Yawˇbaˆ 6:27 - Akha

²⁷ Muˇ coe aˬ nmˇ zaˬ kʼaˆ deuˬ-ahˇ naw maꞈ kʼehˬ-awˇ, naw maꞈ-ahˇ gʼoeˇ-eu cawˬ deuˬ kʼoeˇ taˆ gahˇ dzaˬ-eu meh.

Yawˇbaˆ 6:27 ပူးပေါင်းရင်းမြစ်များ

Yawˇbaˆ 22:9

Miˬ coeˬ miˬ ma deuˬ-ahˇ nawˇ ngehˬ maˬ gʼeh ni byehˇ taˬ-euˬ uˬ taꞈ, muˇ coeˬ aˬ nmˇ deuˬ-ahˇ nawˇ kʼaˆ dzaˬ-awˇ yehˬ bawˬ-ehˇ gʼeh nehˬ-euˬ meh.

Yawˇbaˆ 24:3

Muˇ coe aˬ nmˇ deuˬ-euˬ mahˬ tahˬ laˆ-ahˇ aˬ yawꞈ maꞈ teh geuꞈ-awˇ, miˬ coeˬ miˬ ma-euˬ mawˇ neˇ mawˇ gaw-ahˇ dziˇ dzoˆ maˬ tsoeˬ kʼoeˇ keuˆ ni paꞈ taˬ-eu meh.

Yawˇbaˆ 24:9

Haiˬ-eu tsawˇ haˬ deuˬ aˬ da maˬ baw-eu zaˬ deuˬ-ahˇ zaˬ kʼaˆ bi geuꞈ-awˇ, shaˬ zaˬ zahˬ zaˬ-euˬ aˬ buˇ aˬ li deuˬ-ahˇ dziˇ dzoˆ sawˇ geuꞈ-eu meh.

Yawˇbaˆ 29:12

Yaw shaˬ zaˬ deuˬ guˇ-eu ya gaˬ ngeh, ngaˇ caw ba nehˬ-euˬ ma. Laꞈ jeuˬ shaˇ kʼaˇ maˬ za-eu muˇ coe aˬ nmˇ deuˬ-ahˇ ngaˇ ngehˬ gʼeh nehˬ-euˬ ma.

Yawˇbaˆ 31:17

Ngaˇ ya dzaˬ ya dawˇ dehˆ ngeh muˇ coe aˬ nmˇ deuˬ-ahˇ maˬ bi mehꞈ-aˬ.

Yawˇbaˆ 31:21

Muˇ coe aˬ nmˇ-ahˇ ngaˇ yaˇ kʼaˬ ja gʼaˬ nya ma lehˇ noeˬ-awˇ,

Jaceuq 57:6

Muiˇ-eu deuˬ ngaˬ-ahˇ baw gʼaꞈ kʼmˇ-eu miˇ neh, ngaˇ noeˬ zahˬ dui dui-eu ma. Ngaˬ-euˬ gaˇ ma-ahˇ aˬ yawꞈ maꞈ shaˬ duˬ duˬ-eu meh. Ehˇ kʼawꞈ, aˬ yawꞈ maꞈ yawˬ haˇ yawˬ ha ga ahˇ-eu meh.

Jaceuq 7:15

Ehˇkʼawꞈ yawˬha kʼmˇ-euˬlahˇju, yawˬhaˇyawˬha teuˆpaꞈ-eu meh.

Jaceuq 82:3

Shaˬ zaˬ zahˬ zaˬ hawˇ-eu muˇ coe aˬ nmˇ deuˬ-ahˇ yaw muiˬ paˬ-ehˇ haw piˇ nehˬ-awˬ. Shaˬ-eu zahˬ-eu tsawˇ haˬ hawˇ-eu, tahˬ shaˇ kʼaˇ maˬ za-eu deuˬ-ahˇ, dawˇ coe ni haw nehˬ pyaˆ nehˬ-awˬ.

Doˆ-iˇ 22:21

“Boeˇ miˬ siˬ kʼaˬ-ahˇ yehˬ bawˬ sehˇ lu-ehˇ maˬ ya jahˇ-a. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Yeˬlaˬmiˇ 18:22

Ngaˇ bi ga ahˇ-eu gʼaˇ duˬ aˬ yawꞈ maꞈ duˬ kʼahˬ kʼahˬ taˬ-awˇ, ngaˬ-euˬ aˬ kuiˇ bi paꞈ leˇ-eu lahˇ ju kʼmˇ-euˬ miˇ neh, aˬ yawꞈ maꞈ-ahˇ deuˆ-eu guiˇ maꞈ nawˇ pyehˬ ahˇ-awˇ, aˬ yawꞈ maꞈ-euˬ nymˇ laꞈ kʼoeˇ ngoeˇ-eu jeˬ keuˆ le luꞈ-uˇ.

Yeˬsaˬgeˬlaˇ 22:7

Meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ, yawˬ ha-euˬ aˬ ma aˬ da-ahˇ yaw zeu maˬ baw-a. Aˬ cawˬ tsawˇ jeuˬ-ahˇ nawˇ mehˇ shuiˇ shuiˇ dzaˬ-awˇ, miˬ coeˬ miˬ ma hawˇ-eu muˇ coe aˬ nmˇ deuˬ-ahˇ nawˇ yehˬ bawˬ-ehˇ gʼeh nehˬ-euˬ meh.

Yawˇlaˆ 3:3

Ngaˬ-euˬ tsawˇ haˬ nyehꞈ mi taˬ-euˬ, shehˆ tsaˬ tsaˬ-awˇ biˇ geuꞈ-euˬ meh. Nyehꞈ taˬ-euˬ aˬ buˇ aˬ li deuˬ, zaˬ kʼaˆ zeuˇ laˇ gaˇ ahˬ dzaˬ-awˇ, za-euˬ pyuˇ neh jiˇ baˬ dawˇ-awˇ, meh maˬ laˇ-ahˇ byawˬ gʼa-euˬ meh.

Naˬhmˬ 3:10

Ehˇ kʼawꞈ, aˬ yawꞈ-ahˇ paꞈ tawꞈ-awˇ, bi nyehꞈ byoˆ-euˬ maˬ ngeuˇ-a loˇ. Gaˇ gʼoꞈ gaˇ tsmˇ kʼaˇ tsmˇ le gaˇ, aˬ yawꞈ-euˬ zaˬ bi diˬ sehꞈ-awˇ, aˬ yuiꞈ aˬ tsu bi geuꞈ-euˬ deuˬ, tiˬ paw tiˬ gʼaˬ shmˇ caˆ paꞈ-awˇ, bi tsahˇ byoˆ-euˬ maˬ ngeuˇ-a loˇ.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.