Yawˇbaˆ 9:17 - Akha

¹⁷ Ngaˇ tiˬ jeˬ-iˬ jahˇ taˬ-euˬ maˬ jaˆ gaˇ, aˬ yawꞈ jaˬ lehˇ lehˇ ma pyehˬ gʼeh leꞈ-awˇ, ngaˬ-ahˇ laˆ tahˬ laˆ naˇ nehˬ laꞈ-euˬ meh.

Yawˇbaˆ 9:17 ပူးပေါင်းရင်းမြစ်များ

Yawˇbaˆ 10:8

Nawˬ-euˬ aˬ laꞈ neh ngaˬ-ahˇ tehˆ-awˇ, nawˬ-euˬ aˬ laꞈ ngaˬ-ahˇ paˇ laˆ cawˆ-eu meh.

Yawˇbaˆ 16:12

Ngaˇ saˇ suˬ ni jawˇ luꞈ ngeh, Miˬyehˇ ngaˬ-ahˇ kuˬ byahˬ-ahˇ nyehꞈ-awˇ, ciˬ jeˬ ciˬ joˆ joˆ-awˇ, ciˬ tahˬ ciˬ tuˆ nehˬ laꞈ-euˬ meh. Aˇ pyaˇ daˬ-awˇ beuˆ haw-eu loꞈ-ehˇ, kʼaˇ jahˇ mawꞈ-eu jeˬ jahˇ nehˬ laꞈ-euˬ meh.

Yawˇbaˆ 16:14

Aˬ yawꞈ ngaˬ-ahˇ tiˬ poˆ saˇ-iˬ tiˬ poˆ beuˆ tahˬ beuˆ naˇ-awˇ, nui ma pehˇ dui dui-awˇ uˬ-iˇ-euˬ yehˇ tiˬ gʼaˬ nui jaˆ mˇ-eu loꞈ-ehˇ, kʼoeˇ naˆ ni ngaˬ-ahˇ jahˇ nehˬ laꞈ-euˬ meh.

Yawˇbaˆ 16:17

Ehˇ kʼawꞈ, ngaˇ yaw haiˬ jeˬ mˇ taˬ-euˬ maˬ jaˆ-ehˇ, ngaˬ-euˬ guiˬ lahˬ shaˇ dawˬ shawˇ jehˆ ni gʼeh-eu ma.

Yawˇbaˆ 2:13

Kʼoeˇ naˇ, aˬ yawꞈ maꞈ aˬ yawꞈ nehˬ-ehˇ tiˬ kawˆ loꞈ-ehˇ miˇ tsaˬ-ahˇ shiꞈ nah keuˆ ni nuiˇ-awˇ, dawˬ maˬ tmˇ ni jawˇ-euˬ meh. Aˬ jeˬ miˇ neh ehˇ naˇ, aˬ yawꞈ shaˬ zahˬ naꞈ dui dui gaˇ aˬ yawꞈ maꞈ ya mawˇ duˬ-euˬ meh.

Yawˇbaˆ 2:3

Sahˬpaˬ Miˬyehˇ ehˇ-eu, “Ngaˬ-eu zaˬ kʼaˆ Yawˇbaˆ gaˇ kawˆ nawˇ shaˇ noeˬ haw maˬ loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh. Aˬ yawꞈ yaw lehˬ tiˬ jeˬ-iˬ maˬ jaˆ gaˇ aˬ yawꞈ-ahˇ bi kʼehˬ-iˇ laꞈ lehˇ nawˇ ngaˬ-ahˇ shaˇ-euˬ meh. Ehˇ kʼawꞈ, Yawˇbaˆ-aˬ, dzeuˇ laˇ ngeh loꞈ-ehˇ saˇ jaˇ ziꞈ luꞈ meh.”

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Yawˇbaˆ 27:2

“Ngaˬ-euˬ kʼoeˇ taˆ yaw tsaˬ yaw dawˇ jeˬ maˬ bi keuˆ le-ehˇ, ngaˇ yaw dehꞈ dehꞈ-eu jeˬ-ahˇ kʼaˬ jehꞈ ni bi pyeuꞈ laˇ-euˬ gʼaˬ pyeuꞈ-eu, Baoˬ huiˬ-eu Miˬyehˇ mehˬ shi ngaˇ heu loꞈ-ehˇ ehˇ tsehˆ-eu ma.

Yawˇbaˆ 30:22

Nawˇ ngaˬ-ahˇ jaˬ lehˇ bi baw dzeh-awˇ, jaˬ lehˇ lehˇ ma baw gaˇ ngaˬ-ahˇ dzeh diˇ niˇ gʼa-eu meh.

Yawˇbaˆ 33:10

Ehˇ kʼawꞈ, Miˬyehˇ ngaˬ-ahˇ iˬ baˇ poˆ-awˇ, muiˇ-eu tsawˇ haˬ tiˬ gʼaˬ loꞈ-ehˇ jahˇ nehˬ laꞈ-euˬ meh.

Yawˇbaˆ 34:6

‘Ngaˇ maˬ lehˬ gaˇ lehˬ-eu ma lehˇ aˬ joˆ-ehˇ jaˬ myawꞈ myawꞈ-awˇ ehˇ nmˇ. Ngaˇ shiˇ taw tehˬ ni naˇ luꞈ gawˇ luꞈ kʼawꞈ, iˬ baˇ ahˇ-eu tsawˇ haˬ maˬ ngeuˇ’ lehˇ aˬ yawꞈ ehˇ-eu meh.

Yawˇbaˆ 9:16

Aˬ yawꞈ ngaˬ-ahˇ dawˬ bi ngehˬ laꞈ law hawˇ kʼawꞈ, ngaˬ-euˬ dawˬ-ahˇ aˬ yawꞈ naˇ haˬ tehꞈ-a lehˇ maˬ jah nya.

Jaceuq 25:3

Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

Jaceuq 29:5

SahˬpaˬMiˬyehˇ teˇsaˇbaˬda, shuˬliˇbawˇma kʼehꞈ-iˇjiˇ-awˇ, Leˬbaˬnoˬshuˬliˇ-ahˇ keuˆni, maˬdaˬcoeˇ-ehˇkʼehꞈ-iˇ-eu meh.

Jaceuq 83:15

Nawˬ-euˬ mˬ jeˬ jaˬ lehˇ neh aˬ yawꞈ maꞈ-ahˇ teh byoˆ-awˇ, guˆ laˇ paˬ-ehˇ gʼeh-eu jaˬ lehˇ lehˇ ma neh laˆ guˆ nehˬ-awˬ.

Iˇsaˬyaˇ 28:17

Yaw tsaˬ yaw dawˇ jeˬ-ahˇ biˇ tsehˆ-ehˇ gawˬ tehˬ-awˇ, yaw sui yaw dawˇ jeˬ-ahˇ tsawˬ tuˇ-ehˇ gawˬ daˆ ma. Naw maꞈ-euˬ jaˬ myawꞈ mehˇ shuiˇ-ahˇ uˬ yehˇ aˇ siˬ deh cawˆ-awˇ, naw maꞈ cehˆ zaꞈ duˬ-ahˇ iˇ jeuˬ dehˬ dzaˬ tehꞈ-a.”

Yeˬlaˬmiˇ 23:19

Aˬ yawꞈ nui ma pehˇ-eu jeˬ-aˬ, haiˬ-eu tsawˇ haˬ deuˬ-euˬ uˬ duˬ-ahˇ ciˬ tahˬ-eu, mˬ jeˬ jaˬ lehˇ-ahˇ duˇ-eu meh.

Yeˬsaˬgeˬlaˇ 13:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ nui ma pehˇ-eu laꞈ kʼoeˇ, jaˬ lehˇ lehˇ ma bi baw leꞈ-awˇ, uˬ yehˇ yehˇ ma bi yehˇ le-awˇ, uˬ yehˇ aˇ siˬ kʼawꞈ bi ga le-eu laꞈ kʼoeˇ, meuˬ meuˬ lahˇ kʼoeˇ-ahˇ laˆ cawˆ nehˬ ma.

Maꞈtehˬ 12:20

Gʼaˬ byehˆ byehˆ-eu tsawˇ haˬ kʼoeˇ taˆ, aˬ yawꞈ nui nahˬ nui yu ahˇ-awˇ, shaˬ zahˬ naꞈ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a. Yaw tsaˬ yaw dawˇ gʼaˬ leˇ ngeh keuˆ, aˬ yawꞈ leh jeh gʼaˬ maˬ byehˆ-aˇ.

Maꞈtehˬ 7:27

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ ngeh, nymˇ kʼoeˇ nymˇ coˬ dzeh-iˇ-eu meh. Coˬ dzeh-iˇ-eu kʼoeˇ-aˬ, coˬ pyaˆ coˬ shaˆ jiˇ-eu meh.”

Yoˇhaˬ 15:25

Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

Yoˇhaˬ 9:3

Yeˬ suˇ ehˇ-eu, “Aˬ yawꞈ myaˆ behꞈ behꞈ-eu kʼoeˇ-aˬ, aˬ yawꞈ-euˬ iˬ baˇ baˬ da neh maˬ ngeuˇ-a. Aˬ da aˬ ma euˬ iˬ baˇ baˬ da neh kʼawꞈ maˬ ngeuˇ-a. Miˬyehˇ tehꞈ-ehˇ mˇ nya-eu zahˬ leˇ paˬ-ehˇ gʼeh-eu jeˬ-ahˇ aˬ cawˬ ya mawˇ ni aˬ yawꞈ myaˆ behꞈ behꞈ-eu jeˬ pyeuꞈ-eu meh.