Yawˇbaˆ 8:21 - Akha

²¹ Laˬ kʼaˬ cehˇ-awˇ uiˇ-eu teˇ saˇ hawˇ-eu guˇ-eu teˇ saˇ, nawˬ-euˬ kʼaˬ meh-ahˇ aˬ yawꞈ bi byah laˇ tehꞈ-a.

Yawˇbaˆ 8:21 ပူးပေါင်းရင်းမြစ်များ

Aˇ dahˬ 21:6

Saˬlaˇ ehˇ-eu, “Ngaˬ-euˬ kʼoeˇ taˆ, laˬ kʼaˬ cehˇ-eu jeˬ hawˇ-eu uiˇ yoeˇ laˇ paˬ-ehˇ gʼeh-eu jeˬ Miˬyehˇ bi keuˆ le-euˬ meh. Gaˇ kawˆ heu kʼaˇ ya gaˬ-eu tsawˇ haˬ dawˬ tawˆ luꞈ, ngaˬ nehˬ-ehˇ tiˬ kawˆ loꞈ-ehˇ caw uiˇ tehꞈ-a.”

Neˬhaˬmiˇ 12:43

Kʼoeˇ ngeh nah aˬ yawꞈ maꞈ lawˇ-eu shehˇ-eu jeˬ gʼawˬ mya ni mˇ-awˇ, Miˬyehˇ aˬ yawꞈ maꞈ-ahˇ laˬ kʼaˬ cehˇ-eu jeˬ biꞈ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh. Zaˬ miˬ zaˬ deuˬ hawˇ-eu zaˬ deuˬ kʼawꞈ bawˬ-iˬ gʼeh gaˇ uiˬ leˇ-awˇ, aˬ yawꞈ maꞈ laˬ kʼaˬ cehˇ cehˇ-ehˇ lawꞈ gʼa-eu teˇ saˇ, gaˇ mahˇ kaˬ gaˇ keuˆ ni gaˬ keuˆ-iˇ-euˬ meh.

Yawˇbaˆ 35:10

Ehˇ kʼawꞈ, zahˇ dui dui-eu aˇ yamˬ-ahˇ aˬ yawꞈ maꞈ-ahˇ noeˬ tmˬ duˬ biꞈ-eu gʼaˬ pyeuꞈ-eu, aˬ yawꞈ maꞈ-ahˇ beh-euˬ Miˬyehˇ-ahˇ aˬ yawꞈ maꞈ laꞈ jeuˬ maˬ shaˇ-a.

Yawˇbaˆ 5:22

Haiˬ-eu jeˬ hawˇ-eu mehꞈ-eu shuꞈ-eu jeˬ-ahˇ nawˇ uiˇ haw-awˇ, haiˬ-eu bawˇ tsahˬ jeˬ zaˬ deuˬ-ahˇ nawˇ maˬ guˆ ni ya dehꞈ tehꞈ-a.

Jaceuq 100:1

Miˇ kʼahˬ dawˬ tawˆ luꞈ Sahˬpaˬ Miˬyehˇ-ahˇ ja ceuˬ-awˬ.

Jaceuq 126:1

Sahˬpaˬ Miˬyehˇ aˬ dui-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ ngeh, yuꞈ maˆ maˆ gaˇ duˇ miˇ-a.

Jaceuq 126:2

Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

Jaceuq 126:6

Myaˆ biˇ shiˆ shiˆ-ehˇ cehˇ siˬ yoeˬ pi-awˇ doˆ-iˇ-euˬ deuˬ, laˬ kʼaˬ cehˇ-eu caˇ dawˬ caˇ caˇ-ehˇ, cehˇ pi-awˇ gʼoꞈ laˇ tehꞈ-a.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Jaceuq 98:4

Miˇ tsaˬ zaˬ dawˬ tawˆ luꞈ laˬ kʼaˬ tiˬ cehˇ, Sahˬpaˬ Miˬyehˇ-ahˇ ja ceuˬ-awˇ caˇ-awˬ. Laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, aˬ yawꞈ-ahˇ ja ceuˬ-awˬ.

Luˇkaꞈ 6:21

“Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.