngaˬ-euˬ kʼoeˇ taˆ yaw lehˬ yaw ca bi keuˆ le gaˇ duˇ-eu meh.

Yawˇbaˆ 9:20 ပူးပေါင်းရင်းမြစ်များ

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Yawˇbaˆ 10:15

Ngaˇ iˬ baˇ mˇ-eu nehˬ-ehˇ nawˬ-euˬ lahˇ ju-ahˇ paꞈ leˇ-euˬ gaˇ duˇ-eu meh. Ehˇ kʼawꞈ ngaˇ yaw muiˬ jeˬ mˇ ngeh, nawˇ noeˬ muiˬ nehˬ laꞈ-euˬ maˬ jaˆ-a. Ngaˇ shaˬ zahˬ naꞈ-awˇ, shaꞈ dawˇ-eu jeˬ tiˬ byah jaˆ luꞈ ma.

Yawˇbaˆ 14:17

Ngaˬ-euˬ iˬ baˇ-ahˇ nawˇ pyehˬ nehˬ laꞈ-awˇ, sha dzeh nehˬ laꞈ tehꞈ-a. Ngaˬ neh mˇ lehˬ-euˬ jeˬ dawˬ tawˆ luꞈ-ahˇ nawˇ shiˆ byoˆ tehꞈ-a.

Yawˇbaˆ 34:35

‘Yawˇbaˆ-aˬ zaˬ siˬ tsawˇ gahˇ maˬ ahˇ-eu dawˬ ngehˬ-eu nya. Aˬ yawꞈ neh ngehˬ-euˬ dawˬ gaˇ dahˇ maˬ tsoeˬ nya.

Yawˇbaˆ 35:16

Nawˇ dawˬ ja ja kʼawꞈ tiˬ jeˬ-iˬ gaˇ dahˇ maˬ tsoeˬ luꞈ-a. Yawˬ ha aˬ jeˬ ehˇ luꞈ-eu yawˬ ha maˬ siˬ duˬ-eu yaw duˬ baw ngaˇ.”

Yawˇbaˆ 4:17

“Tsawˇ haˬ zaˬ Miˬyehˇ mehˬ shi yaw tsaˬ yaw dawˇ dawˇ-ehˇ dehꞈ nya meh loˇ. Beh-euˬ yaw sahˇ mehˬ shi shawˇ jehˆ ni dehꞈ nya meh loˇ.

Yawˇbaˆ 9:15

Ngaˇ iˬ baˇ mˇ taˬ-euˬ maˬ jaˆ kʼawꞈ, ngaˬ-ahˇ yaˇ kʼaˬ daˇ-eu ngaˬ-euˬ Miˬyehˇ-ahˇ tahˬ shaˇ-eu tiˬ kahˇ dahˇ-eu tehꞈ miˇ-a.

Yawˇbaˆ 9:2

“Gaˇ kawˆ kʼoeˇ deuˬ dawˬ tawˆ luꞈ ngaˇ siˬ nya ma. Ehˇ kʼawꞈ, tsawˇ haˬ zaˬ Miˬyehˇ-ahˇ aˬ joˆ-ehˇ ja gʼaˬ nya nmˇ.

Yawˇbaˆ 9:28

Miˬyehˇ ngaˬ-ahˇ iˬ baˇ ahˇ meh lehˇ sawˇ-eu ngaˇ siˬ nya-awˇ, ngaˬ-euˬ naˇ gawˇ dawˬ tawˆ luꞈ ngaˇ jawˇ gaˇ paˇ gʼoꞈ kʼoꞈ laˇ-eu meh.

Yawˇbaˆ 9:29

Ngaˬ-ahˇ iˬ baˇ ahˇ meh lehˇ sawˇ taˬ gʼaˬ-euˬ-aˬ, ngaˇ aˬ jeˬ lehˇ paˇ teuˆ nmˇ.

Jaceuq 130:3

Nga maꞈ-euˬ iˬ baˇ-ahˇ nawˇ noeˬ taˬ naˇ, aˬ geu gʼaˬ dzeuˇ-iˇ nya nmˇ.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Dawqdaq 10:19

Dawˬ ja myaˬ gaˇ, iˬ baˇ doˆ laˇ-awˇ, dawˬ tmˇ cuiˆ-eu tsawˇ haˬ yaw gahˇ meh.

Dawqdaq 17:20

Nui gʼoꞈ ahˇ-eu deuˬ maˬ dehꞈ dzaˬ laˇ-ehˇ, jaˬ myawꞈ mehˇ shuiˇ deuˬ duˬ kʼahˬ-ahˇ ga ahˇ-eu meh.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Luˇkaꞈ 10:29

Ehˇ kʼawꞈ, Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ, yawˬ ha yaw tsaˬ geuꞈ mawꞈ-eu miˇ neh, heu loꞈ-ehˇ ehˇ-eu meh. “Yawˬ ha dawˬ peh jawˇ-eu tsawˇ haˬ lehˇ ehˇ-eu aˬ suˇ gʼaˬ-ahˇ ehˇ ta.”

Luˇkaꞈ 16:15

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.